Zakaria 8:23 - Tshwa Bible

²³ Jehova wa tiyimpi i ngalo: Masikwini lawo khume ga Vavanuna va tirimi ti tsalangeneko ta matiko, va ta khomelela nzhungweni wa nguwo wa muJuda, vaku: Hi ta famba na nwina, hakuva hi zwile lezaku Nungungulu i na nwina.

Zakaria 8:23 Mawu Ofanana

Genesisi 31:41

A 20 wa malembe laya nzi nga wa ku tirela lomu ndlwini ya wena; a 14 wa malembe nzi lo tirela a vana va wena va vambiri, ni ntlhanu wa malembe ni ginwe nzi lo tirela a zifuyo za wena; hambu lezo u tlhela u hunzulusa a hakhelo ya mina khume ga zikhati.

Genesisi 31:7

Kanilezi a raru wa nwina i nzi khohlisile khume ga zikhati a hunzulusa a hakhelo ya mina; kanilezi Nungungulu a nga vumelangi a kuva a nzi mahela kubiha.

2 Tihosi 2:6

Elija i te ngalo kakwe: Tshama laha, hakuva Jehova i nzi rumile kuya le Jordani. Yena i lo hlamula, aku: Nzi hlambanya ha Jehova a hanyako ni muhefemulo wa wena wu hanyako, cima nzi nga ta ku tsika. Va lo famba zinwe.

1 Kronekele 12:18

Zonake ku lota a Moya ka Amasai, a nduna ya tinhenha, aku: Hina hi vanhu va wena, Davida, hi zinwe na wena, wena nʼwana Jese! A kurula, a kurula a kuve na wena, a kurula a kuve ni lava va ku vunako, hakuva Nungungulu wa wena i ku vunile. Zonake Davida i lo va amukela a va veka xikari ka tinduna ta tiyimpi takwe.

2 Kronekele 15:9

Zonake i lo tsombanyisa vontlhe va ka Juda, ni va ka Benjamini, ni va ka Efraime, ni va ka Manasa, ni va ka Simeoni, lava va nga wa akile xikari kabye; hambu vona va ka Israeli va lota ka yena na va tele nguvu, hakuva va lo wona lezaku Jehova Nungungulu wakwe i zinwe naye.

Estere 8:17

Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

Joba 19:3

Mu nzi rukile khume ga zikhati, A mu na tingana a ku nzi ruka.

Mutshawuteli 11:2

Zi avanyisele ka ntlhanu ni vambiri, hambu ka ntlhanu ni vanharu; hakuva a ku tivi a khombo gi ta nga huma laha misaveni.

Isaya 3:6

Laha munhu a ta nga khoma nakulobye a ndlwini ya raru wakwe, aku: Wena u na ni xifenengelo, ngha uve mufumeli wa hina, a rumbi legi gi ta hlayiswa hi wena,

Isaya 4:1

A siku lego a ntlhanu wa vavasati ni vambiri va ta khomelela ka nuna munwe, vaku: Hi taga kuga ka hina, hi ambala tinguwo ta hina venyi, ntsena hi vumele lezaku hi vitanwa hi vito ga wena, kasi ku susa tingana ta hina.

Isaya 45:14

Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 45:24

Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 60:3

A matiko ma ta famba kuwonekeleni ka wena, Ni tihosi ti ta famba kuhatimeni ka kuvuka ka wena. Lu. 2:32; Kuv. 21:24

Isaya 66:18

Hakuva nza yi tiva mitiro yabye ni maalakanyo yabye. A xikhati xata laha nzi ta nga tsombanyisa a matiko wontihe ni tirimi; va tata va ta wona kungangamela ka mina.

Mika 5:5

I ta neha kurula. Laha a muAssiria a ta nga enghena tikweni ga hina, a kanziha lomu ziluvelweni za hina, hi ta mu vuxela ntlhanu wa varisi ni vambiri, ni ntlhanu ni tinharu a tihosana ta vanhu.

Zefania 3:19

A xikhatini lexo nzi ta tlhelisela vontlhe lava va ku hlokisako; nzi ta hanyisa lava va khwitako, nzi tsombanyisa lava va hlongolweko, nzi ta va nyika wudumo va khesiwa, lava a tingana tabye ti nga no fenemete misaveni yontlhe.

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.

Luka 8:44

i lota hi lenzhako kakwe, a ta khumba a machakafula ya nguwo yakwe; khalekhale ku su khawuka a kuphophoma ka nkhata wakwe.

Mitiro 19:12

laha ka kuva va veka hehla ka lava va babyako a tilesu ni tinguwo leti ti khumbeneko ni miri wakwe, zonake a tinghumbe ti va tsika, ni mimoya ya kubiha yi huma kabye.

1 Va le Korinte 14:25

A zigungu za mbilu yakwe za tsetsulwa, zonake i tawa hasi hi nghohe yakwe a khizamela Nungungulu aku: Hizinene Nungungulu i kona xikari ka nwina. Isa. 45:14; Zak. 8:23

Joxua 8:35

Ku wa nga hi kona ni mhaka yinwe ka tontlhe timhaka leti ti leletelweko hi Mosi, yi nga kala ku gonziwa hi Joxua mahlweni ka tlhangano wontihe wa ka Israeli, ni mahlweni ka vavasati ni vanana ni valuveli lava va nga xikari kabye.