Valamuli 20:18 - Tshwa Bible

¹⁸ A va ka Israeli va lo suka va kanziha Beteli ku ya kombela wusungukati ka Nungungulu, vaku: Himani xikari ka hina a ta nga rangela mahlweni a ku yalwa ni va ka Benjamini? Jehova aku: Ku ta rangela Juda.

Valamuli 20:18 Mawu Ofanana

Joeli 1:14

Yimisani a siku ga kuyila, mu ramba a gotsovanyano wa ximuse. Tsombanyisani a zikhosana ni vontlhe a vaaki va tiko lomu ndlwini ya Jehova a Nungungulu wa nwina, mu rila ka Jehova.

Mitsengo 27:21

Yena i ta yima mahlweni ka mupristi Eliazare, i ta mu kombelela hi nayo wa Urime mahlweni ka Jehova. Khwatsi hi kuleletela kakwe a vanana va ka Israeli va ta huma; hi kuleletela kakwe kambe va ta tlhela va enghena.

Mitsengo 27:5

Mosi i lo yisa a mhaka yabye mahlweni ka Jehova.

Joxua 18:1

Ni wontihe tlhangano wa vanana va ka Israeli wu lo tlhangana le Xilo; zonake va lo yimisa a tenda ga mutlhangano, hakuva va wa khozisile tiko. Jer. 7:12

Joxua 9:14

Ni vanhu va ka Israeli va lo teka timbuva ta vona; cima a va wutisangi makungo hi le nonwini wa Jehova. Mitse. 27:21

Valamuli 18:31

Zinghaho va lo ti yimisela a xifananiso xi vatlilweko, lexi xi nga wa mahilwe hi Mika, xontlhe xikhati lexo a yindlu ya Nungungulu yi nga wa hi le Xilo.

Valamuli 19:18

Yena aku: Hi humela le Betlehema-Juda, na hiya le tlhelweni ga xitsunga xa ka Efraime, ku nga kona nzi humelako kona mina. Nzi wa loya le Betlehema-Juda. Makunu nziya ndlwini ya Jehova, kanilezi a ku na munhu wa ku nzi rurela ndlwini yakwe;

Valamuli 20:17

Ahandle ka va ka Benjamini, a va ka Israeli va wa hi 400,000 wa vavanuna va zi kotako ku hloma matlhari; vontlhe va wa hi zilwa-matlhari.

Valamuli 20:19

Zonake a va ka Israeli va lo vuka ni mixo va ya gova kusuhani ni le Gibea.

Valamuli 20:23

Va lo kanziha va ya rila mahlweni ka Jehova kala laha gambyeni, na va wutisa, vaku: Hi engeta hi yalwa ni nakulori Benjamini ke? Jehova aku: Kanzihani mu yalwa naye!

Valamuli 20:7

Makunu nwina nwentlhe va ka Israeli mu kona laha; hi nga hlolisiseni mhaka leyi mu humesa wusungukati ga nwina.

1 Samueli 10:3

Ku suka hi laho u taya mahlweni kala u chikela laha ka kuhlu wa le Tabori. Laho u ta tlhangana ni vanhu vanharu na va kanziha vaya Beteli ka Nungungulu; munwe na rwele zimbutana zinharu, a munwani na rwele zibaba zinharu, a wa wunharu na rwele a kwama wa vinya.