Valamuli 7:2 - Tshwa Bible

² Jehova aku ka Gideoni: Va tele nguvu a vanhu lava u nga navo, laha kaku a nzi zi koti ku nyikela vaMidiani canjeni gabye, hakuva Israeli va nga ti dzunza va nzi vukela, vaku: Hi lo ti tlhatlhisa ha hoce. Deut. 8:17

Valamuli 7:2 Mawu Ofanana

Genesisi 46:2

Nungungulu i lo wulawula na Israeli hi muwoniso wa wusiku, aku: Jakobe, Jakobe! Yena i lo hlamula aku: Hi mina loyi!

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

Isaya 10:13

Hakuva yi ngalo: Nzi mahile lezo hi ntamu wa canja ga mina Ni wutlhari ga mina, hakuva nzi na ni kupima. Nzi susile mimbhingano ya matiko, Nzi wutlile mabako ya wona, Khwatsi hi nhenha nzi wisile hasi lava va nga hi zitshanwini za wuhosi.

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Isaya 2:17

A kutikulisa ka vanhu ku ta tsongahatwa, ni kutikukumuxa ka vavanuna ku ta reletwa; hi Jehova yece a ta nga kulisiwa a ka siku lego.

Jeremia 9:23

Jehova i ngalo: A tlhari ngha yi nga ti dzunzi hi wutlhari ga yona, Ni nghwazi ngha yi nga ti dzunzi hi wunghwazi ga yona. Hambu loyi a fumileko a nga ti dzunzi hi kufuma kakwe.

Ezekieli 28:17

A mbilu ya wena yi wa ti kukumukisa hi kota ya wumbhuri ga wena, u lo lahlekelwa hi wutlhari ga wena hi kota ya kungangamela ka wena. Nzi ku hoxile lahasi, nzi ku veka mahlweni ka tihosi kasi ti fela ku ku wona.

Ezekieli 28:2

Nʼwana wa munhu, byela a hosana ya Tire, uku: Hosi Jehova i ngalo: Hakuva a mbilu ya wena yi ti tlakusile, u wuya uku: Mina nzi nungungulu, nzi tshamile xitshanwini xa nungungulu xikari ka mabimbi; kasilezo u munhu, a ku nungungulu, hambu lezi u yimisileko a mbilu ya wena ku fanana ni mbilu ya nungungulu. Isa. 31:3; Dan. 5:20; Miti. 12:22

Danieli 4:30

A hosi yi lo wulawula yiku: Hi gona a Babuloni ga hombe, nzi gi akileko hi ntamu wa mina wa hombe, kasi giva wuakelo ga hosi, gi kulisa a wukulu ga mina.

Habakuka 1:16

Zonake a phahlela a likoka lakwe, a hisela masole yakwe a libani, hakuva hi zona zi nonisako a xiavelo xakwe, ni zakuga zakwe zi nanziha.

Zakaria 12:7

Jehova i ta ponisa kuranga a matenda ya ka Juda, kasi a wudzunzo ga yindlu ya ka Davida ni wudzunzo ga vaaki va Jerusalema gi nga hunzi legi ga Juda.

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Mitsengo 31:4

Mu ta hlomisa a 1,000 wa vavanuna ka yinwe ni yinwani ya tixaka ta vanana va ka Israeli, mu ta va hlomisa tontlhe tinyangwa ta nwina.

Va le Roma 11:18

u nga ti kukumukisi hehla ka maravi, kanilezi loku u ti kukumukisa, alakanya lezaku a hi wena u rweleko a mutsu, hi wona mutsu wu rwalako wena. 1 Kor. 10:12

Va le Roma 3:27

Makunu ku kwihi a kutikulisa ka hina ke? Ku susilwe! Ku susilwe hi nayo muni? Hi nayo wa mitiro ke? Ahihi, ku susilwe hi nayo wa kukholwa. 1 Kor. 1:29; Efe. 2:9

2 Va le Korinte 4:7

Kanilezi a tshomba leyi hi nga nayo, yi hlayiswa lomu ka zibya za wumba, kasi ku woneka lezaku a ntamu lowu wa hombe ngwa Nungungulu, wu nga hi wa hina wutsumbu. 1 Kor. 2:5; Xip. 5:1

Va le Efesusi 2:9

A zi kumeki hi mitiro, lezaku munhu a nga ti kulisi. Rom. 3:20

Deuteronome 32:27

Loku ku wa nga hi lezo nzi chavako a kutikulisa ka valala vabye; Lezaku a valala va ta kala va nga nzi pimi, Vaku: A mandla yahina ma tlakusilwe, A hi Jehova a nga maha lezi zilo zontlhe. Mitse. 14:15; Ezek. 20:14

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.

Deuteronome 8:18

Alakanya Jehova Nungungulu wa wena, hakuva hi yena a ku nyikileko ntamu a ku ti lavela tshomba, a kuva a tiyisa xivumelwano lexi a hlambanyileko ka vararu va wena, khwatsi hi lezi a mahako ni nyamutlha lezi.

Jakobe 4:6

Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.