Zakaria 1:17 - Tshwa Bible

¹⁷ Kanela kambe, uku: Jehova Wa tiyimpi i ngalo: A makatekwa ma ha ta enzeleka mitini ya mina, Jehova i ta tangalisa Zioni, a hlawula Jerusalema.

Zakaria 1:17 Mawu Ofanana

2 Kronekele 6:6

Kanilezi makunu nzi hlawule a Jerusalema lezaku kasi a vito ga mina gi fela ku tshama lomo, nzi hlawula Davida a kuva a fuma hehla ka vanhu va mina, a va ka Israeli.

Nehemia 11:20

A misalela ya ka Israeli, ni vapristi, ni vaLevi, va wa hi lomu mitini yontlhe ya ka Juda, munwe ni munwani tshombeni yakwe.

Nehemia 11:3

Makunu leti hi tihosi ta matiko leti ti nga vumela ku ya aka le Jerusalema; na kasi lomu Juda munhu ni munhu i wa tshama wutshanwini gakwe, lomu mitini yabye, va nga lava: va ka Israeli, vapristi, a vaLevi, a vaNetinime, ni vana va malanza ya Solomoni.

Tisimu 69:35

Hakuva Nungungulu i ta ponisa Zioni, I ta akisa a miti ya ka Juda; Kasi va tshama lomo va fumela tiko.

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 51:12

Hi mina wutsumbu nzi mu chavelelako. U mani wena u chavako a vanhu va ta ngafa, Ni vana va vanhu va ta nga hunzuka va fanana ni byanyi;

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Isaya 66:13

Khwatsi hi munhu a tangaliswako hi mamani wakwe, Hizalezo mina nzi ta mu tangalisa; Mu ta tangaliswa mutini wa Jerusalema.

Jeremia 31:13

Zonake a vanhanyana va ta ti xa lalisa hi kukina, A majaha ni zikhosana va tsaka khatiginwe; Hakuva nzi ta hunzulusa kurila kabye kuva litsako, Nzi ta ya tangalisa nzi va tsakisa kuxanisekeni kabye.

Jeremia 33:13

Lomu mitini ya le zitsungeni, ni le mitini ya tiluwa, ni lomu mitini ya Dzonga, ni le tikweni ga Benjamini, ni lomu matlhelweni ya Jerusalema, ni lomu mitini ya Juda, a mitlhambi ya ha ta hunza hi mandleni ya vahlayi, ku wula Jehova.

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Ezekieli 36:33

Hosi Jehova i ngalo: Loku nzi mu hlazile ka zontlhe zigoho za nwina, nzi ta maha a miti yiva ni vanhu, a marumbi ma vuxiwa.

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Obadia 1:20

A vakhonwi va yimpi ya ka Israeli, lava va nga le wukhumbini, va ta fumela a tiko ga Kanani kala le Zarefate; ni vakhonwi va le Jerusalema lava va nga le Sefarade va ta ti tekela a miti ya tlhelo ga Dzonga.

Zakaria 1:14

A ngelosi leyi yi nga wulawula na mina, yiku ka mina: Kanela uku: Jehova wa tiyimpi i ngalo: Nzi na ni xiluse xa hombe ha Jerusalema na Zioni,

Zakaria 1:18

Nzi lo tlakusa a mahlo ya mina nzi si wona a mune wa timhonzo.

Zakaria 2:12

Jehova i ta fumela Juda, ava tshomba yakwe a tikweni gi basileko, a engeta a ti hlawutela Jerusalema.

Zakaria 2:4

yiku ka yona: Tsutsuma u ya byela a jaha legiya, uku: Jerusalema gi ta akiwa khwatsi hi miti leyi yi nga hiko na tigingisi, hi kota ya kutala ka vanhu ni zifuyo lezi zi ta ngava lomo.

Zakaria 3:2

Jehova aku ka Satani: Ngha Jehova a ku kawuka, wena Sata! Ina, Jehova loyi a hlawulileko Jerusalema ngha a ku kawuka! A muti lowu a hi lihunyi li susilweko nzilweni ke?

Va le Efesusi 1:4

kota lezi a nga hi hlawula ka yena na ku nga se ku seketelwa misava, lezaku hi tava va kubasa, hi nga hiko na bawa mahlweni ka yena. Lu. 1:75; 1 Ped. 1:2, 20