Zakaria 11:6 - Tshwa Bible

⁶ Hakuva nzi nga ta ha va zwela wusiwana a vaaki va tiko, ku wula Jehova. Kanilezi nzi ta nyikela munwe ni munwani mandleni ya muakelane wakwe, ni mandleni ya hosi yakwe. Va ta onha tiko, kanilezi nzi nga ta va tlhatlhisa mandleni yabye.

Zakaria 11:6 Mawu Ofanana

Tisimu 50:22

Makunu pimisisani lezi, nwina lava mu rivalako Nungungulu, Kasi nzi nga mu hanzuleli zipanzana, na mu nga hi na ku pona.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Jeremia 13:14

Nzi ta va pswhandlasa, va fayana, a vararu ni vana, ku wula Jehova. Nzi nga ta va hawukela, hambu ku va tsetselela, nzi nga tava ni tipswalo lezaku nzi nga va lovisi.

Mikosi 2:21

A vanana ni zikhosana va wile lahasi lomu maruweni, A vanhwana va mina ni majaha ya mina va delwe hi supado. U va dele hi siku ga zanga ya wena; u va hihiritile u nga va tsetsi.

Mikosi 5:8

Hi fumelwa hi tikhumbi, A nga kona a nga hi tlhatlhisako mandleni yabye.

Ezekieli 8:18

Hikwalaho minawu nzi ta va holovela. A tihlo ga mina gi nga ta va nyenyeletela, ge nzi nga ta va zwela wusiwana. Hambu loku va rila tindleveni ta mina hi gezu ga hombe, nzi nga ta va ingisa. Mav. 1:28; Jer. 11:11

Ezekieli 9:10

Hikwalaho mina nzi nga ta va nyenyeletela, ge hambu ku zwela wusiwana; nzi ta va tlhelisela hi kota ya mitiro yabye.

Hosea 1:6

I lo xura nyimba kambe a mu belekela a nhanyana. Jehova aku kakwe: Mu chule a vito ga Lo-ruhama, hakuva nzi nga ha tava ni wuxinji kambe ka yindlu ya ka Israeli, nzi nga ta va tsetselela.

Hosea 2:10

Makunu nzi ta funungula a tingana takwe mahlweni ka zigangu zakwe, a nga kona a ta nga mu ponisa canjeni ga mina.

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Mika 6:14

U taga, kanilezi u nga ta xura; yi ta ala yi zwala a ndlala nzeni ka wena. U ta rwala a tshomba, kanilezi yi nga ta pona; lezi u ta nga zi ponisa nzi ta zi nyikela supado.

Hagai 2:22

Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.

Zakaria 11:14

Zonake nzi lo tshova leʼyinwani nhonga yi vitwako Kuzwanana, kasi ku tsema a wunakulobye gi nga xikari ka Juda na Israeli.

Zakaria 11:5

leti a vaxavi va tona va ti tlhavako va nga kumi nanzu, ni vaxavisi va tona vange: A khesiwe Jehova, hakuva nzi fumile! Hambu ni varisi va tona a va ti zweli. Rom. 8:36

Zakaria 11:9

Zonake nziku: Nzi nga ta ha mu risa! Leyi yi fako, a yife; ni leyi yi lahlekako, a yi lahleke! Leti ti salako, a yinwe ni yinwani a yige a nyama va yinwani.

Zakaria 14:13

Hi siku lego ku tava ni pfilupfilu ya hombe xikari kabye yi humako hi ka Jehova, kasi munwe ni munwani a vukela muakelane, a nawuluta woko gakwe ka muakelane.

Zakaria 8:10

Hakuva hi mahlweni ka masiku lawo a ntiro wa munhu wu wa nga hi na bhinzu, ni zihari zi wa tira mahala; lava va humako ni lava va enghenako va wa nga hi na kurula hi kota ya valala. Hakuva nzi wa kuce-tela vanhu lezaku munwe ni munwani a vukela a muakelane wakwe.

Malaki 4:6

I ta tlhelisa a timbilu ta vadadani ka vanana vabye, ni timbilu ta vanana ka vadadani vabye, kasi nzi ngati nzi ta ba a tiko hi nzhukano. Mika 7:6

Mateu 10:21

A munhu i ta nyikela nakulobye kufeni, ni raru i ta nyikela nʼwana wakwe; a vanana va ta vukela vabeleki vabye, va va dayisa.

Mateu 22:7

Zonake a hosi yi lo zangara; yi lo rumela tiyimpi ta yona, ti ya lovisa vadayi lavo, ni ku hisa muti wabye. Dan. 9:26; Lu. 19:27

Mateu 24:10

Kwalaho ku ta khubeka vanyingi; va ta nyiketana ni ku vengana.

Johani 19:15

Va lo kanyuluka, vaku: Mu suse, mu suse, mu belele! Pilatu aku kabye: Nzi belela a hosi ya nwina ke? A vapristi va hombe va lo hlamula, vaku: A hi na hosi saseka Kesari. Gen. 49:10

1 Va le Tesalonika 2:16

va hi tsimbetela a ku kanela ka vamatiko, lezaku va fela ku hanyiswa; lezo va tatisa xontlhe xikhati a lipimo la zionho zabye. Kanilezi a khulo ga Nungungulu gi va putsuketele magumo. Gen. 15:16; Mat. 24:6; Miti. 13:50; 14:19; 17:5; 22:21; Lu. 11:52

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15