Zakaria 14:4 - Tshwa Bible

⁴ Hi siku lego i ta yima hi mikonzo yakwe le xitsungeni xa maOliva, kusuhani ni Jerusalema hi tlhelo ga Muhuma-gambo; a xitsunga xa maoliva xi ta avanyeka hi laha xikari, ku sukela tlhelo ga Muhuma-gambo kala Mupela-gambo. Laho ku tava kona a nzhelelo wa hombe, a khihlanya ginwe ga xitsunga gi ta tshinela Nwalungu, a ginwani gi tshinela Dzongeni.

Zakaria 14:4 Mawu Ofanana

2 Samueli 15:30

Davida i lo kanziha xitsunga xa maOliva na a kari a rila, na fenengetile a hloko yakwe, na a nga ambalangi zilato; ni vanhu vontlhe lava a nga hi navo va lo fenengeta tihloko tabye va rila, na va kari va kanziha. Estere 6:12; Jer. 14:3

Ezekieli 11:23

Ni kungangamela ka Jehova ku lo suka xikari ka muti, ku ya yima hehla ka xitsunga lexi xi nga tlhelo ga Mutsuwuka-gambo wa muti.

Ezekieli 38:20

kasi a zidluwani za bimbi, ni tinyanyani ta tilo, ni zihari za khwati, ni zontlhe zikokakoka za misava, ni vontlhe vanhu va nga laha misaveni, zi ta rurumela mahlweni ka mina; a zitsunga zi ta khungumuka, a maribye ma tawa, ni makhurisi wontihe ma tawa lahasi,

Ezekieli 43:2

Nzi lo wona a kungangamela ka Nungungulu wa ka Israeli na kuta hi le Mutsuwuka-gambo. A gezu gakwe gi wa ku khwatsi i guwa ga mati yo tala; a misava yi ngangamela hi wukosi gakwe.

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Zakaria 14:10

A tiko gontlhe kusukela Geba kala Rimmoni le Dzongeni ga Jerusalema, gi ta hunzuka livala. Jerusalema gi ta tlakuka a tshama wutshanwini gakwe, kusukela nyangweni ya Benjamini kala nyangweni yo ranga, ni ku kala nyangwa ya laha gwitsini; ni kusukela le khokholeni ga Hananeli kala le maphisweni ya hosi. Jox. 15:32; 2 Tih. 14:13; Neh. 3:1, 6

Zakaria 14:7

Kanilezi gi tava siku legi gi tibyiwako hi Jehova; gi nga tava ni hlikanhi hambu wusiku, kanilezi laha gambyeni ku tava kona kuwonekela.

Zakaria 14:8

Hi siku lego a mati ya xibuka xi nga pswhiko ma ta huma Jerusalema, a khihlanya ga wona ma ta khulungela bimbini ga Muhuma-gambo, a ginwani khihlanya gi khulungela bimbini ga Mupela-gambo. Ma tava tano laha ximunwini ni laha wuxikeni. Deut. 11:24; Joh. 4:14; Kuv. 22:1

Zakaria 4:7

Wena xitsunga xa hombe, u xini mahlweni ka Zerubabeli? U ta maha livala ntsena. I ta veka a ribye ga le hehla na ku huwelelwa ku ngalo: A wuxinji, a wuxinji a give ka gona!

Marku 11:23

Hizinene nziku ka nwina: Kani hi wihi a ta ngaku ka lexi xitsunga: Kunuka u ya ti hoxa bimbini; loku a nga kanakani mbilwini yakwe, kanilezi a kholwa lezaku zi ta maheka lezi a zi wulako, i ta mahelwa zona. Mat. 17:20; 21:21; Lu. 17:6