Zakaria 3:4 - Tshwa Bible

⁴ A ngelosi yiku ka lava va nga yimile mahlweni ka yona: Mu tlhatlheni a tinguwo to nyenyeza! Yi wuya yiku kakwe: Nzi ku susele a kugoha ka wena; nzi ta ku ambexa tinguwo ta mibuzo. Isa. 4:4; Mika 7:18; Lu. 15:22

Zakaria 3:4 Mawu Ofanana

2 Samueli 12:13

Zonake Davida i te ngalo ka Natani: Nzi onhile ka Jehova. Kanilezi Natani i te ngalo ka Davida: Jehova i susile xionho xa wena; cima u nga tafa;

1 Tihosi 22:19

Kanilezi Mikaia i te ngalo: Wena ingisa a gezu ga Jehova. Mina nzi wonile Jehova na a tshamile xitshanwini xakwe xa wuhosi, zinwe ni wontihe mabandla na ma hi xineneni xakwe ni le xibhabheni xakwe.

Tisimu 51:9

U nga ha cuwuki a zionho za mina; U fuvisa zigoho za mina zontlhe.

Isaya 43:25

Hi mina ntsena nzi vinyako a zihambunyeto za wena hi kota ya mina wutsumbu, Ni zionho za wena nzi nga ta ha zi alakanya.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Jeremia 52:33

I lo mu tlhatlhisa a tinguwo takwe ta wuperesu, aga zakuga mahlweni ka hosi wontihe masiku ya kuhanya kakwe.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Ezekieli 42:14

Loku a vapristi va enghenile a hubye ya laha xikari, ngha va nga humi ka yona vaya ka leyi ya lahandle na va nga se ku veka a tinguwo leti va tirako ha tona a wutshanwini legi go basa, va ambala tinwani; zonake va ta zi kota kuya ka wutshamu legi gi nga ni vanhu.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Mika 7:19

U ta tlhela u hi zwela wusiwana, u kanzihela a zigoho za hina; u ta hoxa zontlhe zionho za hina bimbini.

Zakaria 3:1

I lo nzi kangeta Joxua, a mupristi wa hombe, na yimile mahlweni ka ngelosi ya Jehova, na Satani a yimile reveni gakwe ga xinene kasi ku mu kecara.

Zakaria 3:7

Jehova wa tiyimpi i ngalo: Loku u famba hi tindlela ta mina, u hlayisa zileletelo za mina, wena u ta fumela yindlu ya mina, u hlayisa a tihubye ta mina, nzi ta ku nyika fanelo ku tshinela xikari ka lava va yimileko lomu.

Zakaria 3:9

Hakuva a ribye legi nzi nga gi veka mahlweni ka Joxua (hehla ka ribye legi ku na ni ntlhanu wa mahlo ni mambiri), mina nzi ta kehla a mutsalo wa kona, ku wula Jehova wa tiyimpi; hi siku ginwe nzi ta susa a kugoha ka tiko legi.

Mateu 22:11

Kanilezi na yi enghenile hosi a ku wona lava va tshamileko kugeni, yi lo wona a munhu loyi a nga ambalangiko a nguwo ya muchado. 2 Kor. 5:3; Efe. 4:24; Kuv. 3:4

Luka 1:19

A ngelosi yi mu hlamula, yiku kakwe: Nzi mina Gabrieli, loyi a yimako mahlweni ka Nungungulu; nzi lo runwa a ku ta wulawula na wena, ni ku ku byela a mahungu laya yo saseka. Dan. 8:16; Maheb. 1:14

Luka 15:22

Kanilezi a raru wakwe i te ngalo ka malanza yakwe: Hatlisani, mu neha a nguwo yo saseka nguvu, mu mu ambexa; mu mu mehela a phera litihweni lakwe, ni zilato mikonzweni yakwe;

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Va le Roma 3:22

ku nga kululama ka Nungungulu ku tako hi kukholwa ka Jesu Kristu a ka vontlhe va kholwako. A ku na kuhambana, Xip. 4; Kol. 3:11

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Kolosi 3:10

na mu ambele a munhu muswa, loyi a mahiwako luswa a kutiveni, lezaku a fanana na yena loyi a nga mu vanga. Rom. 12:2; Efe. 2:10

Maheberu 8:12

Hakuva nzi ta maha wuxinji nzi va tsetselela a kubiha kabye, Cima nzi nga ta ha alakanya a zionho zabye. Rom. 11:27

Kuvululelwa 5:11

Zonake nzi lo cuwuka, nzizwa a magezu ya tingelosi to tala, na ti ranzele a xitshamu xa wuhosi ni ximahwa zi hanyako ni manghanakana; a tsengo wa tona wu wa hi mazanazana ya mazana, ni mazana ya mazana ya tsanza-vahlayi; Tis. 68:17; Maheb. 12:22

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9