Zakaria 8:3 - Tshwa Bible

³ Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Zakaria 8:3 Mawu Ofanana

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Tisimu 48:1

Jehova ngwa hombe, i fanelwe hi ku dumiswa nguvu, Lomu mutini wa Nungungulu wa hina, laha xitsungeni xakwe xo basa.

Eksodusi 29:45

Nzi ta aka xikari ka vanana va ka Israeli, nziva Nungungulu wabye. Levi 26:11; 2 Kor. 6:16

Isaya 1:21

O, a muti wo tsumbeka wu hunzulukileko wu maha xibhayi! A muti wu nga tele hi nongameto! A kululama ku wa akile ka wona, makunu wu tele hi vadayi.

Isaya 1:26

Nzi ta ku tlhelisela a Valamuli vo fanana ni laʼvo ranga, ni manghanakana lawa ma fananako ni ya ku sangula. Zonake u ta vitanwa lezaku u muti wa kululama, a muti wu tsumbekileko.

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 32:16

Zonake a nongameto wu ta aka le xiwuleni, Ni kululama ku ta tshama lomu sinwini gi pfunako.

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 65:25

A hlolwa ni yivana zi taga zinwe A nghala yi taga byanyi khwatsi i homu; Ni nyoka yi taga ntshuri. Va nga ta lamata hambu ku lovisa Lomu xitsungeni xontlhe xa mina xi basileko, Ku wula Jehova.

Isaya 66:20

Va ta neha vamakwenu vontlhe hi le matikweni a kuva munyikelo ka Jehova. Va tata na va khilele mahaxi, ni tikareta, va tlakuliwa hi machira, vanwani va famba hi mamula ni makameli, vaya xitsungeni xa mina xi basileko le Jerusalema, ku wula Jehova; va nehiwa khwatsi hi vanana va ka Israeli va nehako minyikelo yabye lomu zibyeni zi basileko a ndlwini ya Jehova. Levi 2:1

Isaya 8:18

Langutani, mina ni vanana lava Jehova a nzi nyikileko hi zikombiso ni zihlamaliso xikari ka Israeli hi ka Jehova wa tiyimpi, loyi a akileko xitsungeni xa Zioni.

Jeremia 14:9

Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Jeremia 26:18

Mika wa le Moraxi i lo profeta masikwini ya Hezekia hosi ya ka Juda, a byela vontlhe vanhu va ka Juda, aku: Jehova wa tiyimpi i ngalo: Zioni gi ta rimiwa kota simu, Ni Jerusalema gi tava nhulu ya maribye, Ni xitsunga xa tempeli xi tava xitsunga xa khwati. Mika 3:12

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Jeremia 33:16

Juda i ta hanyiswa masikwini lawo, ni Jerusalema i ta tshama hi kurula. Legi hi vito va to mu vitana ha gona, Jehova hi kululama ka hina.

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Joeli 3:21

Nzi ta fuvisa a milanzu yabye ya nkhata leyi nzi kalako nzi nga se ku yi fuvisa, hakuva Jehova i ta tshama le Zioni.

Mika 4:1

Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.

Zefania 3:13

A misalela ya ka Israeli yi nga ta ha goha, yi nga ta hemba mawunwa, ge hambu lirimi la ku khohlisa li nga ta kuva kona milonwini yabye. Hakuva va taga, va etlela hi kurula, a nga hi kona a va dzuxako. Joba 11:19; 1 Joh. 5:18

Zakaria 1:16

Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Zakaria 12:6

Hi siku lego nzi ta maha a tihosana ta ka Juda ti ku khwatsi i mbawula ya nzilo xikari ka tihunyi, khwatsi xihlahle xa nzilo xikari ka tinyanza. Ti ta lovisa matiko ya le kusuhi hi tlhelo ga xinene ni ga xibhabha; a Jerusalema gi tava wutshanwini ga gona, kwa le Jerusalema.

Zakaria 14:10

A tiko gontlhe kusukela Geba kala Rimmoni le Dzongeni ga Jerusalema, gi ta hunzuka livala. Jerusalema gi ta tlakuka a tshama wutshanwini gakwe, kusukela nyangweni ya Benjamini kala nyangweni yo ranga, ni ku kala nyangwa ya laha gwitsini; ni kusukela le khokholeni ga Hananeli kala le maphisweni ya hosi. Jox. 15:32; 2 Tih. 14:13; Neh. 3:1, 6

Zakaria 8:16

A zilo lezi mu ta nga zi maha hi lezi: Munwe ni munwani a wule zinene ka muakelwane wakwe; lamulani hi nongameto ni kurula lomu tihubyeni ta nwina; Isa. 1:17; Efe. 4:25

Zakaria 8:19

Jehova wa tiyimpi i ngalo: A masiku ya kuyila ka hweti ya wumune, ni ka ya wuntlhanu, ni ka ya wuntlhanu ni timbiri, ni ka ya wukhume, ma ta maha masiku ya litsako ni kunengela ka yindlu ya ka Juda ni mibuzo yo saseka; hikwalaho ranzani a zinene ni kurula.

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 14:23

Jesu i lo mu hlamula, aku: Loku munhu a nzi ranza, i ta hlayisa timhaka ta mina; Dadani i ta mu ranza, zonake hi tata ka yena, hi tshama zinwe naye. 1 Joh. 2:24; Kuv. 3:20

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Va le Kolosi 2:9

Hakuva a kutala kontlhe ka wuNungungulu ku tshamile ka yena hi miri. Isa. 9:6; Joh. 1:14; Rom. 9:5; Tit. 2:13

Kuvululelwa 21:10

Yi lo nzi yisa hi moya xitsungeni xa hombe xo leha, yi nzi kombeta Jerusalema a muti lowu wo basa, na wu relela hi le tilweni ka Nungungulu, Ezek. 43:5; Xip. 1:10; 17:3

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16