Zakaria 8:19 - Tshwa Bible

¹⁹ Jehova wa tiyimpi i ngalo: A masiku ya kuyila ka hweti ya wumune, ni ka ya wuntlhanu, ni ka ya wuntlhanu ni timbiri, ni ka ya wukhume, ma ta maha masiku ya litsako ni kunengela ka yindlu ya ka Juda ni mibuzo yo saseka; hikwalaho ranzani a zinene ni kurula.

Zakaria 8:19 Mawu Ofanana

2 Tihosi 25:1

Hi lembe ga wu 9 ga kufuma kaZedekia, hi hweti ya wu 10, hi siku ga 10, i lota Nebukadnezare a hosi ya le Babuloni zinwe ni yimpi yakwe yontlhe a ku ta hlasela Jerusalema. Va lo ta wu govela, va aka a tigingisi va wu ranzela. Jer. 39:1; 52:4

2 Tihosi 25:25

Kanilezi hi hweti ya wu 7 Ixmaeli nʼwana Natania wa Elixama, wa lixaka la wuhosi i lota zinwe ni 10 wa vavanuna va ta daya Gedalia, afa zinwe ni vaJuda, ni maKaldea, lava a nga wa hi navo le Mizpa. Jer. 41:1

Estere 8:17

Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

Estere 9:22

ku nga masiku lawa a vaJuda va nga kuma kuhumula valaleni vabye, a hweti leyi a kuxaniseka kabye ku nga hunzulwa kuva litsako, a siku ga xirilo gi hunzulwa giva ka migiyo; va maha ha wona a mibuzo, va tsaka, va rumelana zinyikiwo, ni ku nyika zinyikiwo ka zisiwana.

Tisimu 30:11

Lezo u hunzule a kurila ka mina kuva kukina, Wena u nzi tlhatlhile a nguwo ya xirilo, u nzi ambexa hi litsako,

Tisimu 34:15

A mahlo ya Jehova ma tsonometa a valulamileko; Ni tindleve takwe ti kangatele huwa yabye. 2 Kro. 16:9

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Jeremia 36:6

Hikwalaho enghena wena lomu ndlwini ya Jehova hi siku ga kuyila, u ya gonza a bhuku legi u gi tsalileko hi nomu wa mina, ma nga magezu ya Jehova, u ma gonza tindleveni ta vanhu ni ta vontlhe vaJuda lava va humeleko hi mitini yabye.

Jeremia 39:2

zonake hi lembe ga wukhume ni ginwe ga Zedekia, ka hweti ya wumune, hi siku ga wuntlhanu ni mune, a muti wu lo botelwa;

Jeremia 52:4

Hi lembe ga wuntlhanu ni mune ga kufuma kakwe, hi hweti ya wukhume a siku ga 10, Nebukadrezzare a hosi ya le Babuloni i lota zinwe ni yimpi yakwe yontlhe a ku ta vukela Jerusalema; Va aka makhokhola ma renzelekela muti matlhelo wontihe.

Ezekieli 18:8

loyi a nga pembisiko hi ku bhinzula, loyi a canja gakwe gi nga enghenangiko kubiheni, a lamulako xikari ka vanhu hi nongameto;

Ezekieli 24:1

Hi lembe ga wuntlhanu ni mune, hi hweti ya wukhume, hi siku ga wukhume ga hweti, a gezu ga Jehova gi lota ka mina, giku:

Zakaria 7:3

a kuya wutisa a vapristi va yindlu ya Jehova wa tiyimpi ni vaprofeti, vaku: Xana ha ha ta rila hi yila hi hweti ya wuntlhanu, khwatsi hilezi hi zi mahileko hi malembe loya ya kutala ke?

Zakaria 7:5

Byela vanhu vontlhe va tiko ni vapristi, uku: Laha mu nga yila mu maha hlomulo hi hweti ya wuntlhanu ni ya wuntlhanu ni timbiri xikari ka 70 wa malembe, mu wa zi mahela mina ke?

Zakaria 8:16

A zilo lezi mu ta nga zi maha hi lezi: Munwe ni munwani a wule zinene ka muakelwane wakwe; lamulani hi nongameto ni kurula lomu tihubyeni ta nwina; Isa. 1:17; Efe. 4:25

Zakaria 8:18

A mhaka ya Jehova wa tiyimpi yi lota ka mina, yiku:

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6