Zefania 1:18 - Tshwa Bible

¹⁸ A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.

Zefania 1:18 Mawu Ofanana

Genesisi 6:7

Na Jehova aku ngalo: Nzi ta lovisa a vanhu lava nzi nga va vanga, ina, a vanhu ni zifuyo, ni zikokakoka, ni tinyanyani ta tilo, hakuva nza ti laya hilezi nzi zi mahileko.

1 Tihosi 14:22

A va ka Juda va lo maha lezi zi bihileko mahlweni ka Jehova, va mu zangarisa ku hunza vadadani vabye hi zionho lezi va zi mahileko.

Joba 21:30

Lezaku a wa kubiha wa tsikiwa sikwini ga khombo; A huluka hi siku ga zanga?

Joba 3:15

Kutani ni tihosana leti ti nga ni nzalama, Leti ti tatileko tiyindlu tabye hi siliva.

Tisimu 78:58

Va lo mu zangarisa hi matshamu yabye ma tlakukileko, Va vuxa xiluse xakwe hi zifananiso zabye. Deut. 32:16, 21

Tisimu 79:5

Ku ta kala kuva rini, Jehova, na wa ha zangarile? A xiluse xa wena xi ta vura khwatsi i nzilo kala rini?

Mavingu 11:4

A wukosi a gi vuni nchumu sikwini ga zanga; anilezi a kululama ka tlhatlhisa kufeni.

Mavingu 18:11

A wukosi ga munhu a fumileko hi khokhola gakwe; ualakanyeni kakwe i khurisi gi tlakukileko.

Isaya 1:24

Hikwalaho a Hosi Jehova wa tiyimpi, a Nhenha ya ka Israeli, yiku: A, nzi tava ni zigingi hi lavava nzi vengako, nzi ti photela ka valala va mina.

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Jeremia 7:34

A mitini ya ka Juda ni lomu maruweni ya Jerusalema nzi ta miyeta a gezu ga kutsaka ni kuhlakana, a gezu ga muteki ni mutekiwa; hakuva a tiko gi ta maha rumbi. Isa. 24:7; Ezek. 26:13

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Ezekieli 16:38

Nzi ta ku lamula ku fanana ni lezi va lamulisiwako zona a vavasati lava va tshovako wukati ni lava va halatako a nkhata; nzi ta halata a nkhata wa wena hi zanga ni xiluse. Gen. 9:6; Mitse. 35:31; Joba 8:5

Ezekieli 23:25

Nzi ta ku vukela hi wukhuxu ga mina, nzi va maha va ku khoma hi tihanyi; va ta ku tsema a nhovu ni tindleve, ni misalela ya wena yi ta dawa hi supado. Va ta yisa kule a vafana va wena ni vanhwana va wena; ni misalela ya wena yi ta hiswa hi nzilo.

Ezekieli 7:11

A tihanyi ti hunzukile tiva nhonga yo tsayisa leʼzo biha. Ku nga ta sala ni munwe wa vona, ge hambu a wunyingi gabye, hambu ni kufuma kabye, a nga kona wo va rilela.

Ezekieli 7:19

Va ta hoxa a siliva yabye lomo maphangweni, ni nzalama yabye Va ta yi wona kota xilo xi nyenyezileko. A siliva ni nzalama yabye cima zi nga ta va tlhatlhisa a sikwini ga zanga ya Jehova. Zi nga ta va tangalisa, hambu ku xurisa marambu yabye; hakuva hi zona zi nga va khunguvanyisa vawa kubiheni. Mav. 11:4; Zef. 1:18

Ezekieli 7:5

Hosi Jehova i ngalo: Khombo! A khombo go tshisa gata!

Zefania 1:11

Nwina vaaki va le Maktexi, banani nkosi, hakuva a vamahungani vontlhe va mbhelile, va file vontlhe lava va nga wa hi ni mati yo tala.

Zefania 1:15

Lego siku i siku ga khulo, i siku ga zikarato ni hlokiselelo, a siku ga kuhahlula ni kuhangalaka, a siku ga munyama ni dzuvi, a siku ga marefu ni kuphuma.

Zefania 2:2

hi mahlweni a nyiwo na yi nga se ku tatiseka, hakuva a siku lego gata khwatsi i mungu lowu wu kukuletwako, hi mahlweni a zanga ya Jehova yi nga se ngata ka nwina, hi mahlweni a siku ga zanga ya Jehova na gi nga se ngata ka nwina.

Zefania 3:8

Hikwalaho nzi rinzeleni, ku wula Jehova, kala a siku lego nzi ta nga vuka ha gona nzi phanga; hakuva a mixuvo ya mina hi ku tsombanyisa a matiko, ni ku tlhanganyisa a mifumo, kasi nza chulela hehla ka yona a zanga ya mina, yontlhe a zanga ya mina yi chavekako, hakuva a misava yontlhe yi ta hiswa hi nzilo wa xiluse xa mina.

Mateu 16:26

Hakuva zi ta mu vuna yini munhu loku a bhinzula tiko gontlhe, a lahlekelwa hi muhefemulo wakwe ke?. A munhu i ta humesa yini ku tekisa muhefemulo wakwe ke? Tis. 49:7, 8

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14

Deuteronome 31:17

Kanilezi a zanga ya mina yi ta vura hi lego siku, nzi va tsika, nzi fihla a nghohe ya mina ka vona, va lobyiswa, a makhombo ya ku tala ni hlomulo zi tata hehla kabye, zonake va ta ku ngalo: Kasi lawa makhombo ma tako hehla ka hina, a hi lezi Nungungulu wa hina a nga hiko kona xikari ka hina ke?