Valamuli 7:15 - Tshwa Bible

¹⁵ Ku te loku Gideoni a zwile timhaka ta noro lowo ni tlhamuselo wa tona, a khongela. Zonake i lo tlhelela le wugovelweni ga vaIsraeli, a yaku: Sukani, hakuva Jehova i nyikele a yimpi ya vaMidiani mandleni ya nwina.

Valamuli 7:15 Mawu Ofanana

Genesisi 24:48

Nzi lo khizama, nzi korama mahlweni ka Jehova, nzi lo mu bonga Jehova Nungungulu wa nwinyi wa mina Abrahama, loyi a nzi kombileko a ndlela yo lulama kasi nzi ta teka a nhwana wa makabye wa hosi ya mina, kasi a yava sati wa nʼwana wakwe.

Genesisi 40:8

Vona va te ngalo kakwe: Hi lo lora miloro, makunu a ku kona wo hi tlhamusela. Josefa aku kabye: Kutlhamusela a kuti hi ka Nungungulu ke? Nzi byeleni lezi mu nga lora.

Genesisi 41:11

Makunu hi wa lo lora miloro ya hina wusiku ginwe, mina na yena; munwe ni munwani i wa lo lora a noro lowu wu nga ni tlhamuselo wa wona.

Valamuli 3:28

Aku kabye: Nzi lanzeleni, hakuva Jehova i nyikele a valala va nwina va ka Moabi mandleni ya nwina. Va lo relela va mu lanzela vaya mapelweni ya Jordani ngomama ni vaMoabi, va nga vumeli munhu ku tlhatuka.

Valamuli 4:14

Debora aku ka Barake: Suka, hakuva nyamutlha hi gona siku legi Jehova a nyikeleko Sisera canjeni ga wena! Jehova a nga ku rangelangi mahlweni ke? Zinghaho Barake i lo relela hi le xitsungeni xa Tabora ni 10,000 wa vavanuna.

Valamuli 7:11

u ta yazwa lezi va ta nga wula, anzhako ka lezo a mandla ya wena ma ta tiyiswa; zonake u ta relela uya le wugovelweni gabye. Zinghaho i lo relela zinwe ni nanza gakwe Pura, vaya le magumo ka vavanuna lava va nga wa hlomile lomu wugovelweni.

Valamuli 7:14

Inaloye a hlamula, aku: A noro lowu a wu wuli xinwani xilo, loku ku nga hi supado ya Gideoni nʼwana Joaxi, a wanuna wa ka Israeli. Jehova i nyikele vaMidiani ni yimpi yontlhe mandleni yakwe.

Valamuli 7:16

I lo avanyisa a vavanuna lavo va 300 va maha mitlawa minharu, munwe ni munwani a mu nyika a mpunzu ni mbita ya phanga ni nwenge lomu mbiteni.

Valamuli 8:7

Gideoni aku: Loku zi hi lezo, a siku Jehova a ta nga nyikela Zeba ha Zalmuna mandleni ya mina, nzi ta pfhemulela a mimiri ya nwina hi mizwa ya lomu xiwuleni ni zigetlwani.

1 Samueli 1:28

Hikwalaho minawu nza mu nyikela ka Jehova. Wontihe masiku ya kuhanya kakwe i tava loyi a lumbako Jehova. Zonake va lo khizamela Jehova.

1 Samueli 14:12

Zonake a vavanuna va butho lego va lo wulawula na Jonatani ni muweleli wa matlhari yakwe, vaku: Ngonani laha hi ta ta mu byela timhaka! Jonatani aku ka muweleli wa matlhari yakwe: Kanziha u nzi lanza, hakuva Jehova i va nyikele mandleni ya va ka Israeli.