Zakaria 14:11 - Tshwa Bible

¹¹ A vanhu va ta aka lomo, ku nga tava na nzhukano kambe; Jerusalema gi ta tshama hi kurula.

Zakaria 14:11 Mawu Ofanana

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 66:22

Hakuva khwatsi hi lezi a matilo maswa ni misava yiswa leyi nzi ta nga yi maha, zi ta nga tsonzoma mahlweni ka mina, ku wula Jehova, zinghaho a lixaka la nwina ni vito ga nwina zi ta tshama zi hi kona. Jer. 31:35; 2 Ped. 3:13; Kuv. 21:1

Jeremia 31:40

Ni nkova wontihe wa zirumbi ni wa khuma, ni masimu wontihe kala congweni wa Kidroni, ni ku chikela gwitsini ga Livati la mahaxi ngomama wuceni, zi ta basiselwa ka Jehova; ku nga ta ha runzuwulwa hambu ku khungumulwa kala kupinzuka.

Jeremia 32:37

Langutani, nzi ta va tsombanyisela hi le matikweni wontihe, lawo nzi va hlongoleleko kona a zangeni ya mina ni xiviti xa mina ni khulo ga hombe; nzi ta tlhela nzi va wuyisa ka legi wutshamu, nzi va maha va tshamiseka. Deut. 30:3; Jer. 30:10

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Joeli 3:20

Kanilezi Juda i ta tshama kala kupinzuka, na Jerusalema kala ka zizukulwana ni zizukulwana.

Amosi 9:15

Nzi ta va byala tikweni gabye, cima va nga ta ha tsuwulwa kambe a tikweni legi nzi va nyikileko gona, ku wula Jehova a Nungungulu wa wena.

Zakaria 12:6

Hi siku lego nzi ta maha a tihosana ta ka Juda ti ku khwatsi i mbawula ya nzilo xikari ka tihunyi, khwatsi xihlahle xa nzilo xikari ka tinyanza. Ti ta lovisa matiko ya le kusuhi hi tlhelo ga xinene ni ga xibhabha; a Jerusalema gi tava wutshanwini ga gona, kwa le Jerusalema.

Zakaria 2:4

yiku ka yona: Tsutsuma u ya byela a jaha legiya, uku: Jerusalema gi ta akiwa khwatsi hi miti leyi yi nga hiko na tigingisi, hi kota ya kutala ka vanhu ni zifuyo lezi zi ta ngava lomo.

Zakaria 8:13

Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

Zakaria 8:4

Jehova wa tiyimpi i ngalo: Ka ha tava kona a zikhosana za vavanuna ni za vavasati lomu maphangweni ya Jerusalema khwatsi hi kale, munwe ni munwani na hi ni chetengelo hi kota ya wukale.

Zakaria 8:8

Nzi ta va wuyisa, va ta tshama xikari ka Jerusalema; va tava vanhu va mina, mina nzi maha Nungungulu wabye, hi zinene ni kululama.

Mitsengo 21:3

Jehova i lo ingisa a gezu ga va ka Israeli, a nyikela a vaKanani ni miti yabye; va lo va hihirita vontlhe, bhi! Va lo chula a vito ga wutshamu lego ku Horma.

Deuteronome 33:28

Israeli i akile hi kurula, A hlowo ya Jakobe yi tshameka, A tikweni ga mavele ni vinya; Hakunene a tilo gakwe gi dona a nzhokati. Jer. 23:6; 33:16

Kuvululelwa 21:4

I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile. Isa. 25:8; 35:10; 1 Kor. 15:26

Kuvululelwa 22:3

A nzhukano yi nga tava kona kambe. A xitshamu xa wuhosi xa Nungungulu ni xa Yivana xi tava kona ka wona; ni malanza yakwe ma ta mu tirela. Ezek. 48:35; Zak. 14:11