Valamuli 2:15 - Tshwa Bible

¹⁵ Ni kwihi laha va yako, a canja ga Jehova gi wa va vukela, khwatsi hi lezi Jehova a nga wa wulile a hlambanya kabye. Hilezo va wa hi tikhuruxwini ta hombe.

Valamuli 2:15 Mawu Ofanana

2 Kronekele 12:1

Makunu laha a mufumo wa Rehoboamu wu nga wa tiyisilwe, a hi ni ntamu, yena ni vontlhe va ka Israeli va lo tsika a nayo wa Jehova.

Jeremia 18:8

kanilezi loku a tiko legi nzi wulawulileko ha gona, gi hunzuluka kubiheni ka gona, minawu nzi ta hunzuluka nzi tsika a khombo legi nzi nga xuvile a ku gi mahela. Ezek. 18:21; Jona 3:10

Jeremia 21:10

Hakuva nzi langutele lowu muti hi kubiha, na ku nga hi kusaseka, ku wula Jehova. Wu ta nyikelwa canjeni ga hosi ya Babuloni, yi ta wu hisa hi nzilo.

Jeremia 44:11

Hikwalaho Jehova wa tiyimpi, a Nungungulu wa Israeli, i ngalo: Nzi ta mu nonohisela a nghohe ya mina nzi mu mahela kubiha, nzi hihirita gontlhe Juda. Levi 17:10; Am. 9:4

Jeremia 44:27

Nza va xiyelela kasi ku va mahela kubiha, na ku nga hi kusasa. A vanhu vontlhe va ka Juda va nga lomu tikweni ga Gipite va ta dawa hi supado ni ndlala, kala va mbhela.

Mika 2:3

Hikwalaho Jehova i ngalo: Langutani, nza alakanyela a khombo hehla ka lixaka leli, legi mu to kala mu nga zi koti ku humesa a tinhamu ta nwina ka gona, mu nga ha ta famba hi matshanza, hakuva a xikhati xi bihile.

2 Va le Korinte 4:8

Hi tsimbeketwa matlhelweni wontihe, kanilezi a hi swireki; ha kanganyiseka, kanilezi a hi mbheli ntamu.

Deuteronome 18:20

Kanilezi a muprofeti loye a ta nga ti kukumukisa hi ku wulawula hi vito ga mina, a timhaka leti nzi nga mu leletelangiko ku ti wulawula, ni loku a wulawula hi mavito ya vanwani vanungungulu, a muprofeti loye i tafa.

Valamuli 10:9

A vanana va ka Amoni va lo tlhatuka Jordani va talwa ni va ka Juda ni va ka Benjamini, ni yindlu ya ka Efraime. A vanana va ka Israeli va wa hi hlomulweni wa hombe.

Rute 1:13

mu wa ta va rinzela kala va kula ke? Mu wa ta ti boha mu nga tekwi hi vanwani vavanuna ke? A hi zona, vana vanga! Zona za nzi vangela nguvu hlomulo ku hunza nwina, hakuva a canja ga Jehova gi nzi tlhelisele nzhako.

1 Samueli 12:15

Kanilezi loku mu nga ingisi a gezu ga Jehova, ni loku mu ala zileletelo zakwe, zonake a canja gakwe gi ta mu vukela, khwatsi hi lezi gi nga wa vukela vararu va nwina.

1 Samueli 13:6

Laha a vanhu va ka Israeli va nga wa wonile lezaku va le mhangweni ya hombe, hakuva a vanhu Va wa karatilwe nguvu, va lo fihlala lomu timhakweni, ni lomu tikhwareni, ni lomu maribyeni, ni lomu mikovotlweni, ni lomu marinzini.

1 Samueli 14:24

A vanhu va ka Israeli va wa rerekile nguvu lego siku, hakuva Saule i wa hlamhanyisile vanhu, aku: I rukatelwe loye a ta ngaga zakuga kusukela lezi kala laha gambyeni, hakuva nza ha lava ku phota ka valala va mina! Hikwalaho ku wa nga hi kona munhu a nga wa laza zakuga.

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.