Zakaria 2:8 - Tshwa Bible

⁸ Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

Zakaria 2:8 Mawu Ofanana

Genesisi 20:6

Nungungulu i te ngalo kakwe le norweni: Nza zi tiva lezaku u mahile lezo zilo hi kululama ka mbilu ya wena; hikwalaho nzi lo ku siwukisa mina, akuva u nga nzi onheli; hi kota ya lezo a nzi ku vumelangi a kuva u mu henya.

2 Tihosi 24:2

Jehova i lo rumela a mabutho ya maKaldea, ni ya maSiria, ni ya vaMoabi, ni ya vanana va ka Amoni a ku yalwa na Jehoiakimu; i lo ma rumela a ku ya hlasela va ka Juda, khwatsi hi lezi Jehova a wulileko hi nomu wa malanza yakwe, a vaprofeti.

Tisimu 17:8

Nzi hlayise ku khwatsi i nzololoya tihlo, U nzi fihla nzhutini wa tipapa ta wena,

Mavingu 7:2

Hlayisa zilayelo za mina, u ta hanya; hlayisa a nayo wa mina kukotisa a nzololwani ya tihlo ga wena.

Isaya 49:19

Hakuva a marumbi ya wena ni ziwula za wena, Ni tiko ga wena gi hahlulweko, Zi nga ta ringana a vaaki va wena, Ni lava va nga ku khadamula va tava kule.

Jeremia 12:14

Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

Jeremia 27:7

Wontihe matiko ma ta mu tirela, yena ni nʼwana wakwe ni zukulu wakwe, kala ku chikela a xikhati xa tiko gakwe, zonake yenawu i ta khoziswa hi matiko manyingi ni tihosi ta hombe.

Ezekieli 25:12

Hosi Jehova i ngalo: Kota lezi Edome a ti photeleko ka yindlu ya ka Juda, a ti vuxela zanga hi ku ti photela ha yece hehla kabye, Jer. 49:7; Am. 1:11; Obad. v. 1

Ezekieli 25:15

Hosi Jehova i ngalo: Kota lezi a maFilistia ma ti photeleko, va ti photela hi kutikisa hi kota ya wulala leʼgi nga timbilwini tabye, va xuva ku gi lovisa hi livengo leli li nga gumelwiko; 2 Kro. 28:18; Am. 1:6; Zak. 9:5

Ezekieli 26:2

Nʼwana wa munhu, kota lezi Tire a nga hlekula Jerusalema, aku: Ha-ha, a nyangwa ya matiko yi khungumulwe, Yi vululekile ka mina; Makunu nzi ta vuvuma hakuva i hahlulwe.

Ezekieli 26:20

Zonake nzi ta ku hoxa uya lahasi zinwe ni lava va relelako nkeleni, A ka vanhu va kaleloko; Nzi ta ku akisa lehasi ka misava, A marumbini ya kale, Zinwe ni lava va relelako nkeleni, Kasi u nga ha akiwi, Na nzi kari nzi maha zile za hombe a tikweni ga vahanyako.

Ezekieli 35:5

Hakuva u na ni livengo la simasima, ni kuva u nyikele a vanana va ka Israeli ntanwini wa supado xikhatini xa hlokiselelo yabye, xikhatini xa tsayiselelo wa magumo.

Ezekieli 36:11

Hehla ka nwina nzi ta anzisa a vanhu ni zihari, zi ta anza zi beleka. Mu tava ni vaaki kota kusanguleni, nzi ta maha khwatsi ka nwina ni ku hunza kusanguleni ka nwina; mu ta zi tiva lezaku hi mina Jehova.

Ezekieli 38:11

u taku: Nzi ta kanziha nziya tikweni ga miti yi nga bhiyelwangiko. Nzi taya ka vona lava va nga su cucululu, lava va tshamisekako, a miti yabye yi nga hiko na makhurisi, yi nga hiko na tibhingo hambu ni tinyangwa.

Ezekieli 38:14

Hikwalaho, nʼwana wa munhu, profeta uku ka Goge: Hosi Jehova i ngalo: A siku lego loku a tiko ga mina Israeli gi tshameka wena u ta zi tiva.

