Zakaria 10:4 - Tshwa Bible

⁴ Hi ka yena ku ta huma a ribye ga magumo, ku ta huma hi ka yena a phanze, hi ka yena ku ta huma a wura ga yimpi, hi ka yena ku ta huma a vafumeli vontlhe khatiginwe.

Zakaria 10:4 Mawu Ofanana

Genesisi 49:24

Kanilezi a wura gakwe gi tshamile gi tiyile; Mawoko ni mandla yakwe zi tiyisilwe Hi mandla ya Nyamintamu wa Jakobe, Loyi a nga Murisi tlhelo Ribye ga Israeli.

Ezra 9:8

Kanilezi makunu Jehova Nungungulu wa hina, i hi kombisile wunene hi xikhatana lexi lezaku a misalela yo kari yi ponile, a hi nyika a wuchavelo wutshanwini gakwe go basa, kala a Nungungulu wa hina a woninga a mahlo ya hina, a hi humuta lomu wukhumbini ga hina.

Tisimu 118:22

A ribye legi gi nga aliwa hi vaaki, Gi mahile a hloko ya magumo. Isa. 28:16; Mat. 21:42; 1 Ped. 2:4

Isaya 19:13

A tihosana ta le Zoana ti mahile zipumbu; A tihosana ta Nofe ti khohlisilwe, Gipite gi pengisilwe hi vanyapanze va tixaka ta gona.

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Isaya 49:2

I lo maha nomu wa mina wu fana ni supado yo kariha, A nzi fihla nzhutini wa canja gakwe; I nzi mahile a paxa wu totilweko, A nzi fihla lomu kocelweni wakwe. Maheb. 4:12; Kuv. 1:16; 19:15, 21

Isaya 54:16

Languta, hi mina loyi nzi vangileko a mufuli Loyi a buvetako a nzilo wa makhala, A fula tlhari gi ringeneko ni ntiro wa gona, Kanilezi kambe nzi vangile a mulovisi loyi a lovisako.

Jeremia 1:18

Hakuva, nyamutlha nzi ku mahile a kuva a muti wa khokhola, ni mhanze ya xiketse, ni khurisi ga suku a mahlweni ka tiko gontlhe, a mahlweni ka tihosi ta ka Juda ni tihosana ta kona, ni mahlweni ka vapristi ni vanhu va tiko.

Jeremia 51:20

Wena u wa hi xizeze xa mina ni matlhari ya mina ya kulwa; Nzi lo panza matiko ha wena, Ha wena nzi lo lovisa mifumo.

Zakaria 9:10

Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.

Zakaria 9:8

Nzi ta ranzela yindlu ya mina hi wugovelo, kasi ku yi vikela ka tiyimpi ti hunzako hambu ku tlhelela kona; ni muxanisi a nga ta ha hunza xikari kabye, hakuva makunu nzi yimile nzi langutela.

Mitsengo 24:17

Mina nza mu wona, kanilezi a hi zalezi. Mina nza mu languta, kanilezi na a nga hi kusuhani. Ku ta huma nyeleti hi ka Jakobe, A nhonga ya wuhosi yi huma ka Israeli, Yi lamata a mareve ya Moabi, Yi mbhetisa vontlhe a vanana va vilinganya. 2 Sam. 8:2; Jer. 48:45

Mateu 9:38

Hikwalaho kombelani a Hosi ya kutshovela, lezaku yi rumela a zitiri kutshoveleni ka yona.

Luka 20:17

Kanilezi i lo va cuwuka, aku: Kasi zi wula yini lezi zi tsalilweko, ku ngalo: A ribye legi gi nga aliwa hi vaaki, Gi mahile a hloko ya magumo? Tis. 118:22; Mat. 21:42

Va le Efesusi 2:20

Mu akilwe xiseketelweni xa vapostoli ni xa vaprofeti, Jesu Kristu wutsumbu hi ribye ga magumo. Tis. 118:20; Mat. 16:18; 1 Kor. 12:28; Kuv. 21:14

2 Timote 2:4

Loku a munhu aya yimpini a nga ti binzisi hi mitiro ya loku kuhanya, hakuva i fela ku tsakisa loyi a mu hlomisileko. 1 Kor. 9:25

1 Pedro 2:6

Hakuva a mutsalo wu ngalo: Langutani, nza veka le Zioni a ribye ga magumo, legi gi hlawulilweko, gi dzunzekako; Loyi a kholwako ka gona a nga ta wiswa tingana, Isa. 28:16

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

1 Samueli 14:38

Saule aku ngalo: Tshinelani nwina nwentlhe manghanakana ya vanhu! Hlolisisani mu wona laha a xionho xi mahilweko kona inyamutlha!