Valamuli 21:5 - Tshwa Bible

⁵ Zonake a va ka Israeli vaku: Himani xikari ka tixaka tontlhe ta ka Israeli a nga kanzihangiko ata hlengeletanweni wa Jehova ke? Va wula lezo hakuva va wa hlambanyile hi xifungo xa hombe xungetano ni loyi a ta nga kala a ngati ka Jehova le Mizpa, vaku: Hizinene i ta dawa.

Valamuli 21:5 Mawu Ofanana

Jeremia 48:10

I rukatelwe loyi a nga ni mihoni ntirweni wa Jehova, I rukatelwe loyi a alisako a supado yakwe a nkhata.

Valamuli 21:1

Makunu a vavanuna va ka Israeli va wa hlambanyile le Mizpa, vaku: Ku nga ta kuva kona ni munwe wa hina a ta nga nyikela a nhwana wakwe a tekwa hi va ka Benjamini.

Valamuli 21:18

Hambulezo hi nga ta va nyika vanhwana va hina va tekana navo, hakuva a va ka Israeli va hlambanyile, vaku: A khombo a give hehla ka loyi a ta nga nyikela a nhwana wakwe ka va ka Benjamini!

Valamuli 21:6

A va ka Israeli va lo zwela wusiwana vamakabye vabye va ka Benjamini, vaku: Ku kona lixaka linwe li tsemilweko lomu ka Israeli nyamutlha.

Valamuli 5:23

Rukatelani Meroza, ku lo wula a ngelosi ya Jehova; Rukatelani nguvu a vaaki va kona; Hakuva a va tangi ku ta vunetela Jehova, A ku ta vunetela Jehova a kulwa ni tinhenha.

1 Samueli 11:7

Zonake i lo tlhava a patswa wa tinkavi, a ti maha zitlubyana a zi rumela tikweni gontlhe ga ka Israeli hi canja ga mitsukano, aku: Kani himani a to kala ku huma a lanza Saule na Samueli, a tihomu takwe ti ta mahiwa kota lezi. A xichabyo xa ka Jehova xi lota hehla kabye, a vanhu va huma na va bohene hi moya munwe. Vala. 20:1

1 Samueli 14:24

A vanhu va ka Israeli va wa rerekile nguvu lego siku, hakuva Saule i wa hlamhanyisile vanhu, aku: I rukatelwe loye a ta ngaga zakuga kusukela lezi kala laha gambyeni, hakuva nza ha lava ku phota ka valala va mina! Hikwalaho ku wa nga hi kona munhu a nga wa laza zakuga.