Zakaria 14:5 - Tshwa Bible

⁵ Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Zakaria 14:5 Mawu Ofanana

Tisimu 96:13

Mahlweni ka Jehova hakuva wata, Hakuva i tela ku ta lamula misava, I ta lamula tiko hi nongameto, Ni matiko hi kutsumbeka kakwe. Miti. 17:31

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Isaya 29:6

Jehova wa tiyimpi i ta ku tsayisa hi kudzinza Ni kutsekatseka ka misava ni guwa ga hombe, Hi xipupuri ni bhubhutsa, ni langavi ga nzilo wu hisako.

Joeli 3:11

Hatlisani muta, nwina matiko ya matihelo wontlhe, mu ta tsombana. Jehova, relelisa a tinhenha ta wena ieyo!

Amosi 1:1

A timhaka ta Amosi, a munwe wa varisi va le Tekoa, leti a ti wonileko xungetano na Israeli masikwini ya Uzzia hosi ya ka Juda, ni masikwini ya Jerobpamu a nʼwana wa Joaxi a hosi ya ka Israeli, hi mahlweni ka xitsekatseka xa misava lexi xi humeleko anzhako ka malembe mambiri.

Mika 1:11

Wena loyi u akileko le Xafira, suka na u hi ni wumbyiri ni tingana. Muaki wa le Zaanani wa chava ku huma, a nkosi wa. Bet-ezeli wa mu hetela a kutsumba.

Zakaria 4:7

Wena xitsunga xa hombe, u xini mahlweni ka Zerubabeli? U ta maha livala ntsena. I ta veka a ribye ga le hehla na ku huwelelwa ku ngalo: A wuxinji, a wuxinji a give ka gona!

Mitsengo 16:34

Zonake a va ka Israeli lava va nga wa va ranzele va lo tsutsuma hi tihuwa tabye; hakuva va waku: A hi tsutsumeni kasi misava yi nga hi mitiwo!

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 24:3

Na a tshamile xitsungeni xa maoliva, a vapizani va lota kakwe na va hi voce, va taku: Hi byele a xikhati zi ta nga maheka ha xona lezi zilo, u hi tivisa ni xiwoniso xa kuwuya ka wena ni xa kugumesa ka tiko.

Mateu 25:31

Kanilezi laha a Nʼwana wa munhu a ta ngata hi kungangamela kakwe, ni tingelosi tontlhe ti hi zinwe naye; zonake i ta tshama xitshanwini xakwe xa kungangamela. Zak. 14:5; Miti. 1:11; Kuv. 1:7

Luka 21:27

Zonake va ta wona Nʼwana wa munhu na ata hi refu, a hi ni ntamu ni kungangamela ka hombe. Mat. 24:30; Kuv. 1:7; 14:14

Deuteronome 33:2

Jehova i lota hi le Sinai, A ta va tsuwukela hi le Seire: I lo woninga na hi le xitsungeni xa Parani, Na sukela xikari ka zidlemo zo basa; Lomu canjeni gakwe a nzilo wa nayo wu lo va humelela. Dan. 7:10; Miti. 7:53; Gal. 3:19

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

2 Va le Tesalonika 2:8

Zonake i ta wonekeliswa a xihunza-milayo, loyi Hosi Jesu a ta nga mu daya hi xikuhe xa nomu wakwe, a mu lovisa hi kuwonekeliswa ka kuwuya kakwe. Joba 4:9; Isa. 11:4; Dan. 7:10; Maheb. 10:27; Kuv. 2:16

Jakobe 5:8

Ngha nwinawu mu timisela, mu tiyisa timbilu ta nwina; hakuva a kuwuya ka Hosi ku tshinele. Fil. 4:5; 1 Ped. 4:7

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16