Zakaria 12:11 - Tshwa Bible

¹¹ Hi siku lego ku tava ni hlomulo wa hombe le Jerusalema, wo fanana ni hlomulo wa Hadadrimmoni lomu mikoveni ya Megiddoni.

Zakaria 12:11 Mawu Ofanana

2 Tihosi 23:29

Xikhatini xwalexo xakwe, Faro-Neko a hosi ya le Gipite i lo kanziha a ku yalwa ni hosi ya le Asiria, le Congweni wa Eufrate; yenawu hosi Josia i lo huma ku mu tlhangaveta. Zonake laha Faro-Neko a nga mu wona, i lo mu daya le Megido.

2 Kronekele 35:22

Kanilezi Josia a nga hunzulukangi a tlhela; cima a nga ingisangi a timhaka ta Neko, leti ti humako hi le nonwini wa Nungungulu. I lota a ku talwa le nkoveni wa Megido.

2 Kronekele 35:24

Zinghaho a malanza yakwe ma lo mu tlakula ma mu humesa lomu kareteni va mu khilelisa ka yinwani kareta yakwe, va mu yisa Jerusalema. I lofa, a lahliwa xilahleni xa vadadani vakwe. A vaJuda vontlhe ni va le Jerusalema va loba nkosi va rila Josia. Zak. 12:11

Zakaria 12:12

A tiko gi ta rila, a lixaka linwe ni linwani li tava ni xirilo xa lona; a lixaka la yindlu la ka Davida hi tlhelo, ni vasati va kona hi tlhelo; a lixaka la yindlu ya ka Natani hi tlhelo, ni vasati va kona hi tlhelo;

Mateu 24:30

Zonake ku ta woneka le tilweni a xiwoniso xa Nʼwana wa munhu; kwalaho a tixaka tontlhe ta misava ti ta rila loku ti wona a Nʼwana wa munhu na ata hi marefu ya tilo ni ntamu ni kungangamela ka hombe. Dan. 7:13; Zak. 12:12; Kuv. 1:7

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37

Kuvululelwa 16:16

A mimoya leyo yi lo tsombanyisa a tihosi wutshanwini legi hi xiHeberu va nge i Har-Magedoni.