Zakaria 11:16 - Tshwa Bible

¹⁶ Hakuva nzi ta vuxa lomu tikweni a murisi loyi a to kala a nga hlayisi leti ti lahlekileko, ge hambu a ku famba a lava leti ti hangalakileko, ni ku chuma leti ti tshovekileko. A nga ta gisa leyi yi nga tomi, kanilezi i taga a nyama ya leti ti nonileko, a kala a panza ni makhanzo ya tona.

Zakaria 11:16 Mawu Ofanana

Genesisi 31:38

A ka malembe laya ya 20 na nzi tshama ka wena, a tiyivu ta wena ni timbuti ta wena a ti handlangi; ni tihamba ta ntlhambi wa wena mina a nzi gangi.

Genesisi 33:13

Jakobe i lo hlamula aku: A hosi ya mina ya zi tiva lezaku a vanana va tsongwani, ni lezaku ku tele tihomu ni tiyivu leti ti anwisako; ni loku va ti gula hi siku ginwe, a ntlhambi wontihe wu tafa.

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Jeremia 23:2

Hikwalaho Jehova Nungungulu wa Israeli i ngalo xungetano hi varisi va risako a vanhu va mina: Nwina mu hangalasile a tiyivu ta mina, mu ti hlongola, a mu chelangi kota hi tona. Nzi ta mu tsayisa hi kota ya kubiha ka zimaho za nwina, ku wula Jehova.

Jeremia 23:22

Loku va wa yimile hubyeni ya mina, ngha va tivisile a vanhu va mina a timhaka ta mina, va va hunzulusa ndleleni yabye yo biha, ni ka zimaho zabye zo biha.

Ezekieli 34:10

Hosi Jehova i ngalo: Nzi yimekelene ni varisi; nzi ta lava a tiyivu ta mina mandleni yabye, nzi va tsikisa ku gisa tiyivu. Hambu vona varisi va nga ta ha gisa wutsumbu gabye kambe; nzi ta tlhatlhisa a tiyivu ta mina milonwini yabye, kasi ti nga ha giwi hi vona.

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Ezekieli 34:21

Lezi mu susumetako hi reve ni katla, mu tlhava leʼto babya hi timhonzo ta nwina, kala mu ti hangalasa tontlhe lahandle,

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Johani 10:1

Hizinene nziku ka nwina: Loyi a nga engheniko hi nyangwa le rangeni ga tiyivu, kanilezi a kanziha hi yinwani ndlela, loyi hi muyivi ni khamba.