Zakaria 10:8 - Tshwa Bible

⁸ Nzi ta va swiyota, nzi tlhela nzi va tsombanyisa, hakuva nzi va tirule; va ta enzeleka va tala kota kale.

Zakaria 10:8 Mawu Ofanana

1 Tihosi 4:20

A vaJuda ni va ka Israeli va wa tele nguvu khwatsi i seke wa fungu wa bimbi. Va loga, vanwa, va tsaka. Gen. 13:16; 22:17

Eksodusi 1:7

A vanana va ka Israeli va lo beleka va anza, va tala nguvu, va hi ni ntamu, va tata tiko. Gen. 18:18; Miti. 7:17

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 5:26

A mifumo yi nga kule i ta yi tlakusela a nghapa, I ta va bela miloti lezaku va suka magemeta-musi ya misava; Vona va tata hi kutsutsuma.

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 7:18

A ka xikhati lexo Jehova i ta bela noti a tinhongani ti nga magumo ka micongo ya Gipite, ni tinyoxi ti nga tikweni ga Assiria.

Isaya 7:19

Ti tata ti ta humula tontlhelele lomu mikoveni ya xiwula, ni lomu mikovotlweni ya maribye, lomu ka mizwa yontlhe ni wuriselweni gontlhe.

Jeremia 33:22

Khwatsi hi yimpi ya tilo yi nga hlayiwiko, ni seke ga bimbi gi nga hiko na ku pimiwa, zakunghahi nzi ta anzisa a pswalo wa Davida a nanza ga mina, ni vaLevi lava va nzi tirelako.

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Mika 2:12

Nzi ta tsombanyisa a vanhu vontlhe va wena Jakobe, nzi hlengeletela a misalela ya ka Israeli, nzi ta va tlhanganyisa wutshamu ginwe khwatsi tiyivu lomu rangeni, kukotisa tlhambi laha wuriselweni ga wona, va ta maha guwa ga hombe hi kota ya wunyingi ga vona.

Zakaria 9:11

Loku ku hi wena, hi kota ya xivumelwano xa wena xa nkhata, nzi ta tlhatlha a tiperesu ta wena ti huma rinzini gi nga hiko na mati. Ekso. 24:8; Maheb. 9:19

Mateu 11:28

Tanani ka mina, nwina nwentlhe mu tirako ni ku binzwa, nzi ta mu humuta.

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11