Zakaria 3:1 - Tshwa Bible

¹ I lo nzi kangeta Joxua, a mupristi wa hombe, na yimile mahlweni ka ngelosi ya Jehova, na Satani a yimile reveni gakwe ga xinene kasi ku mu kecara.

Zakaria 3:1 Mawu Ofanana

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Genesisi 48:16

ni ngelosi leyi yi nga nzi hlanguta kubiheni kontlhe, a yi katekise a vafana lava; a va vitanwe hi vito ga mina, hi mavito ya vakokwani, Abrahama na Isaka; a va anze va tala nguvu laha misaveni.

1 Kronekele 21:1

Satani i lo vukela va ka Israeli, a kucetela Davida a ku hlaya va ka Israeli.

2 Kronekele 29:11

Makunu vana vanga, mu nga mahi mihoni, hakuva Jehova i mu hlawule a ku yima mahlweni kakwe mu mu khozela, ni kuva malanza yakwe mu mu hisela tibani.

Ezra 10:18

Lomu xikari ka vana va vapristi ku lo kumeka lava va tekileko a vavasati va ku nghaho; lomu ka vana va Jexua hi nʼwana Jozadade ni vanakulobye Maaseia na Eliezare na Jariba na Gedalia;

Ezra 2:2

lava va nga wuya na Zerubabeli na Jexua, Nehemia, Seraia, Reelaia, Mordekai, Bilxani, Mispare, Bigvai, Rehuma, Baana. A tsengo wa vavanuna va ka Israeli hi lowu:

Ezra 5:2

Zonake ku lo suka Zerubabeli nʼwana Xealtieli, na Jexua nʼwana Jozadake, va engeta va sangulisa ku aka yindlu ya Nungungulu le Jerusalema, na va hi zinwe ni vaprofeti va Nungungulu va nga wa va vuna.

Tisimu 106:23

Hikwalaho i lo wula lezaku i wa ta va lovisa, Loku Mosi a hlawulilweko wakwe, a wa nga yimangi mahlweni kakwe, Kasi ku rengisa a zanga yakwe, lezaku a nga va lovisi. Ekso. 32:11

Tisimu 109:6

Nyikela a wa kunghahi ntanwini wa wobiha, Ngha ku yime muranisi reveni gakwe ga xinene. Zak. 3:1

Jeremia 15:19

Hikwalaho Jehova i ngalo; Loku u tlhelela ka mina Nzi ta ku wuyisa lezaku u maha nanza ga mina. Ni loku u neha leʼza lisima, u tsika leʼzo biha, Wena u tava kota nomu wa mina. Vona va ta tlhelela ka wena, Kanilezi u nga ta tlhelela kabye.

Ezekieli 44:11

va ta maha malanza ntsena wutshanwini ga mina ga kubasa, va rinzela a tinyangwa ta yindlu ni ku tira lomu ndlwini; va ta tlhava a minyikelo ya kuhiswa ni miphahlo ya vanhu, va ta yima mahlweni kabye va va tirela.

Ezekieli 44:15

Kanilezi a vapristi va ka Levi, va nga vana va Zadoke, lava va nga hlayisa a ntiro wa wutshamu ga mina ga kubasa, a xikhati lexi a vanana va ka Israeli va nga nzi fularele, va ta tshinela mahlweni ka mina a ku ta nzi tirela; va ta yima mahlweni ka mina va nzi humesela a mafura ni nkhata, ku wula Hosi Jehova.

Hagai 1:1

Hi lembe ga wumbiri ga kufuma ka hosi Dariusi, hi hweti ya wuntlhanu ni yinwe, hi siku go ranga ga hweti, ku lota a mhaka ya Jehova hi nomu wa muprofeti Hagai ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, yiku: Lu. 3:27

Hagai 1:12

Zonake Zerubabeli a nʼwana Xealtieli, na Joxua a nʼwana Jehozadaki, a nga hi mupristi wa hombe, ni misalela yontlhe ya vanhu, va lo ingisa a gezu ga Jehova a Nungungulu wabye, ni timhaka ta muprofeti Hagai, khwatsi hilezi Jehova a Nungungulu wabye a mu rumileko; zonake a vanhu va lo chava Jehova.

Hagai 2:4

Hambulezo tiyisa, Zerubabeli, ku wula Jehova; tiyisa na wena Joxua nʼwana Jehozadaki, mupristi wa hombe; tiyisani nwina nwentlhe vanhu va tiko, ku wula Jehova, mu tira, hakuva nzi na nwina, ku wula Jehova wa tiyimpi,

Zakaria 1:13

Jehova i lo hlamula a ngelosi leyi yi nga wa wulawula na mina, a yi hlamula hi timhaka ti nene to xalalisa.

Zakaria 1:19

Nzi te ngalo ka ngelosi leyi yi nga wulawula na mina: Timhonzo ta yini letiya? Yona yiku: A timhonzo letiya hi tona ti nga hangalasa Juda, na Israeli, na Jerusalema.

Zakaria 1:9

Zonake mina nziku: Hosi yanga, mbamani lava? A ngelosi leyi yi nga wulawula na mina yiku: Nzi ta ku komba lezi vanga zona.

Zakaria 2:3

A ngelosi leyi yi nga wa wulawula na mina yi loya mahlweni, kuta yinwani ngelosi yi yi khinga;

Zakaria 3:8

Zwana makunu, wena Joxua mupristi wa hombe, wena ni vanghana va wena lava va tshamileko mahlweni ka wena, hakuva a vavanuna lava va tava xikombiso; hakuva nzi ta neha a nanza ga mina Hluke. Isa. 8:18; Jer. 23:5; 33:15

Zakaria 4:14

Zonake yena aku: Lava mbatotiwa vambiri va yimileko mahlweni ka Hosi ya misava yontlhe.

Zakaria 6:11

Teka a siliva ni nzalama, u maha ha zona a xidlodlo, u xi tlhateka hlokweni ya mupristi wa hombe Joxua a nʼwana Jehozadaki;

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Luka 22:31

Simoni, Simoni, languta, Satani i mu kombele, a kuva a mu kuhlunga nwentlhe kota mavele; Am. 9:9; 1 Ped. 5:8

Deuteronome 10:8

Ka lexo xikhati Jehova i lo hlawula a nyangwa ya vaLevi kasi va fela ku rwala a nghaxa ya xivumelwano xa Jehova, ni ku yima mahlweni ka Jehova, ni ku mu khozela, ni ku katekisa vanhu hi vito gakwe, kala ka siku ga nyamutlha.

Deuteronome 18:15

Jehova Nungungulu wa wena i ta ku vuxela muprofeti wo kota mina xikari ka vamakabye va wena, loyi mu ta mu ingisa. Joh. 1:45; Miti. 3:22; 7:37

1 Pedro 5:8

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Joba 1:7; Lu. 21:34

1 Samueli 6:20

A vanhu va le Beti-Xemexe va te ngalo: Himani a ta nga zi kota ku yima mahlweni ka Jehova Nungungulu loyi a basileko ke? Gi taya ka mani a arke loku gi suka lomu ka hina ke?