Zakaria 8:13 - Tshwa Bible

¹³ Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

Zakaria 8:13 Mawu Ofanana

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Tisimu 44:16

Loku nzizwa gezu ga loyi a nzi rukako, a wula nzhukano ha mina, Ni loku nzi wona a nala ni muphoteli.

Tisimu 72:17

A vito gakwe gi ta tsonzoma kala kupinzuka, A vito gakwe gi tava kona na ga hi kona gambo; Ni vanhu va ta katekisana ha yena; Matiko wontihe ma ta mu vitana loyi a katekileko. Gen. 12:3

Tisimu 79:4

Hi mahile a xiruko ka vaakelwane va hina, Hi maha a tseketselo ni xihlekiso ka lava va hi ranzelako.

Isaya 43:28

Hikwalaho nzi tsongahatile a tihosana ta yindlu yo basa, Nzi nyikele Jakobe a kuva a lobyiswa, Na Israeli a kuva a rukiwa.

Jeremia 24:9

A ka matlhelo wontihe va tava xichaviso ni khombo a ka matiko wontihe ya misava, va tava xihlekiso, ni vingu, a xixovo, ni xiruko lomu nzi ta nga va hangalasela kona. Deut. 28:25; 1 Tih. 9:7

Jeremia 25:18

Hi Jerusalema ni miti ya ka Juda, ni tihosi ta kona ni tihosana tabye, lezaku ma maha marumbi, ni xirewukiso, ni xiruko, kota ma nga zona nyamutlha;

Jeremia 26:6

mina nzi ta maha leyi yindlu kota Xilo, ni muti lowu nzi ta wu maha xiruko ka tontlhe tixaka ta misava.

Jeremia 29:18

Nzi ta va hlongolisa hi supado, ni ndlala, ni ntungu; nzi ta va maha a xichaviso xikari ka mifumo yontlhe ya misava, ni kuva xiruko, ni xirewukiso ni xihlekiso, ni xixovo a ka wontihe matiko nzi to va hangalasela ka wona;

Jeremia 33:24

Xana u wonile lezi va zi wulako vanhu, vaku: A mingango yimbiri leyi Jehova a yi hlawuleko, i yi tsikile ke? lezo va kanyisa a vanhu va mina, lezaku a va ha hi tiko.

Jeremia 42:18

Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Jeremia 44:12

Nzi ta khoma a misalela ya ka Juda,, lava va phikelelako a kuya tikweni ga Gipite va ya luvela; va ta lova vontlhe va dawa le tikweni ga Gipite. Va ta lobyiswa hi supado ni ndlala, a vatsongwani ni vahombe va tafa hi supado ni ndlala. Va tava xiruko ni xirewukiso, vava nzhukano va xanziwa.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Mikosi 4:15

Sukani! ku wa wuliwa kabye. A mu hlazekangi! Sukani, sukani, mu nga va khumbi! Ina, va tsutsumile, va pepetseka; A vamatiko vaku ha vona: Ngha va nga kumi wuakelo! Levi 13:45

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Ezekieli 37:11

Zonake aku ka mina: Nʼwana wa munhu, a marambu lawa hi yindlu yontlhe ya ka Israeli. Languta, ve ngalo: A marambu ya hina ma womile, hi mbhelelwe hi kutsumba, hi lovele magumo.

Ezekieli 5:15

U tava a xiruko ni kutseketsela, a xiwonelo ni xihlamaliso ka matiko lawa ma ku ranzeleko; laha nzi ta nga ku lamula hi zanga ni khulo, nzi ku kawuka hi xiviti. Nzi mina Jehova nzi wulako lezo.

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Zefania 3:16

Hi siku lego va taku ka Jerusalema: U nga chavi, Zioni! ngha a mandla ya wena ma nga mbheli ntamu!

Zefania 3:20

Xikhatini lexo nzi ta mu wuyisa nzi mu tsombanyisa, hakuva nzi ta mu nyika wudumo mu khesiwa xikari ka matiko wontlhe ya misava, a siku lego nzi ta nga wuyisa a vakhonwi va nwina mahlweni ka nwina, ku wula Jehova. Deut. 30:3

Hagai 2:19

Ya ha hi kona a mbewu lomu gombeni ke? ge hambu a xivina, ni mikuwu, ni sinya ya pomegranada, ni sinya ya maoliva, a zi na nga pswala nchumu. Kanilezi kusukela nyamutlha nzi ta mu katekisa.

Hagai 2:5

khwatsi hi xivumelwano xa mina lexi nzi nga maha na nwina laha mu nga huma hi le Gipite, ni Moya wa mina, wu tshamile xikari ka nwina: mu nga chavi!

Zakaria 1:19

Nzi te ngalo ka ngelosi leyi yi nga wulawula na mina: Timhonzo ta yini letiya? Yona yiku: A timhonzo letiya hi tona ti nga hangalasa Juda, na Israeli, na Jerusalema.

Zakaria 14:11

A vanhu va ta aka lomo, ku nga tava na nzhukano kambe; Jerusalema gi ta tshama hi kurula.

Zakaria 8:15

zinghaho nzi xuvile masikwini lawa a ku mahela wunene ka Jerusalema ni ka yindlu ya ka Juda; mu nga chavi!

Zakaria 8:9

Jehova wa tiyimpi i ngalo: Tiyani hlana, nwina lava mu zwako a timhaka leti ti humako milonwini ya vaprofeti lava va nga kanela masikwini lawa ku nga sanguliwa ha wona a yindlu ya Jehova wa tiyimpi, lezaku ku akiwa a tempeli.

Zakaria 9:13

Hakuva nzi ta kondla Juda a ku khwatsi i wura, Efraime a hi ligalala la kona; nzi ta vuxa a vana va Wena Zioni, va Vukela a vana va maGreki, nzi ku maha u fanana ni supado ya nhenha.

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

Va le Galatia 3:14

lezaku a xikatekiso xa Abrahama xi fela kuta ka vamatiko ha Jesu Kristu; lezaku hi amukela a xitsumbiso xa Moya hi kukholwa. Isa. 32:15; 44:3; Ezek. 36:27; Joeli 2:28; Rom. 4:9

Deuteronome 26:19

lezaku yena i ta ku tlakusa hehla ka matiko wontihe lawa a ma mahileko, a ku nyika wudumo, ni vito, ni wudzunzo, muva vanhu va basileko va Jehova Nungungulu wa wena, khwatsi hi lezi a wulileko. Jer. 13:11; 33:9; Zef. 3:19

Deuteronome 28:37

Na wena u tava xihlamaliso ni xihlekiso, ni a xomololwako xikari ka vanhu vontlhe lavo Jehova a ta nga ku yisa ka vona. 1 Tih. 9:7; Jer. 25:9