Zakaria 3:9 - Tshwa Bible

⁹ Hakuva a ribye legi nzi nga gi veka mahlweni ka Joxua (hehla ka ribye legi ku na ni ntlhanu wa mahlo ni mambiri), mina nzi ta kehla a mutsalo wa kona, ku wula Jehova wa tiyimpi; hi siku ginwe nzi ta susa a kugoha ka tiko legi.

Zakaria 3:9 Mawu Ofanana

1 Tihosi 1:20

Kasike wena hosi yanga, a mahlo ya vontlhe va ka Israeli ma cuwukele wena, lezaku u ta va byela loye a nga yena a to tshama xitshanwini xa wena xa wukosi anzhako ka wena hosi yanga.

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

Tisimu 103:12

Khwatsi hi kutsawukana ka Mutsuwuka-gambo ni Muhlwa-gambo, I susile kule kota lezo a zionho za hina.

Tisimu 118:22

A ribye legi gi nga aliwa hi vaaki, Gi mahile a hloko ya magumo. Isa. 28:16; Mat. 21:42; 1 Ped. 2:4

Eksodusi 28:11

U ta tsala mavito ya vana va ka Israeli ka maribye mambiri hi ndlela leyi va tsalako ha yona ka maribye yo kehla tiphera; ma ta khomiwa hi zihareketo za nzalama.

Eksodusi 28:21

A maribye ma ta vekiwa hi kulanzelana ka mavito ya vana va, ka Israeli va khume ni vambiri; ma tava khume ni mambiri khwatsi hi tsengo wa mavito yabye; a ginwe ni ginwani gi tava ni vito ga lixaka la ka Israeli, a mavito ma ta tsaliwa hi ku kehla kota phera ya xifungo.

Eksodusi 28:36

Zonake u ta maha a xapa hi nzalama yi hlutilweko, u tsala ka yona hi ku kehla, khwatsi hilezi ku kehliwako zona laha ka phera, u tsala timhaka leti: Ku basiselwe Jehova.

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Jeremia 50:20

A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Zakaria 3:4

A ngelosi yiku ka lava va nga yimile mahlweni ka yona: Mu tlhatlheni a tinguwo to nyenyeza! Yi wuya yiku kakwe: Nzi ku susele a kugoha ka wena; nzi ta ku ambexa tinguwo ta mibuzo. Isa. 4:4; Mika 7:18; Lu. 15:22

Zakaria 4:10

Himani a kanyisako a siku ga zilo zitsongwani? hakuva a mahlo lawa ya ntlhanu ni mambiri, ma nga ya Jehova, lawa ma cuwukako a misava yontlhe, ma ta tsaka loku ma wona a lipimo canjeni ga Zerubabeli.

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

Mitiro 4:11

Hi yena a nga ribye gi nga aliwa hi nwina vaaki, legi gi nga mahiwa a hloko ya magumo. Tis. 118:22; Isa. 28:16; Mat. 21:42; Rom. 9:33

Va le Roma 9:33

khwatsi hi lezi ku tsalilweko, ku ngalo: Langutani, nza veka a ribye ga xikhunguvanyiso le Zioni, A ribye legi gi ta nga va wisa; Loyi a kholwako ka gona a nga tawa tingana. Tis. 118:22; Isa. 8:14; Mat. 21:42

2 Va le Korinte 1:22

i vekile ka hina a xifungo xakwe, a zima seve timbilwini ta hina hi Moya. Efe. 1:13, 14; 2 Tim. 2:19; Kuv. 2:12

2 Va le Korinte 3:3

Hakuva za su dlunya lezaku nwina mu papilo ga Kristu, legi gi tsalilweko hi hina, na mu nga tsaliwangi hi tinta, kanilezi hi Moya wa Nungungulu loyi a hanyako; a mu tsaliwangi timbiteni ta maribye, kanilezi timbileni ta nyama, ti nga timbilu ta vanhu. Ekso. 24:12; Tis. 40:8; Ezek. 11:19; 1 Kor. 3:5

2 Timote 2:19

Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19

Maheberu 7:27

loyi ku nga lavekiko kakwe lezaku masiku ni masiku a humesa miphahlelo ya zionho zakwe kuranga, a tlhela a humesela ya zionho za vanhu, khwatsi hi vanwani vapristi va hombe; hakuva lezo i lo zi maha kanwe ku enela, laha a nga ti nyikela wutsumbu gakwe. Levi 9:7; 16:15; Rom. 6:10

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29