Zakaria 4:6 - Tshwa Bible

⁶ Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Zakaria 4:6 Mawu Ofanana

Genesisi 41:16

Josefa i lo hlamula Faro, aku: A hi mina, Nungungulu hi yena a to hlamula khwatsi ka Faro.

1 Tihosi 19:12

Anzhako ka kutsekatseka ka misava ku lo huma a nzilo, kanilezi Jehova i wa nga hi kona nzilweni lowo. Ni nzhako ka nzilo ku lo zwala a pfumawulo wa lungu go olova.

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

Ezra 2:2

lava va nga wuya na Zerubabeli na Jexua, Nehemia, Seraia, Reelaia, Mordekai, Bilxani, Mispare, Bigvai, Rehuma, Baana. A tsengo wa vavanuna va ka Israeli hi lowu:

Ezra 3:10

Laha a vaaki va nga sangula ku aka a xiseketelo xa tempeli ya Jehova, a vapristi va lo yima laho na va ambele tinguwo tabye na va welele mipunzu, zinwe ni vaLevi, ni vana va Asafa, na va hi ni tingomana, va dumisa Jehova, va lanzela a zileletelo za Davida a hosi ya ka Israeli. 1 Kro. 16:4-6

Ezra 5:2

Zonake ku lo suka Zerubabeli nʼwana Xealtieli, na Jexua nʼwana Jozadake, va engeta va sangulisa ku aka yindlu ya Nungungulu le Jerusalema, na va hi zinwe ni vaprofeti va Nungungulu va nga wa va vuna.

Tisimu 33:16

A hosi a yi hluli hi wunyingi ga mabutho; A nhenha a yi poni hi ntamu wa yona wa hombe. 2 Kro. 14:11

Mutshawuteli 9:11

Nzi lo tlhela nzi wona lahasi ka gambo lezaku a kupalisaneni, a xitsutsumi a xi dawuli, a nhenha a yi hluli yimpini, a zakuga a zi lumbi lava vo tlhariha, a wukosi a hi ga lava va kupima, ni kudzunziwa a hi ka titlhari; hakuva vontlhe va chikelelwa hi xikhati, zi dzuka zi va humela.

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Isaya 32:15

Kala loku a moya wu chululwe ka hina hi le hehla, Ni xiwula xi maha simu ga pfuno, Ni simu ga pfuno gi hunzuka gi maha xigwangwa. Ezek. 39:29; Joeli 2:28

Isaya 34:16

Hlotani lomu bhukwini ga Jehova, mu gonza: A xi kona ni xinwe xi ta nga vumaleka, A xi kona xi ta nga vumala munghana wa xona; Hakuva a nomu wa Jehova wu wulile lezo, Ni Moya wakwe wu zi tsombanyisile.

Isaya 59:19

Lezo va ta chava vito ga Jehova le Muhlwa-gambo, Ni wukulu gakwe le Mutsuwuka-gambo. Laha a nala a tako kukotisa a congo wu khulungako, A moya wa Jehova wu ta mu hlongolisa.

Danieli 2:34

Na wa ha xi cuwukisa, ku lo lemuka a ribye, na ku nga hi mandla ya munhu, gi ta wela hehla ka mikonzo ya xona, leyi ya xiketse xi vuvilweko ni wumba, gi yi fayetela fufanyi.

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Hagai 1:1

Hi lembe ga wumbiri ga kufuma ka hosi Dariusi, hi hweti ya wuntlhanu ni yinwe, hi siku go ranga ga hweti, ku lota a mhaka ya Jehova hi nomu wa muprofeti Hagai ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, yiku: Lu. 3:27

Hagai 2:21

Byela Zerubabeli a mwamangulu wa le Juda, uku: Nzi ta tsekatsekisa a tilo ni misava.

Zakaria 6:12

uku ka yena: Jehova wa tiyimpi i ngalo: Languta, a wanuna loyi a vito gakwe a nga Hluke, i ta mita wutshanwini gakwe, a aka a yindlu ya Jehova. Isa. 11:1; Jer. 23:5; 33:15

Mitsengo 27:16

Jehova, Nungungulu wa mimoya ya tinyama tontlhe, ngha a yimisa a munhu hehla ka tlhangano, loyi a ta nga maha murangeli wabye,

Va le Efesusi 6:17

Tekani a ndlhondlha ya kuhanyiswa, ni supado ya Moya, yi nga Mhaka ya Nungungulu. Maheb. 4:12; Kuv. 1:16

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

1 Samueli 17:47

Wontihe hlengeletano lowu wu ta zi tiva lezaku Jehova wa ponisa, kanilezi na ku nga hi supado ni tlhari, hakuva a kulwa ni kuhlula za Jehova; makunu i mu nyikele nwina mandleni ya hina.