Zefania 1:16 - Tshwa Bible

¹⁶ I siku ga mpunzu ni nyandayeyo zi vukelako a miti yi bhiyelweko ni makhokhola ma tlakukileko.

Zefania 1:16 Mawu Ofanana

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Isaya 32:14

Hakuva a ziluvelo zi ta tsikiwa, A muti lowu wu tlhomeneko vanhu wu ta maha rumbi. A xitsunga ni makhokhola ya valanguteli zi tava tinzawu kala kupinzuka, A wukhanelo ga zihari za khwati ni wuriselo ga mitlhambi;

Isaya 59:10

Hi hulumetela lomu makhurisini khwatsi zikhumu, Ina, hi hulumetela kota lava va nga hiko na mahlo; Hi khubeka ni hlikanhi khwatsi hi loku ku hi wusiku, Xikari ka lava va nga ni ntamu hi fanana ni vanhu va fileko.

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Jeremia 8:16

A guwa ga mahaxi yakwe gi zwala le Dani; A tiko gontlhe gi rurumela hi kota ya kuyimba ka wona; Hakuva va tile va hetisa tiko ni zontlhe zi nga ka goha, A muti ni vontlhe va tshamako ka wona.

Ezekieli 7:7

A khombo gi ku chikelele, wena muaki wa tiko. A xikhati xi chikele, a siku gi tshinele; na gi nga hi ga ku tlhava zizimba lomu zitsungeni, kanilezi ga zolonga.

Hosea 5:8

Banani a khombela le Gibea, muba mpunzu le Rama; kanyulukani le Betavene, a nala wata Benjamini!

Hosea 8:1

Vekela a paratana nonwini wa wena. A nala wa haha kukotisa a gama ngomama ni yindlu ya Jehova, hakuva va tshovile a xivumelwano xa mina ni nayo wa mina. Deut. 28:49; Isa. 58:1; Jer. 4:13

Joeli 2:1

Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Deuteronome 28:52

Na vona va ta ku vimbezela lomu mitini ya wena yontlhe, kala kuwa lahasi wontihe a makhokhola lawa ma gingisilweko hi ntamu, walawo u ma tsumbako lomu tikweni ga wena gontlhe. Va ta ku hlasela lomu mitini ya wena yontlhe, lomu ka tiko legi Jehova Nungungulu wa wena a nga ku nyika gona.

Joxua 6:20

Zinghaho a vanhu va lo kanyuluka, ni vapristi va loba mipunzu. Ni laha a vanhu va ngazwa a kuvuma ka mipunzu, va lo kanyuluka hi guwa ga hombe, zonake a khokhola gi lo khungumuka giwa lahasi, a vanhu va lo enghena mutini, loyi ni loyi i loya mahlweni kakwe, zinghaho va lo teka a muti. Maheb. 11:30