Zakaria 9:16 - Tshwa Bible

¹⁶ Jehova Nungungulu wabye i ta va hanyisa hi siku lego, kota lezi va nga tlhambi wa tiko gakwe; hakuva va ta fana ni maribye ya lisima ma kwezimako lomu ka xidlodlo a tikweni gakwe.

Zakaria 9:16 Mawu Ofanana

Tisimu 100:3

Tivani lezaku Jehova i Nungungulu, Hi yena a nga hi maha, hi vakwe; Hi tiko gakwe, a tiyivu leti a ti risako. Ezek. 34:31; Joh. 10:11

Eksodusi 28:21

A maribye ma ta vekiwa hi kulanzelana ka mavito ya vana va, ka Israeli va khume ni vambiri; ma tava khume ni mambiri khwatsi hi tsengo wa mavito yabye; a ginwe ni ginwani gi tava ni vito ga lixaka la ka Israeli, a mavito ma ta tsaliwa hi ku kehla kota phera ya xifungo.

Eksodusi 28:9

U ta teka maribye mambiri ma vangamelako ya onikisi, u tsala ka wona a mavito ya vana va ka Israeli.

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Isaya 54:12

Nzi ta aka makhokhola ya wena hi maribye ya rubi, Ni tinyangwa ta wena hi karbunkele, Ni ligingisi la wena li ta akiwa hi maribye ya lisima.

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 60:3

A matiko ma ta famba kuwonekeleni ka wena, Ni tihosi ti ta famba kuhatimeni ka kuvuka ka wena. Lu. 2:32; Kuv. 21:24

Isaya 62:3

U tava xidlodlo xa wumbhuri a canjeni ga Jehova, Ni mubodi wa wuhosi lomu canjeni ga Nungungulu wa wena.

Jeremia 23:3

Mina wutsumbu nzi ta hlengeleta a misalela ya tiyivu ta mina, ti huma matikweni wontihe lomu nzi ti hangalasileko kona, nzi ti tlhelisela marangeni ya tona; ti ta pswala ti enzeleka.

Jeremia 31:10

Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.

Jeremia 31:11

Hakuva Jehova i tlhatlhisile Jakobe, A mu tirula canjeni ga wa ntamu ku hunza yena.

Ezekieli 34:11

Hakuva Hosi Jehova i ngalo: Mina wutsumbu nzi ta lava tiyivu ta mina, nzi ti hlotisisa.

Ezekieli 34:12

Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, Jer. 31:10; Joeli 2:2; Lu. 15:4

Ezekieli 34:31

Nwina tiyivu tanga, a ntlhambi nzi wu risako, mu vanhu; mina nzi Nungungulu wa nwina, ku wula Hosi Jehova.

Mika 5:4

I ta yima a gisa a tlhambi hi ntamu wa Jehova, ni wukulu ga vito ga Jehova a Nungungulu wakwe. Va ta aka hi kurula, hakuva lezo i tava wa hombe kala magemetamusi ya misava.

Mika 7:14

Hisa a vanhu va wena hi nhonga ya wena, va nga tiyivu ta tshomba ya wena ti tshamileko toce khwatini ga le Karmeli. A ti gele Baxani ni Gileade khwatsi hi masikwini ya kale. Mitse. 23:9; Deut. 33:28

Zefania 3:20

Xikhatini lexo nzi ta mu wuyisa nzi mu tsombanyisa, hakuva nzi ta mu nyika wudumo mu khesiwa xikari ka matiko wontlhe ya misava, a siku lego nzi ta nga wuyisa a vakhonwi va nwina mahlweni ka nwina, ku wula Jehova. Deut. 30:3

Hagai 2:23

A siku lego, ku wula Jehova wa tiyimpi, nzi ta ku teka wena Zerubabeli, nanza ga mina, nʼwana Xealtieli, ku wula Jehova, nzi ta ku maha kota xifungo; hakuva nzi ku hlawule, ku wula Jehova wa tiyimpi.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Zakaria 8:23

Jehova wa tiyimpi i ngalo: Masikwini lawo khume ga Vavanuna va tirimi ti tsalangeneko ta matiko, va ta khomelela nzhungweni wa nguwo wa muJuda, vaku: Hi ta famba na nwina, hakuva hi zwile lezaku Nungungulu i na nwina.

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Johani 10:27

A tiyivu ta mina ta ingisa a gezu ga mina; mina nza ti tiva, ta nzi lanzela.