Amosi 1:11

Jehova i ngalo: Hi kota ya zionho zinharu za Edome, kutani mune wa zona, nzi nga ta susa a xitsayiso, hakuva i hlongolisile a nakulobye hi supado, a nga mu zweli wuxinji, a simamisa ku zangara, a tshama ni khulo hi masiku. Gen. 27:40; Mitse. 20:20; Isa. 34:5

Amosi 1:13

Jehova i ngalo: Hi kota ya zionho ginharu za vana va ka Amoni, kutani mune wa zona, nzi nga ta susa a xitsayiso; hakuva va hanzulela a vavasati va le Gileade lava va nga ni tinyimba, kasi ku kulisa a tiko gabye.

Amosi 1:9

Jehova i ngalo: Hi kota ya zionho zinharu za Tire, kutani mune wa zona, nzi nga ta susa a xitsayiso, hakuva va nyikele vontlhe a vanhu ka Edome, va nga alakanyi a xivumelwano xa wumakabye.

Mika 4:11

Makunu a matiko yo tala ma ku tsombanele, me ngalo: Ngha a nyenyeziswa, kasi a mahlo ya hina ma fela ku xura ha Zioni.

Mika 5:6

Va ta kaputa a tiko ga Assiria hi supado, ni tiko ga Nimrode kala tinyangweni ta gona. I ta hi tlhatlhisa mandleni ya maAssiria laha a ta nga enghena tikweni ga hina, ni laha a ta nga tlula a mimbhingano ya hina.

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Habakuka 2:17

Hakuva u ta welwa hi kuhahlulwa ko fana ni loku ku mahilweko le Lebanoni, ni kulobyiswa ka zihari ku ta ku chavisa, hi kota ya nkhata wa vanhu, ni hi kota ya mitiro ya kanu leyi u yi maheleko matiko ni miti ni ka vontlhe lava va akileko ka yona.

Habakuka 2:8

Kota lezi u phangileko a matiko yo tala, hizalezo a matiko wontihe manwani ma ta ku phangawu, hi kota ya nkhata wa vanhu, ni hi kota ya mitiro ya kanu leyi u yi maheleko matiko ni miti ni ka vontlhe lava va akileko ka yona.

Zefania 2:8

Nzi zwile a tinzhukano ta Moabi, ni tihlamba ta vana va ka Amoni, leti va rukateleko a vanhu va mina, va ti tekela tiko mimbhinganweni yabye.

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Zakaria 2:9

Hakuva nzi ta juja a woko ga mina hehla kabye, na vona va ta phangiwa hi malanza yabye; nwina mu ta zi tiva lezaku hi Jehova wa tiyimpi a nzi rumileko.

Zakaria 8:5

A maphango ya muti ma ta tala hi vafana ni vanhanyana, va hlakanela kona.

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Mateu 25:40

A Hosi yi ta hlamula yiku ka vona: Hizinene nzi ngalo ka nwina: Kota lezi mu zi mahileko ka munwe wa lava vamakabye va mina va tsongwani, mu zi mahile ka mina. Mav. 14:31; Mar. 9:41; Maheb. 6:10

Mateu 25:45

Zonake i ta va hlamula, aku: Hizinene nzi ngalo ka nwina: Kota lezi mu nga kala ku zi maha ka munwe wa lava va tsongwanyani, a mu zi mahangi ka mina. Zak. 2:8; Miti. 9:5

Johani 14:26

Kanilezi a Muyimeli, a nga Moya wa ku Basa, loyi Dadani a ta nga mu rumela hi vito ga mina, yena i ta mu gonzisa zontlhe, a mu alakanyisa zontlhe lezi nzi wulawulileko ka nwina. Lu. 24:49; Xip. 2:22; 16:13

Johani 17:18

Kota lezi u nga nzi ruma tikweni, hizalezo nzi va rumile tikweni.

Mitiro 9:4

I lowa hasi, azwa a gezu gi ngaku ka yena: Saule, Saule, hi yini u nzi xanisako ke? Mat. 25:40

Deuteronome 32:10

I mu kumile xiwuleni, A xiwula xa tihuwa ti chavekako. I mu bhiyele, a mu wundla, I mu hlayisile khwatsi hi nzololo ya tihlo gakwe,

2 Va le Tesalonika 1:6

Hakuva xilo xi lulamileko ka Nungungulu ku tlhelisela hlomulo ka lava va mu xanisako. Kuv. 6:10

1 Johani 4:14

Hina hi zi wonile, hi maha wukustumunyu lezaku Dadani i rumile a Nʼwana a ku ta maha Muhanyisi wa tiko. Joh. 3:17; Xip. 1:1, 2