Valamuli 6:10 - Tshwa Bible

¹⁰ Nzi wa te ngalo ka nwina: Hi mina Jehova Nungungulu wa nwina; mu nga dzuki mu chava vanungungulu va vaAmori, lava mu akileko lomu tikweni gabye. Kanilezi a mu ingisangi a gezu ga mina. 2 Tih. 17:35, 38

Valamuli 6:10 Mawu Ofanana

2 Tihosi 17:13

Kasike Jehova i wa va byelile va ka Israeli ni va ka Juda hi vaprofeti vakwe, ni vontlhe vawoni vakwe: aku: Tlhelani lomu tindleleni ta nwina to biha, mu hlayisa zileletelo za mina ni milayo ya mina, khwatsi hi lezi nzi leleteleko vararu va nwina yontlhe milayo, kotisa lezi nzi rumileko a malanza ya mina, va nga vaprofeti.

2 Tihosi 17:33

Va wa chava Jehova, na va khozela vanungungulu vabye hi mamahela ya matiko lawa va humeleko ka wona.

2 Tihosi 17:7

Hakuva a vanana va ka Israeli va wa onhele Jehova Nungungulu wabye loyi a va humesileko tikweni ga Gipite, lahasi ka canja ga Faro a hosi ya le Gipite, kambe va wa khozele vanwani vanungungulu. Levi 18:3

Nehemia 9:29

u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Eksodusi 34:12

Ti wonele, u nga mahi xivumelwano ni lavo vanhu va akileko tikweni legi u yako ka gona va nga dzuka va hunzuka va maha ziyo xikari ka nwina.

Eksodusi 34:14

Hakuva wena u nga ta khizamela munwani nungungulu, hakuva Jehova loyi a vito gakwe a nga Mupinyami, i Nungungulu wo pinyama.

Mavingu 5:13

Nzi nga chavi a gezu ga vagonzisi va mina, e hambu ku koramisa a ndleve ya mina ka lava va nga nzi gonzisa?

Jeremia 10:2

Jehova i ngalo: Mu nga gonzi a mahanyela ya vamatiko, Mu nga chaviswi hi zikombiso za le tilweni, Hakuva a vamatiko va chavisiwa ha zona. Levi 18:3; Isa. 47:13

Jeremia 17:23

Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 3:25

A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.

Jeremia 42:21

Nzi mu byelile-ke nyamutlha, kanilezi a mu ingisangi a gezu ga Jehova a Nungungulu wa nwina ni ka xihi xilo lexi a nga nzi ruma xona ka nwina.

Jeremia 43:4

Zinghaho Johannani nʼwana Karea ni tinduna tontlhe ta mabutho ni vanhu vontlhe a va ingisangi a gezu ga Jehova, gaku a va tshame tikweni ga ka Juda.

Jeremia 43:7

ya loya tikweni ga Gipite hakuva a va ingisangi a gezu ga Jehova. Va lo ya chikela le Tahpanhesi.

Jeremia 9:13

Jehova i ngalo: Hi kota ya lezi va tsikileko a nayo wa mina, lowu nzi nga wu veka mahlweni kabye, va nga ingisi a gezu ga mina, hambu ku famba ha gona,

Zefania 3:2

A wu ingisangi gezu ni ginwe, a wu amukelangi a ziluleko, a wu tsumbangi Jehova, a wu tshinelangi ka Nungungulu wa wona.

Va le Roma 10:16

Kanilezi vontlhe a va ingisangi a ivangeli. Hakuva Isaya i ngalo: Hosi, himani a kholilweko lezi hi nga byeliwa zona ke? Isa. 53:1; Joh. 12:38; Maheb. 4:2

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.

Valamuli 2:2

Nzi wa te ngalo: Mu nga mahi xivumelwano ni vaaki va tiko legi; kanilezi khungumulani maalati yabye. Kanilezi a mu ingisangi a gezu ga mina. Hi kuyini mu mahileko lezi ke?

Valamuli 6:9

Nzi mu tlhatlhisa canjeni ga vaGipite, ni canjeni ga vontlhe vaxanisi va nwina, nzi va hlongola mahlweni ka nwina, nzi wuya nzi mu nyika a tiko gabye.