Zefania 1:13 - Tshwa Bible

¹³ A kufuma kabye ku ta phangiwa, a tiyindlu tabye ti hahlulwa. Ina, va ta aka tiyindlu, kanilezi va nga ta tshama ka tona; va ta byala zivina, kanilezi va nga tanwa a vinya ga kona. Deut. 28:30, 38; Am. 5:11

Zefania 1:13 Mawu Ofanana

Isaya 6:11

Zonake mina nziku: Kala rini Hosi? Yena i lo hlamula, aku: Kala a miti yi hahluka, yi nga have na vaaki, ni tiyindlu ti nga hi na munhu, ni tiko gontlhe giva rumbi,

Jeremia 15:13

Nzi ta nyikela a nhunzu ya wena ni titshomba ta wena zi phangiwa, na zi nga xabyiwangi, hi kota ya zionho zontlhe za wena tikweni ga wena gontlhe.

Jeremia 17:3

O xitsunga xa mina lomu sinwini, nzi ta nyikela a nhunzu ya wena ni titshomba ta wena akuva zi phangiwa, zinwe ni matshamu ya wena ma tlakukileko, hi kota ya zionho lezi u zi mahileko tikweni ga wena gontlhe.

Jeremia 4:20

Ka biwa hungu hi lobyiselelo hehla ka lobyiselelo, Hakuva tiko gontlhe gi hahlulwe. A matenda ya mina ma khungumulwa hi xitshuketi, Ni mixaxa ya mina hi xikhatanyana.

Jeremia 4:7

A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Jeremia 9:19

Hakuva a gezu ga xirilo gi zwele hi le Zioni, giku: Yowee! a lobyiselelo wa hina! Hite koyo tingana, hakuva hi yimelwe ku tsika tiko, Hakuva va hahlulile a tiyindlu ta hina.

Mikosi 5:2

A tshomba ya hina yi nyikilwe a vamatiko, A tiyindlu ta hina ti le mandleni ya vahleva. Deut. 28:30

Ezekieli 22:31

Hikwalaho nzi ta chulula a zanga ya mina hehla kabye, nzi va lovisi hi nzilo wa khulo ga mina; nzi ta veka a nanzu wa zimaho zabye tihlokweni tabye, ku wula Hosi Jehova.

Ezekieli 7:19

Va ta hoxa a siliva yabye lomo maphangweni, ni nzalama yabye Va ta yi wona kota xilo xi nyenyezileko. A siliva ni nzalama yabye cima zi nga ta va tlhatlhisa a sikwini ga zanga ya Jehova. Zi nga ta va tangalisa, hambu ku xurisa marambu yabye; hakuva hi zona zi nga va khunguvanyisa vawa kubiheni. Mav. 11:4; Zef. 1:18

Ezekieli 7:21

Nzi ta zi nyikela mandleni ya vamatiko akuva muphango, a vakubiha va misava va ta zi wutla, va zi hanahanisa.

Ezekieli 7:24

Hikwalaho nzi ta va nehela a vamatiko vo biha nguvu, va ta ta teka tiyindlu tabye. Nzi ta bohlisa a matshanza ya laʼva ntamu, a matshamu yabye ma basileko ma ta nyenyeziswa.

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Mika 6:15

U ta byala, kanilezi u nga ta tshovele; u ta kamela maoliva, kanilezi u nga ta tola mafura ya kona; u ta kamela mauva, kanilezi u nga tanwa a vinya ga kona. Deut. 28:30, 38; Zef. 1:13; Hag. 1:6

Zefania 1:9

Hi siku lego nzi ta tsayisa lava va tlulako a xipimbitsi, lava va tatako a yindlu ya hosi yabye hi lezi zi phangilweko hi kanu ni kukhohlisa.

Deuteronome 28:30

Wena u ta wuta wasati, kanilezi munwani i ta etlela naye; wena u ta aka yindlu, kanilezi u nga ta tshama ka yona; u ta byala xivina, kanilezi u nga taga mihanzu ya xona.

Deuteronome 28:39

U ta byala ni ku hlakulela zivina, kanilezi u nga tanwa a vinya ga kona hambu ni ku khaya mauva ya kona, hakuva zi ta giwa hi ziwungwani.

Deuteronome 28:51

na wona wu taga a marole ya zifuyo za wena, ni mihanzu ya misava ya wena kala wena u lobyiswa; cima va nga ta ku siyela nchumu hambu ni timbewu, ni vinya, ni mafura, ni marole ya tihomu ta wena, hambu ni ziyivana za tiyivu ta wena, va kala vona va ku mbhetisa.