Valamuli 20:34 - Tshwa Bible

³⁴ Zonake a 10,000 wa milangelwa ya tinhenha ta vavanuna va ka Israeli ti lo vumbuluka mahlweni ka Gibea. Yi wa hi yimpi ya hombe; kanilezi va wa nga gi tivi a khombo legi gi tova wela.

Valamuli 20:34 Mawu Ofanana

Joba 21:13

Va mbheta masiku yabye lomu mihlakanweni; Va relela vaya le Xeole hi kurula.

Mavingu 29:6

A kugoheni ka munhu wa kubiha ku na ni ziyo; anilezi loyi a lulamileko wa yimbelela a nengela.

Mavingu 4:19

A ndlela ya vaonhi yi fana ni munyama, va xi tivi lexi xi va khubekisako.

Mutshawuteli 9:12

Hakuva munhu a nga xi tivi xikhati xakwe; khwatsi hi zidluwani zi phasiwako hi likoka, ni tinyanyani ti phasiwako hi tlhamu, hilezo ni vana va vanhu va phasiswako zona xikhatini xa kubiha, va welwa hi khombo hi xitshuketi. Mar. 13:35; Lu. 12:20

Isaya 47:11

Hikwalaho a khombo gi ta ku wela, U nga ta ku tiva lomu gi ta ngata ha kona. U ta welwa hi mhango, u nga zi koti ku ti vikela; A kulova ku ta ku wela hi xitshuketi Na u nga tivi nchumu.

Mateu 24:44

Hikwalaho na nwina, tshamani mu longile, hakuva a Nʼwana wa munhu wata hi xikhati lexi mu nga xi alakanyiko.

Luka 21:34

Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

Joxua 8:14

Ni laha a hosi ya le Ai yi nga wa zi wonile, zalezo a vanhu va muti va lo vuka ni mixo, va hatlisa ku huma vaya tlhangana ni va ka Israeli valwa navo, va lo ya tsombana ka wutshamu gi yimisilweko mahlweni ka nzhelelo; kanilezi yena i wa nga zi tivi lezaku ku kona xijumani lenzhako ka muti.

Valamuli 20:35

Jehova i lo lamata Benjamini mahlweni ka va ka Israeli; a va ka Israeli va lo hihirita 25,100 wa vavanuna va zilwa-matlhari za ka Benjamini lego siku,