Zakaria 12:8 - Tshwa Bible

⁸ Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Zakaria 12:8 Mawu Ofanana

Tisimu 8:5

Hakuva wena u mu mahile kutsongwani a lava ku ecana ni Nungungulu; U mu bombisile hi wukosi ni kudzunziwa.

Tisimu 82:6

Kunene, nzi te ngalo: Nwina mu vanungungulu, Nwina nwentlhe mu vana va Loyi a Hunzeleleko Kutlakuka.

Eksodusi 14:19

A ngelosi ya Nungungulu leyi yi rangelako mabandla ya va ka Israeli yi lo suka, yiya hi lenzhako ka vona; ni mhinga ya refu yi lo suka mahlweni kabye yi ya yima hi lenzhako ka vona, xikari ka yimpi ya vaGipite ni ya vaIsraeli.

Eksodusi 33:2

Nzi ta ruma a ngelosi leyi yi ta nga ku rangela, zonake nzi ta hlongola vaKanani, ni vaAmori, ni vaHiti, ni vaPerezi, ni vaHivi, ni vajebusi.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Isaya 31:4

Hakuva Jehova i wulile ka mina, aku: Khwatsi hi nghala kutani xinghalana xi dzumako pfimbeni wa xona, Xi nga chaviko a guwa ga varisi vo tala laʼva vitanilweko, Xi nga tsutsumiko xi chava a wunyingi gabye; Hizalezo Jehova wa tiyimpi i ta relela a talwa a xitsungeni xa Zioni ni mugangeni wa kona.

Isaya 33:24

A ku na muaki ni munwe a ta ngaku: Nza babya! A vanhu va akileko lomu va ta tsetselelwa zionho zabye. Joeli 3:10; Zak. 12:8

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Isaya 53:3

I lo nyenyiwa, a aliwa hi vanhu; Munhu wa mihlomulo, a toloveleneko ni kubayiseka; I lo nyenyiwa kota loye vanhu va mu fihlelako tinghohe tabye, A hi mu hlayangi nchumu. Mar. 9:12; Joh. 7:48

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Jeremia 27:10

Hakuva mawunwa va profetako ka nwina, kasi ku mu maha mu huma tikweni ga nwina mu yiswa kule; kasi nza fela ku mu hlongola, mu ya lova.

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Hosea 12:3

I khomile nakulobye hi xirenze na hi rumbyini ga nyine; ni laha a nga wahombe i lo pfinyana na Nungungulu. Gen. 25:26; 32:24

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Joeli 3:10

Fulani a tisupado hi zikomu za nwina, mu fula matlhari hi mibherana ya nwina. Loyi a nga ni gome ngha a wula, aku: Nzi nhenha! Isa. 2:4; Mik. 4:3

Levi 26:8

A ntlhanu wa vanhu va ka nwina va ta hlongolisa a zana ga vanhu, ni zana ga va ka nwina Va ta hlongolisa a zana ga mazana; a valala va nwina va ta dawa hi matlhari ya nwina. Jox. 23:10; 2 Kro. 14:9, 12

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Mika 7:16

A vamatiko va ta zi wona, vawa tingana hi kota ya ntamu wabye wontlhe; va ta ti khoma milomu, vata tindleve.

Mika 7:8

Nala wanga, u nga tsakeli a khombo ga mina! Hambu loku nziwa, nzi ta tlhela nzi vuka; loku nzi tshamile munyameni, Jehova i tava kuwonekela ka mina.

Zakaria 10:7

A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.

Zakaria 2:5

Hakuva mina, ku wula Jehova, nzi tava a ligingisi la nzilo lowu wu ta nga gi bhiyela, nziva kungangamela xikari ka gona.

Zakaria 9:14

Jehova i ta woneka hehla kabye, a ligalala lakwe li ta phandiwa li ku khwatsi xingwalangwanza. Hosi Jehova i taba a mpunzu, a famba hi xipupuri xa Dzonga.

Zakaria 9:8

Nzi ta ranzela yindlu ya mina hi wugovelo, kasi ku yi vikela ka tiyimpi ti hunzako hambu ku tlhelela kona; ni muxanisi a nga ta ha hunza xikari kabye, hakuva makunu nzi yimile nzi langutela.

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Va le Roma 9:5

A vakokwani vabye; Kristu i lo huma kabye hi ka nyama, loyi a nga hehla ka zontlhe, Nungungulu loyi a bongiwako kala kupinzuka. Amen. Deut. 10:15; Joh. 1:1; Miti. 20:28

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Maheberu 11:34

va lo tima a ntamu wa nzilo, va pona a wutlha ga supado, na va hi ni gome va lo nyikwa ntamu, va maha tinhenha kulweni, va panzanya a tiyimpi ta valala. 1 Sam. 14:13; 2 Tih. 6:16; Dan. 3:25

Joxua 23:10

Munhu munwe wa nwina i ta hlongola a 1,000 wabye; hakuva hi Jehova Nungungulu wa nwina a mu lwelako, khwatsi hi lezi a mu tsumbisileko. Levi 26:8; Deut. 28:7

Kuvululelwa 22:13

Hi mina Alfa na Omega, nzi Wa kusangula ni Wa kugumesa, a kusangula ni kugumesa. Isa. 41:4; 44:6

Kuvululelwa 22:16

Mina Jesu nzi rumile a ngelosi ya mina a kuba hungu mabandleni hi timhaka leti. Nzi mutsu ni hluke ga Davida, nzi mahlahle a ngangamelako wa mixo. Xip. 1:1; 5:5