Valamuli 6:12 - Tshwa Bible

¹² A ngelosi ya Jehova yi lo woneka ka yena, yiku: Jehova i na wena, wena wanuna wa nhenha.

Valamuli 6:12 Mawu Ofanana

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Luka 1:11

Zonake a ngelosi ya Hosi yi lo woneka ka Zakaria, na yi yimile hi tlhelo ga xinene ga alati ga ku hisela a libani; Ekso. 30:1

Luka 1:28

A ngelosi yi lo ta enghena, yiku kakwe; Xewe, wena loyi u kumileko thomo, a Hosi yi na wena. Dan. 9:23; 10:19; Vala. 6:12

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Valamuli 11:1

Makunu Jefta a muGileade i wa hi nhenha; i wa hi nʼwana wa xibhayi, na a pswalwa hi Gileade.

Valamuli 13:3

A ngelosi ya Jehova yi lo woneka ka wasati loye, yiku: Cuwuka, wena u ngonwa. Kanilezi u ta xura nyimba, u pswala nisanyana.

Valamuli 2:18

Loku Jehova a va vuxele valamuli, i wa tshama ni mulamuli munwe ni munwani a va hlanguta valaleni vabye masikwini ya mulamuli loye, hakuva Jehova i wa va zwela wusiwana zirilweni zabye, lezi va nga wa tshekulela hi vaxanisi vabye.

Valamuli 6:11

Zonake a ngelosi ya Jehova yi lota yi ta tshama lahasi ka nkuhlu lowu wu nga le Ofra, ka Joaxi a muAbiezeri. A nʼwana wakwe Gideoni i wa kari a phopha mavele lomu xigowolweni, kasi ku fihlela vaMidiani.

Valamuli 6:13

Gideoni aku ka yona: O, hosi yanga, loku Jehova a wa hi zinwe na hina, hi kuyini zontlhe lezi zi hi humeleleko? Zi kwihi zontlhe zihlamaliso zakwe lezi a vararu va hina va nga hi hlawutela zona, vaku: A hi yena Jehova a hi humesileko Gipite ke? Kanilezi makunu Jehova i hi hoxile, a hi nyikela mandleni ya vaMidiani.

Rute 2:4

Boazi i lo chikela na ata hi le Betlehema, aku ngalo ka vatshoveli: Jehova ave na nwina! Vonawu vaku: Jehova a ku katekise!

1 Samueli 10:7

Makunu laha zi ta nga maheka lezi zikombiso ka wena, u ta maha lezi zi ta nga woneka khwatsi ka wena, hakuva Nungungulu i zinwe na wena.