Valamuli 4:14 - Tshwa Bible

¹⁴ Debora aku ka Barake: Suka, hakuva nyamutlha hi gona siku legi Jehova a nyikeleko Sisera canjeni ga wena! Jehova a nga ku rangelangi mahlweni ke? Zinghaho Barake i lo relela hi le xitsungeni xa Tabora ni 10,000 wa vavanuna.

Valamuli 4:14 Mawu Ofanana

Genesisi 19:14

Loti i lo huma a ya wulawula ni vamwane vakwe, aku ka vona: Sukani mu huma ka legi wutshamu; hakuva Jehova i ta lovisa lowu muti. Kanilezi a so khwatsi mutseketseli mahlweni ka vamwane vakwe.

Genesisi 44:4

Laha na va ha ku huma laha mutini, na va nga se famba kule, Josefa aku ka nekwa ya yindlu yakwe; Suka u lanza a vanhu lava, loku u va kuma u taku ka vona: Hikuyini mu tlhelisela a kusaseka hi kubiha?

2 Samueli 5:24

Makunu laha u ta ngazwa a guwa ga kufamba le hehla ka tisinya ta timora, u ta huma hi ntamu, hakuva xikhatini xwalexo Jehova i mu rangele mahlweni ku ya hlasela tiyimpi ta vaFilistia.

Isaya 52:12

Hakuva mu nga ta famba hi ku hatlisa, Ge hambu ku suka hi ku tsutsuma; Hakuva Jehova i ta mu rangela, Na Nungungulu wa ka Israeli i ta mu vikela lenzhako. Ekso. 12:33; 13:21; Deut. 16:3

Mika 2:13

A mubhoxi wa ndlela i rangile mahlweni kabye; va bhoxile va chikela nyangweni, va andlamuka hi yona; a hosi yabye yi va rangela, yena Jehova a va rangela.

Deuteronome 9:3

Zi tive inyamutlha lezaku Jehova Nungungulu wa wena hi yena a ta nga tlhatuka zinwe na wena, na a famba mahlweni ka wena khwatsi hi nzilo lowu wu hisako; hi yena a ta nga va lovisa, a va koramisa mahlweni ka wena; zonake wena u ta va hlasela u va lovisa vontlhe hi xihatla khwatsi hi lezi Nungungulu a ku byelileko. Maheb. 12:29

Joxua 10:8

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2

Joxua 7:13

Suka u basisa vanhu, uku: Basisani wutsumbu ga nwina ku longela ga manziko. Hakuva Jehova Nungungulu wa ka Israeli, i ngalo: Ku kona a xilo xa ku yila xikari ka wena, Israeli! Wena a ku zi koti ku yima mahlweni ka valala va wena, kala mu susa a xilo xi yilileko xikari ka nwina. Ekso. 19:10, 14

Valamuli 19:28

Aku kakwe; Vuka hi famba! Kanilezi a nga hlamulangi nchumu. A nuna wakwe i lo mu teka a mu kanzihisa laha mbongoleni, a famba a ya chikela kaya.

Valamuli 4:10

Barake i lo hlomisa va ka Zabuloni ni va ka Naftali vata le Kedexi. I lo kanziha ni 10,000 wa vavanuna, Debora a kanzihawu navo.

Valamuli 7:9

Gwalego wusiku Jehova i te ngalo kakwe: Suka u relela le wugovelweni, hakuva nzi gi nyikele mandleni ya wena.

1 Samueli 9:26

Va lo vuka ni mixo. Kutsuwukeni ka gambo, Samueli i lo vitana Saule le hehla ka yindlu, aku: Vuka, kasi nza fela ku ku heleketa! Saule i lo vuka, va huma vontlhe na Samueli. Deut. 22:8