Valamuli 20:26 - Tshwa Bible

²⁶ Zonake vontlhe va ka Israeli ni vanhu vontlhe va tiko, va lo kanziha vaya Beteli va ya rila, va tshama mahlweni ka Jehova, va yila siku lego kala gambyeni, va nyikela ka Jehova a miphahlo ya kuhiswa ni ya kurula.

Valamuli 20:26 Mawu Ofanana

Genesisi 28:19

I lo chula a vito ga lego wutshamu ku Beteli; kanilezi kusanguleni a vito ga lowo muti ku wa hi Luzi.

2 Samueli 3:35

A vanhu vontlhe va lo ta khongotela Davida lezaku aga zakuga na ka hi hlikanhi; kanilezi Davida i lo hlambanya, aku: Nungungulu a mahe hi ntatau, ni ku engeta ka mina, loku mina nziga zibaba, hambu ni xihi xilo, na gi nga se ku pela gambo!

2 Kronekele 20:3

Jehoxafate i lo chava, a ti longisela ku hlota Jehova; i lo laya vontlhe va ka Juda lezaku va yila.

Ezra 8:21

Na ha hi le Congweni wa Ahava, nzi lo tiyisa a siku ga kuyila, hi ti koramisa mahlweni ka Nungungulu wa hina, a ku kasi hi ti kombelela ka yena hi pfhumba ga hina go saseka, ni vanana va hina, ni zontlhe zilo za hina.

Jeremia 36:9

Hi lembe ga wuntlhanu ga Jehoiakimu nʼwana Josia, hosi ya ka Juda, hi hweti ya wuntlhanu ni mune, ku lo biwa hungu hi siku ga kuyila mahlweni ka Jehova a ka vontlhe vanhu va Jerusalema, ni vanhu vontlhe va humako mitini ya ka Juda vata Jerusalema.

Joeli 1:14

Yimisani a siku ga kuyila, mu ramba a gotsovanyano wa ximuse. Tsombanyisani a zikhosana ni vontlhe a vaaki va tiko lomu ndlwini ya Jehova a Nungungulu wa nwina, mu rila ka Jehova.

Joxua 24:1

Joxua i lo tsombanyisa tixaka tontlhe ta ka Israeli le Xekemi, ni ku ramba a masingalakati ya ka Israeli, ni tihosana tabye, ni valamuli vabye, ni tinduna tabye ta yimpi; va lo ta yima mahlweni ka Nungungulu.

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.

Valamuli 20:18

A va ka Israeli va lo suka va kanziha Beteli ku ya kombela wusungukati ka Nungungulu, vaku: Himani xikari ka hina a ta nga rangela mahlweni a ku yalwa ni va ka Benjamini? Jehova aku: Ku ta rangela Juda.

Valamuli 20:23

Va lo kanziha va ya rila mahlweni ka Jehova kala laha gambyeni, na va wutisa, vaku: Hi engeta hi yalwa ni nakulori Benjamini ke? Jehova aku: Kanzihani mu yalwa naye!

Valamuli 20:25

A va ka Benjamini va lo huma ga wumbiri lomu Gibea va ya tlhangana ni va ka Israeli va hihirita 18,000 wabye, a vakhomi va matlhari.

Valamuli 21:2

A vanhu va loya Beteli va tshama mahlweni ka Nungungulu kala laha gambyeni, va rila, va tsikwila hi hlomulo wa hombe,

Valamuli 21:4

Hi siku gi gamelako a vanhu va lo vuka ni mixo va aka a alati laho, va maha miphahlo ya kuhiswa ni ya kurula.

1 Samueli 11:4

Zonake a mitsumi yi loya le Gibea wa Saule, yi ya tivisa vanhu hi timhaka leti. Vontlhe vanhu va lo kanyuluka va rila.

1 Samueli 7:6

Va lo tsombana le Mizpa, vakha mati va ma cheletela mahlweni ka Jehova. Va lo yila va ngagi nchumu siku lego, vaku: Hi gohele Jehova! Samueli i lo lamula a vanana va ka Israeli le Mizpa.