Zefania 2:7 - Tshwa Bible

⁷ Gi tava tiko ga misalela ya ka Juda, va ta risela lomo a mitlhambi yabye. Laha gambyeni va ta etlela tindlwini ta ka Axkeloni, hakuva Jehova a Nungungulu Wabye i ta va alakanya, a tlhelisela a vakhonwi yabye.

Zefania 2:7 Mawu Ofanana

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

Tisimu 80:14

Wuya, Nungungulu wa tiyimpi, Cuwuka lahasi na u hi tilweni; Langutela ni ku hlayisa a sinya leyi ya vina.

Tisimu 85:1

Jehova, u katekisile a tiko ga wena, U wuyisile a vakhomilweko va Jakobe.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 11:14

Kanilezi va ta purumela makatleni ya maFilistia le Muhlwa-gambo, Va ta hlasela zinwe a vana va Mutsuwuka-gambo; Va ta khoma Edome na Moabi, Ni vana va Amoni va ta va ingisa.

Isaya 11:16

Ku tava kona a gonzo lomo ga misalela ya vanhu vakwe, Lava va ta nga sala le Assiria; Khwatsi hi legi gi nga wa hi kona A sikwini legi Israeli a nga huma hi le Gipite.

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 32:14

Hakuva a ziluvelo zi ta tsikiwa, A muti lowu wu tlhomeneko vanhu wu ta maha rumbi. A xitsunga ni makhokhola ya valanguteli zi tava tinzawu kala kupinzuka, A wukhanelo ga zihari za khwati ni wuriselo ga mitlhambi;

Jeremia 23:3

Mina wutsumbu nzi ta hlengeleta a misalela ya tiyivu ta mina, ti huma matikweni wontihe lomu nzi ti hangalasileko kona, nzi ti tlhelisela marangeni ya tona; ti ta pswala ti enzeleka.

Jeremia 29:10

Hakuva Jehova i ngalo: Loku ku hunzile a 70 wa malembe le Babuloni, nzi ta mu alakanya, nzi mu mahela a mhaka ya mina yinene, nzi mu wuyisa ka legi wutshamu. Ezra 1:1; Dan. 9:2; Zak. 1:12

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 3:18

A ka lawo masiku a yindlu ya ka Juda yi ta longoloka zinwe ni yindlu ya ka Israeli; va tata hi wumbiri gabye hi le tikweni ga Nwalungu, vata ka tiko legi nzi nyikileko vararu va nwina a kuva tshomba yabye.

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 31:7

Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Jeremia 32:44

Va ta xava masimu hi mali, va tsala mapapilo ya xavo, va ma tiyisa, va vitana timboni, lomu tikweni ga Benjamini ni le matlhelweni ya Jerusalema, ni le mitini ya ka Juda, ni le mitini ya lomu zitsungeni, ni le mitini ya tiluwa, ni le mitini ya Dzonga; hakuva nzi ta wuyisa a vakhonwiwa vabye, ku wula Jehova.

Jeremia 33:12

Jehova wa tiyimpi i ngalo: A ka legi wutshamu gi mahileko xiwula, gi nga hiko na munhu hambu xihari, ni ka miti yontlhe ya gona, ka ha tava kona a wuako ga varisi lava va mahako a mitlhambi yabye yi zumba kona.

Jeremia 33:7

Nzi ta wuyisa a vakhonwiwa va ka Juda na Israeli, nzi ta va akisa kota kale.

Jeremia 47:5

A tikuluwa ti tava kona le Gaza, Axkeloni i lovile ni misalela ya nkova wakwe. U ta ti cekelela kala rini?

Ezekieli 39:25

Hikwalaho Hosi Jehova i ngalo: Makunu nzi ta tlhelisa kambe a tikhumbi ta Jakobe, nzi ta yi mahela wuxinji yontlhe a yindlu ya ka Israeli, nzi ta pangamela a vito ga mina go basa.

Hosea 6:11

Na wenawu Juda, u yimiselwe a xikhati xa kutshovela, laha nzi ta nga tlhelisa a vanhu va mina hi le wukhumbini.

Obadia 1:19

A va le Dzongeni va ta fumela a xitsunga xa Esau; lava va le mikoveni va ta fumela a maFilistia. Va ta fumela a tiko ga Efraime ni tiko ga Samaria; na Benjamini i ta fumela a tiko ga Gileade.

Mika 2:12

Nzi ta tsombanyisa a vanhu vontlhe va wena Jakobe, nzi hlengeletela a misalela ya ka Israeli, nzi ta va tlhanganyisa wutshamu ginwe khwatsi tiyivu lomu rangeni, kukotisa tlhambi laha wuriselweni ga wona, va ta maha guwa ga hombe hi kota ya wunyingi ga vona.

Mika 4:10

Wena nhanyana wa Zioni, lunwa u bayiseka, kukotisa a wasati loyi a nga xikhatini xa kubeleka; hakuva makunu u ta huma mutini u ya tshama khwatini, u chikela ni le Babuloni. Hi laho u ta nga tlhatlhiswa kona, laho Jehova i ta ku tirula canjeni ga valala va wena.

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Zefania 3:13

A misalela ya ka Israeli yi nga ta ha goha, yi nga ta hemba mawunwa, ge hambu lirimi la ku khohlisa li nga ta kuva kona milonwini yabye. Hakuva va taga, va etlela hi kurula, a nga hi kona a va dzuxako. Joba 11:19; 1 Joh. 5:18

Zefania 3:20

Xikhatini lexo nzi ta mu wuyisa nzi mu tsombanyisa, hakuva nzi ta mu nyika wudumo mu khesiwa xikari ka matiko wontlhe ya misava, a siku lego nzi ta nga wuyisa a vakhonwi va nwina mahlweni ka nwina, ku wula Jehova. Deut. 30:3

Hagai 1:12

Zonake Zerubabeli a nʼwana Xealtieli, na Joxua a nʼwana Jehozadaki, a nga hi mupristi wa hombe, ni misalela yontlhe ya vanhu, va lo ingisa a gezu ga Jehova a Nungungulu wabye, ni timhaka ta muprofeti Hagai, khwatsi hilezi Jehova a Nungungulu wabye a mu rumileko; zonake a vanhu va lo chava Jehova.

Hagai 2:2

wulawula ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, ni ka misalela ya vanhu, uku;

Luka 1:68

A yi khesiwe Hosi, a Nungungulu wa Israeli, Hakuva i enzele a vanhu vakwe ni ku va tirula. 1 Tih. 1:48; Tis. 72:18

Luka 7:16

Vanhu vontlhe va lo chava, va dumisa Nungungulu, vaku: Ku humele muprofeti wa hombe xikari ka hina; niku: Nungungulu i enzele a vanhu vakwe. Joh. 4:19

Mitiro 8:26

Kanilezi a ngelosi ya Hosi yiku ngalo ka Filipu: Suka u famba le Dzongeni, hi ndlela leyi yi relelako hi le Jerusalema yiya le Gaza, leyi yi nga xiwula. Tis. 91:11

Mitiro 8:40

Kanilezi Filipu i lo kumiwa le Azota; zonake i lo kanela ivangeli mitini yontlhe a kala a chikela Kesaria.

Va le Roma 11:5

Hizalezo ni ka lexi xikhati, yi kona a misalela yi hlawulilweko hi tipswalo. Xip. 9:27

Rute 1:6

Zonake i lo suka ni vakatamwane vakwe le tikweni ga Moabi, hakuva i wa zwile lomu tikweni ga Moabi lezaku Jehova i enzele vanhu vakwe, hi ku va nyika zakuga.