Zakaria 4:9 - Tshwa Bible

⁹ A mandla ya Zerubabeli ma vekile a xiseketelo xa yindlu leyi, a mandla yakwe ma ta yi mbheta: mu ta zi tiva lezaku Jehova wa tiyimpi i nzi rumile ka nwina.

Zakaria 4:9 Mawu Ofanana

Ezra 5:16

Zonake Xexbazare loye i tile a ta vekela xiseketelo xa yindlu ya Nungungulu le Jerusalema; kusukela xikhatini xwalexo ya ha akiwa, a yi se nga mbhela.

Isaya 48:16

Tshinelani ka mina, muzwa lezi: Kusukela kusanguleni a nzi wulawulangi xihundleni; Laha a zilo lezi zi nga maheka nzi wa hi kona. Makunu Hosi Jehova i nzi rumile zinwe ni Moya wakwe. Joh. 8:25; 18:20

Hagai 2:18

Nza mu kombela lezaku mu ehleketa kusukela nyamutlha kuya nzhako, kusukela siku ga 24 ga hweti ya wuntlhanu ni mune kala a siku legi a xiseketelo xa yindlu ya Jehova xi nga yimisiwa ha gona, ehleketani lezaku ku wa mahisa kuyini.

Zakaria 1:16

Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Zakaria 2:13

A nyama yontlhe ngha yi miyela mahlweni ka Jehova; hakuva i vukile wutshanwini gakwe gi basileko. Hab. 2:20; Zef. 1:7

Zakaria 4:8

A mhaka ya Jehova yi lota ka mina kambe, yiku:

Zakaria 6:15

Lava va nga le kule va tata va ta aka a tempeli ya Jehova; zonake nwina mu ta zi tiva lezaku nzi rumilwe ka nwina hi Jehova wa tiyimpi. Lezi zi ta maheka loku hakunene mu ingisa a gezu ga Jehova a Nungungulu wa nwina.

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Johani 17:21

aku kasi vontlhe va fela kuva munwe, kota lezi wena Dadani u nga ka mina, na mina nzi nga ka wena, lezaku na vona va fela ku tshama ka hina; kasi a tiko gi ta kholwa lezaku u nzi rumile. Xip. 10:38; Rom. 12:5; Gal. 3:28

Johani 3:17

Hakuva Nungungulu a nga rumelangi a Nʼwana wakwe tikweni a kuta lamula tiko; kanilezi aku kasi a tiko gi fela ku hanyiswa hi yena. Lu. 9:56; Xip. 5:45; 8:15

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26