Zakaria 12:10 - Tshwa Bible

¹⁰ Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Zakaria 12:10 Mawu Ofanana

Genesisi 45:1

Zonake Josefa i wa nga zi koti ku ti khoma mahlweni ka vona vontlhe lava va nga wa mu ranzele, i lo kanyuluka, aku: Vontlhe vanhu lava va nga laha a va hume! Ku wa nga hi kona munhu a nga sele naye laha a nga ti tivekisa ka vanakulobye.

Genesisi 45:2

Zonake i lo tlakusa a gezu gakwe i lo rila; ni vaGipite va lo zizwa zinwe ni yindlu ya Faro.

Tisimu 51:12

Nzi tlhelisele a kutsaka ka kuhanyisa ka wena, U nzi tiyiseta hi moya wu vumelako. Rom. 8:15

Mavingu 1:23

Hunzulukani hi kukawuka ka mina, angutani, nzi ta chulula a moya wa mina hehla ka nwina, zi ta mu maha mu tiva timhaka ta mina.

Mavingu 4:3

Hakuva mina nzi wa hi nʼwana dadani, nʼwana a nga yece a ranzekako ka mamani;

Isaya 32:15

Kala loku a moya wu chululwe ka hina hi le hehla, Ni xiwula xi maha simu ga pfuno, Ni simu ga pfuno gi hunzuka gi maha xigwangwa. Ezek. 39:29; Joeli 2:28

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Jeremia 31:19

Anzhako na nzi hunzulukile, nza ti sola; Zonake loku nzi tivile a wutsumbu ganga nzi lo tiba tshambukhulu; Nzi si koyo tingana, nzi kanganyiseka, Hakuva nzi rwele a xisolo xa wuswa ga mina.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Jeremia 50:4

A masikwini ya xikhati lexo, ku wula Jehova, a vana va ka Israeli ni va ka Juda ya tata zinwe; na va rila va ta famba va hlota Jehova Nungungulu wabye.

Jeremia 6:26

O nhwana wa vanhu va mina, Ti ambexe hi sakwa, u puluwunza khumeni; Bana nkosi kota loku ku rilelwa a nʼwana munwe yece, A hlomulo wa xiviti; Hakuva a muhahluli i ta hi tela hi xitshuketi.

Ezekieli 20:43

Lomo mu ta alakanya a mahanyela ya nwina, zi zontlhe zimaho za nwina lezi mu nga ti nyenyezisa ha zona; mu ta ti nyenya hi kota ya kontlhe kubiha loku mu ku mahileko.

Ezekieli 37:14

Nzi ta chela a Moya wa mina nzeni ka nwina, mu hanya; nzi mu tlhelisa ka tiko ga nwina venyi; zonake mu ta zi tiva lezaku hi mina Jehova nzi wulileko lezo, nzi wuya nzi zi maha, ku wula Jehova,

Ezekieli 39:29

ge hambu ku va fihlela a nghohe ya mina kambe; hakuva nzi chulule a Moya wa mina hehla ka yindlu ya ka Israeli, ku wula Hosi Jehova. Joeli 2:28; Miti. 2:17

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Mitsengo 21:9

Mosi i lo maha a nyoka ya suku a yi hayeka laha ka mhanze; ku waku loku munhu a lumiwa hi nyoka, a cuwuka ka nyoka ya suku, a hanya. 2 Tih. 18:4; Joh. 1:14

Mateu 24:30

Zonake ku ta woneka le tilweni a xiwoniso xa Nʼwana wa munhu; kwalaho a tixaka tontlhe ta misava ti ta rila loku ti wona a Nʼwana wa munhu na ata hi marefu ya tilo ni ntamu ni kungangamela ka hombe. Dan. 7:13; Zak. 12:12; Kuv. 1:7

Mateu 26:75

Pedro i lo alakanya a gezu ga Jesu ga ku ngalo: Na wu nga se kuba nkuku, u ta nzi kaneta kunharu. Yena i lo huma, a ya rila nguvu. Mar. 14:30; Lu. 22:61; Joh. 13:38

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Mitiro 10:45

Ni makholwa wontihe ya zitshiva, lawa ma nga tile na Pedro, ma lo hlamala hilezi ni vamatiko va chululelwa a xinyikiwo xa Moya wa ku Basa.

Mitiro 11:15

Kota lezi nzi nga sangula ku kanela, a Moya wa ku Basa wu lo relela hehla ka vona, kota lezi wu nga mahisa zona ka hina kusanguleni.

Mitiro 2:17

Ku ta maheka masikwini ya kugumesa, ku wula Nungungulu, Nzi ta chulula a Moya wa mina hehla ka nyama yontlhe; A varisanyana va nwina ni vanhanyana va nwina va ta profeta, A majaha ya nwina ma ta wona ziwoniso, Ni zikhosana za nwina zi ta lora miloro. Isa. 44:3; Ezek. 11:19; 36:27; Joeli 2:28; Zak. 12:10; Xip. 10:45; 21:9

Mitiro 2:33

Na a tlakusilwe hi canja ga xinene ga Nungungulu, na a amukele ka Dadani a Moya wa ku Basa lowu wu tsumbisilweko, i chelile hehla ka hina lezi mu zi wonako ni lezi mu zi zwako. Fil. 2:9; Maheb. 10:12; Joh. 14:26; 15:26; Xip. 1:4; 10:45

Mitiro 2:37

Laha na va zi zwile, va lo tlhabyiwa timbilwini, vaku ka Pedro ni ka vanwani vapostoli: Vamakabye, hi ta maha yini ke? Zak. 12:10; Lu. 3:10; Xip. 9:6; 16:30

Va le Roma 8:15

Hakuva a mu amukelangi a moya wa wukhumbi lezaku mu tlhela mu chava; kanilezi nwina mu lo amukela a moya wa wunʼwana, lowu hi vitanako ha wona, hiku: Abba! Dadani! Isa. 56:5; 2 Tim. 1:7; Maheb. 2:15

Va le Roma 8:26

Hizalezo kambe a Moya wa hi vunetela a gomeni ga hina; hakuva hina a hi zi tivi a ku khongela kota lezi zi hi faneleko; kanilezi wona Moya wutsumbu wa hi khongotelela hi miketo leyi yi nga wulawulekiko. Mat. 20:22; Efe. 6:18; Zak. 12:10

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Juda 1:20

Kanilezi nwina, varanzekako, ti akeni kukholweni ka nwina loku ku basileko, mu khongela hi Moya wa ku Basa; Kol. 2:7

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37

1 Samueli 7:2

A arke gi lo tshama le Kiriate-Jearime xikhati xa hombe nguvu, kala ku mbhela 20 wa malembe, na yontlhe yindlu ya ka Israeli yi kari yi rilela Jehova. Samueli a maha mulamuli wa ka Israeli.