Zakaria 10:5 - Tshwa Bible

⁵ Va ta fanana ni tinhenha leti ti kanzihelelako a valala va tona lomu nzhopeni ya ndlela le yimpini. Va talwa, hakuva Jehova i zinwe na vona; a vakhileli va mahaxi va tawa tingana.

Zakaria 10:5 Mawu Ofanana

2 Samueli 22:43

Nzi va silile khwatsi hi ntshuri wa misava, Nzi va pswhinya, nzi va kanzihela khwatsi hi nzhope ya laha ndleleni.

2 Samueli 22:8

Zonake a misava yi lo tsekatseka yi rurumela, Ni ziseketelo za tilo zi lo ninginizwa, Zi tsekatsekiswa hakuva yena i wa zangarile.

2 Tihosi 9:33

Mu hoxeni lahasi! Va lo mu hoxa lahasi, a nkhata wakwe wu phandlukele laha khurisini ni lomu ka mahaxi, yena a mu kanzihela hi mikonzo ya wona.

Tisimu 18:42

Nzi lo va sila kukotisa tsutsungwani wu kukuletwako hi mheho, Nzi lo va cukumeta kota caka ga tindlela.

Tisimu 20:7

A vanwani va tsumba tikareta, vanwani va tsumba mahaxi, Kanilezi hina hi kumbuka a vito ga Jehova, a Nungungulu wa hina.

Tisimu 33:16

A hosi a yi hluli hi wunyingi ga mabutho; A nhenha a yi poni hi ntamu wa yona wa hombe. 2 Kro. 14:11

Tisimu 44:5

Hi kota ya wena hi ta wisa valala va hina; A vitweni ga wena hi ta kanzihela lava va hi vukelako.

Tisimu 45:3

Nhenha nziwena, boha supado ya wena nyongeni ya wena, Ni kungangamela ka wena ni wudzunzo ga wena.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 25:10

Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Isaya 41:12

Lava va nga ku vukela u ta va lava u nga va kumi; Lava va lwako na wena va ta woneka kota va nga hiko va nchumu, ya lova.

Isaya 41:25

Nzi vuxile munwe hi le Nwalungu, i sina a tile, Ku tile hi le Mutsuwuka-gambo munwe loyi a vitanako vito ga mina; Loyi a ta nga kanzihela vafumeli kota nzhope, Khwatsi hi muwumbi a kanzihelako a wumba.

Isaya 8:9

Mahani guwa ga kulwa, nwina matiko, mu ta lobyiswa! Kangatelani ndleve, nwina lava mu nga matikweni ya le kule; hlomani mu ta hangalaswa, hlomani mu ta hangalaswa!

Ezekieli 38:15

U ta suka wutshanwini ga wena le magemetamusi ya tlhelo ga Nwalungu, wena zinwe ni matiko manyingi; vontlhe na va khilele mahaxi, a xidlemo xa hombe ni yimpi ya ntamu.

Amosi 2:15

A mukhomi wa wura a nga ta yima, ni mukhileli wa haxi a nga ta ponisa wutomi gakwe.

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Hagai 2:22

Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.

Zakaria 12:4

Hi siku lego, ku wula Jehova, nzi ta dzukisa a mahaxi wontlhe, nziba a vakhileli va wona hi lihlanyi. Kanilezi nzi ta cuwuka a yindlu ya ka Juda hi mahlo ya mina, nzi maha mahaxi wontlhe ya matiko kuva zikhumu.

Zakaria 12:8

Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Zakaria 14:13

Hi siku lego ku tava ni pfilupfilu ya hombe xikari kabye yi humako hi ka Jehova, kasi munwe ni munwani a vukela muakelane, a nawuluta woko gakwe ka muakelane.

Zakaria 14:3

Zonake Jehova i ta huma a yalwa ni matiko lawo, khwatsi hilezi a nga lwisa zona a sikwini ga yimpi.

Zakaria 9:13

Hakuva nzi ta kondla Juda a ku khwatsi i wura, Efraime a hi ligalala la kona; nzi ta vuxa a vana va Wena Zioni, va Vukela a vana va maGreki, nzi ku maha u fanana ni supado ya nhenha.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Mateu 4:3

Zonake a muringi i lota, a taku ka yena: Loku wena u hi Nʼwana wa Nungungulu, laya a maribye lawa lezaku ma maha zibaba.

Luka 24:19

Yena aku ngalo kabye: Zilo za kuyini ke? Vaku kakwe: Lezi za Jesu wa le Nazareta, loyi a nga wa hi muprofeti wa ntamu, hi mitiro ni kuwulawula mahlweni ka Nungungulu ni ka vanhu vontlhe; Mat. 21:11; Joh. 4:19; Miti. 2:22; 7:22

Mitiro 18:24

Ku lota le Efesusi a muJuda, a vito gakwe hi Apolosi, loyi a belekelweko le Alekzandria, a munhu a gonzileko, loyi a tlharihileko hi tlhelo ga Mitsalo. 1 Kor. 1:12; 3:5, 6

Mitiro 7:22

Mosi i lo gonziswa a kutlhariha kontlhe ka va le Gipite; i wa hi ni ntamu kuwulawuleni ni mitirweni yakwe. Lu. 24:19

2 Va le Korinte 10:4

Hakuva a matlhari ya hina a hi ya nyama, kanilezi nja ntamu mahlweni ka Nungungulu a ku hahlula makhokhola. Jer. 1:10; Efe. 6:13; 1 Tes. 5:8

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

2 Timote 4:7

Nzi lwile a kulwa ko saseka, nzi mbhetile a kutsutsuma ka mina, nzi gongole a kukholwa.

Joxua 10:14

Cima a ku na ngava kona a siku go fanana ni lego hi mahlweni, hambu ni nzhako ka lezo, a kuva. Jehova a ingisa a gezu ga munhu, hakuva Jehova i wa lwela va ka Israeli.

Joxua 10:42

Joxua i lo khozisa khatiginwe tontlhe tihosi leti ni matiko ya tona, hakuva Jehova Nungungulu wa ka Israeli i lo lwela Israeli.

Kuvululelwa 19:17

Nzi lo wona ngelosi na yi yimile gambyeni; yi lo kanyuluka hi gezu ga hombe yiku ka zinyanyani zontlhe zi purumako ndengelengeni: Tanani mu ta tsombana mubuzweni wa hombe wa Nungungulu. Ezek. 39:17

1 Samueli 16:18

A munwe wa malanza yakwe i lo hlamula, aku: Mina nzi wonile a munwe wa vanana va Jese wa le Betlehema, loyi a nga mubi wa xitende, a wanuna wa nhenha, loyi a zi kotako ku khoma tlhari, a xitlhatlha kuwulawuleni, a munhu a sasekileko, loyi Jehova a nga na yena.