Zakaria 4:10 - Tshwa Bible

¹⁰ Himani a kanyisako a siku ga zilo zitsongwani? hakuva a mahlo lawa ya ntlhanu ni mambiri, ma nga ya Jehova, lawa ma cuwukako a misava yontlhe, ma ta tsaka loku ma wona a lipimo canjeni ga Zerubabeli.

Zakaria 4:10 Mawu Ofanana

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

Joba 8:7

Hambu lezi a masangulo ya wena ma nga hi matsongwani, A magumo ya wena ma ta kuliswa ma enzelekelana.

Tisimu 33:14

Hi ka wutshamu legi a akileko ka gona Wa langutela vontlhe a vaaki va misava.

Mavingu 15:3

A mahlo ya Jehova ma wona matshamu wontihe; a cuwuka laʼvo biha ni va kululama.

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Isaya 66:11

Kasi mu ta anwa mu xura Hi mali ya kuchavelelwa kakwe; Kasi mu ta buzela, Mu tsakiswa hi wunyingi ga mavele yakwe.

Isaya 66:14

Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Jeremia 16:17

Hakuva a mahlo ya mina ma te tshonono tindleleni tabye tontlhe; a va fihlalangi mahlweni ka mina, ni zionho zabye a zi fihleki kuwoneni ka mina. Joba 34:21; Maheb. 4:13

Ezekieli 1:14

A zivangwa zi hanyako zi lo tsutsuma, na zi tlhela zi wuya a ku fanana ni kukwezima ka xingwalangwanza.

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Amosi 7:2

Laha na yi mhhetile a kuga a byanyi gontlhe ga tiko, nzite: Hosi Jehova, hi nga zwela wuxinji! Jakobe i ta yimisa kuyini, lezi a nga tsongwani?

Amosi 7:5

Zonake mina nziku: Hosi Jehova maha wuxinji u zi tsika. Jakobe i ta yimisa kuyini, lezi a nga tsongwani?

Hagai 2:3

Himani a seleko xikari ka nwina, loyi a nga wona a yindlu leyi a wukosini ga yona go ranga ke? Makunu mu yi wonisa kuyini lezi? Kuwoneni ka nwina, leyi a yo khwatsi a hi nchumu ke?

Zakaria 3:9

Hakuva a ribye legi nzi nga gi veka mahlweni ka Joxua (hehla ka ribye legi ku na ni ntlhanu wa mahlo ni mambiri), mina nzi ta kehla a mutsalo wa kona, ku wula Jehova wa tiyimpi; hi siku ginwe nzi ta susa a kugoha ka tiko legi.

Zakaria 9:1

A xiprofeto xa Jehova hi tiko ga Hadrake, xi ta tshama ni hehla ka Damasku; hakuva a tihlo ga Jehova gi cuwuka a vanhu vanwani kukotisa loku a cuwuka tontlhe tixaka ta ka Israeli; Isa. 17:1; Jer. 32:19

Luka 15:32

Kanilezi zi wa fanele ku va hi tsaka ni ku nengela; hakuva a nakuloni loyi i wa file, kanilezi i tlhelile a hanya; i wa lahlekile, makunu i kumilwe.

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29

Kuvululelwa 8:2

Zonake nzi lo wona a ntlhanu wa tingelosi ni timbiri leti ti yimileko mahlweni ka Nungungulu, ti nyikwa a ntlhanu wa mimpunzu ni mimbiri. 2 Kro. 29:25-28; Mat. 18:10