Zakaria 12:2 - Tshwa Bible

² Langutani, nzi ta maha Jerusalema a kuva gombe gi mahako matiko wontlhe ma gi ranzelekeleko ma dedereka, zive tano ni ka Juda laha Jerusalema gi ta nga vimbezelwa.

Zakaria 12:2 Mawu Ofanana

Tisimu 75:8

Hakuva canjeni ga Jehova ku na ni gombe, ni vinya gi pupuma kuvi; Gi tele hi kunwa ku patselweko, yena wa va chela ha gona, Kunene vontlhe vakubiha va misava va ta gi pswonga, Va kala va mbheta ni zisese za kona.

Isaya 51:17

Vuka, vuka, suka u yima Jerusalema! Loyi u nwileko canjeni ga Jehova a gombe ga zanga yakwe, U nwile a gombe legi gi popisako, u gi heta. Jer. 25:15; Kuv. 14:10; 16:19

Jeremia 25:15

Hakuva Jehova a Nungungulu wa Israeli i te ngalo ka mina: Teka a gombe legi ga vinya ga zanga canjeni ga mina, u nwisa wontihe a matiko nzi to ku rumela ka wona. Kuv. 14:10; 16:19

Jeremia 25:17

Nzi lo teka a gombe canjeni ga Jehova, nzi gi nyikela ka wontihe matiko manwa, lawo Jehova a nga nzi rumele ka wona.

Jeremia 49:12

Hakuva Jehova i ngalo: Lava va nga yimelwe hi ku kala va nganwi a gombe, va tanwa futsi. Hi wena loyi u to kala u nga tsayisiwi ke? U nga ta tsikiwa, u tanwa futsi. Mik. 4:21; 1 Ped. 4:17

Jeremia 51:57

Nzi ta popisa a tihosana ni titlhari takwe, a vamwamangulu ni tinduna takwe, ni tinhenha takwe. Va ta etlela wurongo gi nga mbheliko, va nga vuki kambe, ku wula Hosi, loyi a nga Jehova wa tiyimpi a vito gakwe.

Jeremia 51:7

Babuloni i wa hi gombe ga nzalama canjeni ga Jehova, legi gi nga popisa matiko wontihe. A matiko ma nwile; a vinya gakwe, hikwalaho a matiko ma hungukile.

Jeremia 8:14

Hikuyini ha ha tshamako laha ke? Tsombanani, hi ya enghena mitini ya makhokhola, Hi yafa kona; Hakuva Jehova a Nungungulu wa hina I lava ku hi lobyisa, Wa hi nwisa wutsulu, hakuva hi onhele Jehova.

Habakuka 2:16

U xurile hi tingana na ku nga hi wukosi. Nwana wena nwinyi kasi u kombisa a wukhuna ga wena. A gombe gi nga canjeni ga xinene ga Jehova gi ta hendleletwa ka wena, ni tingana ti ta nyenyezisa a wudumo ga wena.

Zakaria 14:14

Juda i ta lwawu le Jerusalema; a titshomba ta matiko wontlhe ma gamekeneko ti ta tsomhanyiswa: a nzalama, ni siliva, ni tinguwo to tala.

Zakaria 14:2

Hakuva nzi ta tsombanyisa a matiko wontlhe kasi kulwa ni Jerusalema, a muti wu ta tekiwa, a tiyindlu ti phangiwa, ni vavasati va pfinyiwa. A khihlanya ga vanhu va muti gi ta yiswa wukhumbini, kanilezi a misalela ya vanhu yi nga ta humeswa mutini.

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10

Kuvululelwa 16:19

A muti lowu wa hombe wu lo avanyeka zipanze zinharu, zonake ku khungumuka a miti ya matiko. Zonake Nungungulu i lo alakanya a Babuloni loyi wa hombe, a mu nwisa a gombe gi nga ni vinya ga zanga yakwe leyi yo tshisa. Isa. 51:17, 22; Jer. 10:15; Xip. 14:8

Kuvululelwa 18:6

Mu tlheliseleni kota lezi yena a nga tlhelisela, mu mu engeta kumbiri hi ku ringanisa ni mitiro yakwe; ni ku mu chela kumbiri gombeni legi a nga chela ha gona. Tis. 137:8; Jer. 50:15, 29