Valamuli 19:6 - Tshwa Bible

⁶ Zinghaho va lo tshama vaga, vanwa, hi wumbiri gabye. A raru wa sati, aku: Xwena kambe wusiku legi, u tsakisa a mbilu ya wena.

Valamuli 19:6 Mawu Ofanana

2 Samueli 13:28

Absalome i lo leletela malanza yakwe, aku: Xiyisisani khwatsi, a xikhati lexi a mbilu ya Amnoni yi tangeleko hi vinya, ni loku nziku ka nwina: Dayani Amnoni! Dayani futsi. Mu nga mu chavi! Ma zizwa lezo ke? Tiyani, muva vavanuna va tinhenha!

1 Tihosi 21:7

Jezebeli a sati wakwe i te ngalo: Kasi a hi wena u fumelako a tiko ga va ka Israeli ke? Vuka uga, u xalala; nzi ta ku nyika a simu ga xivina ga Nabote a muJezreeli.

Estere 1:10

Hi siku ga wu 7, laha a mbilu ya hosi yi nga wa tsakile hi vinya, i lo ruma Mehumani, na Bizta, na Harbona, na Bigta, na Abagta, na Zetari na Karkasi, a 7 wa mithenwa leyi yi nga wa yimeletela hosi Ahasuerusi,

Tisimu 104:15

Ni vinya legi gi tsakisako a mbilu ya munhu, Ni mafura yo nyukisa a nghohe yakwe, Ni xibaba lexi xi tiyisako a mbilu ya munhu. Vala. 9:13

Luka 12:19

Nzi taku ka muhefemulo wa mina: Muhefemulo, u hlengeletele a zilo zinyingi zo enela malembe yo tala; humula, uga, unwa, u tsaka. Mutsa. 11:9; 1 Kor. 15:32; Jak. 5:5

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

Kuvululelwa 11:10

Ni lava va akileko misaveni va tava ni migiyo ha vona, va tsaka, va rumelana zinyikiwo; hilezi a vaprofeti lava vambiri va lo karata lava va akileko misaveni. Estere 9:19

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Valamuli 16:25

Laha a timbilu tabye ti nga wa tsaka, va te ngalo: A ku vitanwe Samsoni a ta hi hlekisela. Va lo ya teka Samsoni lomu paxweni a ta va hlekisela, na va mu yimisile laha xikari ka timhanze ta tempeli.

Valamuli 19:7

A wanuna a si kakatsuko, ku lava ku khoma ndlela. A raru wakwe i lo mu khongotela; kala axwa laho kambe.

Valamuli 19:9

Laha a wanuna a nga suka kasi ku famba, ni sati wakwe, ni nanza gakwe, a raru wakwe aku: E, a gambo gi pelile; etlela. Hi nga wona, wusiku makunu; xwana u tsakisa a mbilu ya wena. Manziko u ta vukela ku khoma ndlela u famba kaya.

Valamuli 9:27

Va lo huma vaya masinwini, va ya kolela mauva va ma kamela, va maha mibuzo, vaya lomu ndlwini ya mingungulu wabye va yaga, vanwa, va rukatela Abimeleki.

Rute 3:7

Laha Boazi a nga wa gile, anwa, a tsaka, i lo ya etlela le magumo ka nhulu ya sevada. Rute i lota hi kunyanima a ta funungula milenge yakwe, a etlela laho.

1 Samueli 25:36

Abigaili i lo chikela ka Nabali a ya mu kuma na a maha mubuzo lomu ndlwini yakwe wo fanana ni mubuzo wa hosi. A mbilu ya Nabali yi wa tangele, na popilwe nguvu; kanilezi a nga mu byelangi nchumu kala gica ni mixo.