Zakaria 11:10 - Tshwa Bible

¹⁰ Nzi lo teka a nhonga ya mina yi vitwako Wunene nzi yi tshova, kasi nza fela ku tshova a xivumelwano xa mina lexi nzi nga xi maha ni matiko wontlhe.

Zakaria 11:10 Mawu Ofanana

Tisimu 50:2

Nungungulu i lo hatima hi le Zioni, Laha ku hunzeleleko kusaseka.

Tisimu 89:39

U tsikile a xivumelwano lexi u nga xi maha ni nanza ga wena, U nyenyezisile a xidlodlo xakwe, u xi hoxa lahasi.

Tisimu 90:17

Ngha a tipswalo ta Jehova, Nungungulu wa hina, tiva hehla ka hina! Hi tiyiseta a ntiro wa mandla ya hina; Ina, wu tiyise a ntiro wa mandla ya hina.

Jeremia 14:21

Hi kota ya vito ga wena, u nga swireki ha hina, U nga wisi tingana a xitshamu xa wena xa wukosi; Alakanya a xivumelwano xa wena na hina, u nga xi tshovi.

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Danieli 9:26

Anzhako ka 62 wa maviki, loyi a totilweko i ta dawa, na a nga hi na muvaleti. A vanhu va hosi leyi yi ta ngata va ta hahlula a muti, ni wutshamu ga kubasa. A kugumelwa ka yona ku tava ku khwatsi yi dawa hi ntalo; ku tava ni yimpi kala kugumeseni, ku layilwe lezaku kuva ni kuhahlulwa.

Hosea 1:9

Jehova aku kakwe: Mu chule a vito ga Lo-ammi, hakuva nwina a mu vanhu va mina, mina nzi nga tava Nungungulu wa nwina.

Zakaria 11:7

Zinghaho nzi lo maha murisi wa ntlhambi wa tiyivu ti to tlhabyiwa, a tiyivu ti wonzileko futsi. Nzi lo teka tinhonga timbiri, a yinwe nzi yi vitana ku Wunene, a yinwani nzi yi vitana ku Kuzwanana; zonake nzi lo risa a ntlhambi.

Mitsengo 14:34

Kota lezi mu mbhetileko 40 wa masiku hi ku hlola a tiko, mu ta rwala milanzu ya nwina 40 wa malembe, a lembe ginwe i siku; kasi mu fela ku zi tiva ku ngalo kuhambana ka mina ko yiniyini!

Luka 21:32

Hizinene nziku ka nwina: Lexi xizukulwana xi nga ta hunza, na zi nga se ku maheka lezi zilo zontlhe.

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.