Zakaria 7:10 - Tshwa Bible

¹⁰ Mu nga tsimbeketi a tinoni, ni lava va nga hiko na vabeleki, ni valuveli, ni zisiwana. A mbilu ya munwe ni munwani wa nwina ngha yi nga hi na xikungo xo vukela nakulobye.

Zakaria 7:10 Mawu Ofanana

Tisimu 140:2

Lava va ehleketako zo biha timbilwini tabye, Xontlhe xikhati va tsombana kasi ku vuxa dzolonga.

Tisimu 21:11

Hakuva va ku xuvele kubiha, Va boha xikungo, kanilezi a va xi kotangi.

Tisimu 36:4

I alakanyela lezi zi bihileko sangweni gakwe; I famba hi ndlela yi nga hiko nene; A nga swiriwi hi kubiha. Mav. 4:16; Mika 2:1

Tisimu 72:4

I ta yimela a vaxaniseki va tiko, A ponisa a vana Va vavumali, Ni ku pswandlasa a mutsimbeketi.

Eksodusi 23:9

U nga xanisi a muluveli; nwina ma tiva malakanyo ya muluveli, hakuva nwinawu mu wa hi valuveli le Gipite.

Mavingu 3:29

U nga alakanyeli kubiha hi muakelane wa wena, oku a tsumba lezaku i tshamile hi kurula ka wena.

Mavingu 6:18

A mbilu yi polako makungo yo biha, i milenge leyi yi hatlisako yi tsutsumela kubiheni;

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 49:11

Siya a zisiwana za wena, nzi ta va hlayisa va hanya; ni tinoni ta wena a ti tsumba mina.

Jeremia 5:28

Va kulukile, va tolile mafura; a kubiha kabye a ku na magumo; a va yimeli mhaka ya zisiwana lezaku zi vuvuma; a va tsemi mhaka ya vavumali hi fanelo.

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Ezekieli 18:12

a onhela a nyakeke ni muvumali, a phanga, loyi a, nga tlhelisangiko a seye, loyi a tlakusileko mahlo yakwe a cuwuka zifananiso, loyi a mahileko manyala,

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Ezekieli 22:29

A vanhu va tiko legi vatsimbeketi ni vaphangi; ina, va xanisa a zisiwana ni vavumali, va tsimbeketa a vamatiko ahandle ka fanelo.

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Zakaria 8:17

ngha munwe ni munwani a nga hi na xikungo xo vukela muakelane wakwe, mu nga ranzi ku hlambanyela mawunwa, hakuva zontlhe lezo zilo nza zi venga, ku wula Jehova.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

1 Va le Korinte 6:10

ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.

Deuteronome 27:19

Khombo a give ka loyi a hambukisako nongameto ka muluveli, ni ka xisiwana, ni ka noni! A vanhu vontlhe va ta hlamula, vaku: Amen!

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

1 Johani 3:15

Kani hi wihi a vengako makabye wakwe, mudayi; nwina ma zi tiva lezaku a ku kona mudayi a nga ni wutomi ga pinzukelwa, legi gi tshamileko ka yena. Mat. 5:21; Gal. 5:21; Kuv. 21:8