Valamuli 7:14 - Tshwa Bible

¹⁴ Inaloye a hlamula, aku: A noro lowu a wu wuli xinwani xilo, loku ku nga hi supado ya Gideoni nʼwana Joaxi, a wanuna wa ka Israeli. Jehova i nyikele vaMidiani ni yimpi yontlhe mandleni yakwe.

Valamuli 7:14 Mawu Ofanana

Joba 1:10

A hi lezi u mu vikelako, yena ni yindlu yakwe, ni zilo zontlhe zakwe ke? U katekisile a ntiro wa canja gakwe, ni mitlhambi yakwe yi lo anza laha tikweni.

Mitsengo 22:38

Balaami aku ngalo ka Balake: Cuwuka, nzi tile ka wena, kanilezi a nzi zi koti ku wula lezi nzi zi ranzako. A gezu legi a ta nga gi veka Nungungulu nonwini wa mina, hi gwalego nzi ta nga gi wula.

Mitsengo 23:20

Hakunene i nzi leletele ku katekisa; I katekisile, cima nzi nga ta hunzulusa.

Mitsengo 23:5

Zonake Jehova i lo veka timhaka nonwini wa Balaami, aku ngalo: Tlhela uya ka Balake uya mu byela lezi ni lezi.

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 2:9

na yena i te ngalo kabye: Nza zi tiva lezaku Jehova i mu nyikile legi tiko, hina hi na ni manyeho hi nchavo lowu mu wu vuxileko, ni vontlhe vaaki Va tiko va mbhelile ntamu hi kota ya nwina. Ekso. 15:14; 23:27

Joxua 5:1

Na ku mahisile lezo laha a tihosi ta maAmori leti ti nga le Mupela-gambo wa Jordani, ni tihosi tontlhe ta maKanani, leti ti nga wa hi le mbhirini wa bimbi, na ti zwile lezaku Jehova i womisile a mati ya Jordani mahlweni ka vanana va ka Israeli, va kala va tlhatuka, a timbilu tabye ti lo nyeka, va tsemeka mihlana hi kota ya vanana va ka Israeli.

Valamuli 3:28

Aku kabye: Nzi lanzeleni, hakuva Jehova i nyikele a valala va nwina va ka Moabi mandleni ya nwina. Va lo relela va mu lanzela vaya mapelweni ya Jordani ngomama ni vaMoabi, va nga vumeli munhu ku tlhatuka.

Valamuli 7:13

Laha Gideoni a nga chikela, ku wa hi kona a munhu a nga hlawutela a noro ka munwe wa va ka kabye, aku: Nzi lorile noro; nzi lorile a xikhekhetselo xa xibaba xa sevada na xi khingirikela lomu wugovelweni ga vaMidiani, kala xi chikela laha tendeni xi giba, giwa lahasi gi ku baratata.

Valamuli 7:15

Ku te loku Gideoni a zwile timhaka ta noro lowo ni tlhamuselo wa tona, a khongela. Zonake i lo tlhelela le wugovelweni ga vaIsraeli, a yaku: Sukani, hakuva Jehova i nyikele a yimpi ya vaMidiani mandleni ya nwina.

1 Samueli 14:12

Zonake a vavanuna va butho lego va lo wulawula na Jonatani ni muweleli wa matlhari yakwe, vaku: Ngonani laha hi ta ta mu byela timhaka! Jonatani aku ka muweleli wa matlhari yakwe: Kanziha u nzi lanza, hakuva Jehova i va nyikele mandleni ya va ka Israeli.