Valamuli 6:13 - Tshwa Bible

¹³ Gideoni aku ka yona: O, hosi yanga, loku Jehova a wa hi zinwe na hina, hi kuyini zontlhe lezi zi hi humeleleko? Zi kwihi zontlhe zihlamaliso zakwe lezi a vararu va hina va nga hi hlawutela zona, vaku: A hi yena Jehova a hi humesileko Gipite ke? Kanilezi makunu Jehova i hi hoxile, a hi nyikela mandleni ya vaMidiani.

Valamuli 6:13 Mawu Ofanana

Genesisi 25:22

Ni vanana va lo gudlhana lomu nzeni kakwe; yena aku ngalo: Loku zi mahisa lezi, nzi xurele yini nyimba ke? I lo ya wutisa ka Jehova.

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Tisimu 27:9

U nga fihli a nghohe ya wena ka mina, U nga hlongoli a nanza ga wena hi zanga; Wena loyi u nga muvuneteli wa mina, u nga nzi hlongoli, hambu ku nzi tsika, Nungungulu wa kuhanyiswa ka mina.

Tisimu 44:1

Nungungulu, hi zi zwile hi tindleve ta hina, A vadadani va hina va hi byelile Hi mitiro leyi u yi tirileko masikwini yabye, A masikwini ya kale ka matiko. Deut. 6:20

Tisimu 44:2

U lo hlongola a vamatiko hi canja ga wena, Kanilezi vona u va zimekile; U lo mbhetisa matiko manwani, kasi vona va fela ku enzeleka. Ekso. 15:17

Tisimu 44:9

Hambu zi hi tano, u hi cukumetile, u hi wisa tingana, A ka ha humi ni tiyimpi ta hina.

Tisimu 89:49

Jehova, gi kwihi a wunene ga wena ga kale, Legi u nga hlambanyela Davida hi kutsumbeka ka wena ke?

Isaya 41:17

Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Isaya 63:11

Zonake va lo khumbula masiku ya kaleloko xikhatini xa Mosi, vaku: I kwihi loyi a nga va humesa lomu bimbini, Zinwe ni varisi va tlhambi wakwe? I kwihi loyi a nga veka Moya wakwe wu basileko xikari kabye? Ekso. 14:29; Mitse. 11:25

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Jeremia 23:33

Loku vanhu lava, kutani muprofeti, kutani mupristi, va ku wutisa vaku: Hi wihi a nzhwalo wa Jehova ke? zonake u ta va hlamula, uku: Hi nwina a nzhwalo wa kona! Nzi ta mu chokola, ku wula Jehova.

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Deuteronome 29:24

A vamatiko vontlhe va taku: Jehova i mahele yini lezi zilo ka legi tiko? Xana ka kuyini a kuvura ka zanga leyi ya hombe ya kunghahi ke?

Deuteronome 31:17

Kanilezi a zanga ya mina yi ta vura hi lego siku, nzi va tsika, nzi fihla a nghohe ya mina ka vona, va lobyiswa, a makhombo ya ku tala ni hlomulo zi tata hehla kabye, zonake va ta ku ngalo: Kasi lawa makhombo ma tako hehla ka hina, a hi lezi Nungungulu wa hina a nga hiko kona xikari ka hina ke?

Valamuli 6:1

A vanana va ka Israeli va lo engeta kambe va maha kubiha mahlweni ka Jehova. Yena i lo va nyikela mandleni ya vaMidiani ntlhanu wa malembe ni mambiri,

Valamuli 6:12

A ngelosi ya Jehova yi lo woneka ka yena, yiku: Jehova i na wena, wena wanuna wa nhenha.