Zefania 1:11 - Tshwa Bible

¹¹ Nwina vaaki va le Maktexi, banani nkosi, hakuva a vamahungani vontlhe va mbhelile, va file vontlhe lava va nga wa hi ni mati yo tala.

Zefania 1:11 Mawu Ofanana

Joba 27:16

Hambu loku yena a vingeretela siliva yi ku khwatsi i tshuri, Ni ku veka tinguwo, kasi ti tala ku fanana ni nzhope,

Joba 27:17

A nga ti veka, kanilezi ti ta ambaliwa hi loyi a lulamileko, Laʼva nga hiko na nanzu va ta avelana siliva yakwe.

Jeremia 25:34

Nwina varisi,: huwelelani mu rila; Puluwunzani khumeni nwina vahombe va ntlhambi; Hakuva a masiku ya kuchabyiwa ka nwina ma tshinele. Nzi ta mu hangalasa, mu tawa Kota a xibya xa lisima.

Jeremia 4:8

Hikwalaho ti boheni a tinguwo ta tisakwa, Mu rila ni ku tsikwila; Hakuva a a zanga yo tshisa ya Jehova a yi sukangi ka hina.

Ezekieli 21:12

Nʼwana wa munhu, rila u kanyuluka, hakuva yi ta wela hehla ka vanhu va mina, ni hehla ka tontlhe tihosana ta ka Israeli; ti nyikelwe ka supado zinwe ni vanhu va mina; hikwalaho bana tshambukhulu wa wena. Jer. 31:19

Hosea 9:6

Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Joeli 1:13

Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.

Joeli 1:5

Vukani mu rila, nwina zidakwa! Banani huwa nwina nwentlhe vanwi va vinya, hi kota ya vinya go tsombela hakuva gi susilwe milonwini ya nwina.

Zefania 2:5

Va tava ni khombo lava a akileko fungwini wa bimbi, a tiko ga vaKereti! A mhaka ya Jehova ya ku vukela, wena Kanani, tiko ga maFilistia; nzi ta ku lovisa kasi ku nga havi kona ni muaki munwe ka wena.

Zakaria 14:21

Ina, tontlhe timbita ta le Jerusalema ni ta le Juda ti tava ti basiselwe Jehova wa tiyimpi, kasi ni wihi a phahlelako i ta zi kota ku teka yinwe ya tona a bhika ha yona. Hi siku lego ku nga tava kona a muKanani lomu ndlwini ya Jehova wa tiyimpi. Joeli 3:17; Kuv. 21:27

Johani 2:16

Aku ngalo ka lava va nga xavisa matuva: Susani lezi zilo laha; a yindlu ya Dadani mu nga yi mahi a yindlu ya mabhinzu. Lu. 2:49

Jakobe 5:1

Ma nga zwani, nwina mu fumileko; rilani muba huwa hi kota ya zixaniso lezi zi ta ngata hehla ka nwina. Lu. 6:24; 1 Tim. 6:9