Zakaria 2:13 - Tshwa Bible

¹³ A nyama yontlhe ngha yi miyela mahlweni ka Jehova; hakuva i vukile wutshanwini gakwe gi basileko. Hab. 2:20; Zef. 1:7

Zakaria 2:13 Mawu Ofanana

2 Kronekele 30:27

Zonake a vapristi va nga vaLevi, va lo suka va katekisa vanhu, ni gezu gabye gi lo ingiswa; a mukombelo wabye wu lo chikela wutshanwini ga Jehova go basa le tilweni.

Tisimu 11:4

Jehova i lomu tempeleni yakwe yo basa, A xitshamu xa wuhosi xa Jehova xi le tilweni; A mahlo yakwe ma wona, Ni tikohe takwe ti kamba a vanana va vanhu. Isa. 66:1; Hab. 2:20; Mat. 5:34

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Tisimu 68:5

I dadani wa zisiwana, tlhelo muyimeli wa tinoni, Nungungulu i lomu wuakelweni gakwe go basa. Deut. 10:18

Tisimu 78:65

Zonake a Hosi yi lo khindlimuka khwatsi yi wa hi kuetleleni, Khwatsi hi nhenha yi kanyulukiswako hi byala.

Isaya 14:2

A vamatiko va ta va teka, va va yisa kaya kabye; kanilezi a yindlu ya ka Israeli yi ta va fumela lomu tikweni ga ka Jehova, va maha malanza ya xinuna ni ya xisati. Va ta mahiwa tikhumbi hi lava va nga hi tikhumbi tabye, va fumela lava va nga va xanisa.

Isaya 19:16

A ka siku lego Gipite i ta fanana ni vavasati; i ta rurumela a chava a xibhakela xa Jehova wa tiyimpi xi tlakusiwako, xi va vukela.

Isaya 41:1

Miyelani nwina matiko ya le bimbini, mu nzi ingisela! A matiko a mave ni ntamu muswa; A ma tshinele ma wulawula, A hi yeni zinwe hubyeni

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 57:5

Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Jeremia 25:30

Hikwalaho u ta profeta kabye leti timhaka, uku: Jehova wa dzuma-dzuma hi le hehla, A zwata gezu gakwe hi lomu ndlwini yakwe yo basa; Wa dzumela wuriselo gakwe hi kuchavisileko, Waba huwa kukotisa vakhuwuti va mauva, Na vukela vaaki vontlhe va misava. Joeli 3:16; Am. 1:2

Habakuka 2:20

Kanilezi Jehova i lomu tempeleni yakwe yi basileko, a misava yontlhe ngha yi rutisa mahlweni kakwe! Zef. 1:7; Zak. 2:13

Zefania 1:7

Rutiseni mahlweni ka Hosi Jehova, hakuva a siku ga Jehova gi tshinele! Hakuva Jehova i longisile a muphahlo, i basisile lava a va rambileko. 1 Sam. 16:5; Jer. 46:10; Zak. 2:13

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Zefania 3:8

Hikwalaho nzi rinzeleni, ku wula Jehova, kala a siku lego nzi ta nga vuka ha gona nzi phanga; hakuva a mixuvo ya mina hi ku tsombanyisa a matiko, ni ku tlhanganyisa a mifumo, kasi nza chulela hehla ka yona a zanga ya mina, yontlhe a zanga ya mina yi chavekako, hakuva a misava yontlhe yi ta hiswa hi nzilo wa xiluse xa mina.

Zakaria 4:9

A mandla ya Zerubabeli ma vekile a xiseketelo xa yindlu leyi, a mandla yakwe ma ta yi mbheta: mu ta zi tiva lezaku Jehova wa tiyimpi i nzi rumile ka nwina.

Zakaria 6:15

Lava va nga le kule va tata va ta aka a tempeli ya Jehova; zonake nwina mu ta zi tiva lezaku nzi rumilwe ka nwina hi Jehova wa tiyimpi. Lezi zi ta maheka loku hakunene mu ingisa a gezu ga Jehova a Nungungulu wa nwina.

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

Va le Roma 9:20

Munhu nzi wena, u mani wena u ta nga kanetisana na Nungungulu ke? Xana a mbita yi ngaku ka loye a yi wumbileko: Hi yini u nzi wumbisileko lezi ke? Isa. 29:16; 45:9; 64:8

Deuteronome 18:21

Kambe loku u wula mbilwini ya wena ku ngalo: Hi ta yi tivisa kuyini a mhaka leyi yi nga wulwangiko hi Jehova ke?

Deuteronome 18:22

Tiva lezaku loku muprofeti a wulawula hi vito ga Jehova, zonake a mhaka leyi yi nga humeleli, leyi hi yona a mhaka yi nga wulwangiko hi Jehova; a muprofeti i wulawulile hi matshanza yakwe; u nga mu chavi. Jer. 28:9

Deuteronome 26:15

Cuwuka na u hi kwaleyo tilweni wutshanwini ga wena ga kubasa, u katekisa vanhu va wena va Israeli, ni misava leyi u hi nyikileko yona, yi maha tiko legi gi khulungako masi ni wulombe, khwatsi hi lezi u hlambanyileko ka vararu va hina.