Valamuli 19:3 - Tshwa Bible

³ A nuna wakwe i lo suka a mu lanza, a ya wulawula naye hi wuxinji kasi a fela ku wuya naye kaya; i wa hi ni nanza gakwe ni timbongola timbiri. A sati loye wakwe i lo mu amukela a mu rurela ndlwini ya raru wakwe. Laha a raru wa muni a nga mu wona i lo mu tsakela.

Valamuli 19:3 Mawu Ofanana

Genesisi 34:3

A mbilu yakwe yi lo namarela ka Dina, a nhanyana wa Jakobe, i lo mu ranza loyi wa nhanyana, a xalalisa a mbilu yakwe.

Genesisi 50:21

Hikwalaho mu nga chavi, nzi ta mu wundla ni vana va nwina. Zinghaho i lo va chavelela, a tangalisa timbilu tabye.

Jeremia 3:1

Ve ngalo: Loku a wanuna a hlongola sati wakwe, loye wasati a ti fambela, a ya tekiwa hi munwani wanuna, xana loyi wanuna a nga zi kota ku mu tlhelela kambe ke? A tiko lego gi nga ta swariswa hi ku maha lezo ke? Kanilezi wena loyi u gengileko hi wubhayi ni zigango zo tala, xana u ta tlhelela ka mina, ku wula Jehova. Deut. 24:4

Hosea 2:14

Hikwalaho nzi ta mu kupeta nzi mu yisa xiwuleni, nzi wulawula ni mbilu yakwe.

Hosea 2:16

Jehova i ngalo: Hi siku lego u ta nzi vitana ku: Nuna wa mina, u nga ha nzi vitani ku: Nwinyi.

Levi 19:17

U nga vengi makabye wa wena lomu mbilwini ya wena; u nga tsiki ku luleka muakelani wa wena kasi u nga kumi nanzu hi kota yakwe. Mat. 5:22; Lu. 17:31; Joh. 2:9

Levi 20:10

Ni loku munhu a bhaya ni wasati a tekilweko, a bhaya ni sati wa muakelani wakwe, a wanuna ni wasati lava va bhayileko, vona vambiri va ta dawa. Mat. 5:27; Joh. 8:4

Mitsengo 22:22

Kanilezi a zanga ya Nungungulu yi lo mu vukela hi lezi a nga suka a famba navo. A ngelosi ya Jehova yi lo yima laha ndleleni, yi mu valela ndlela. Balaami i wa khilele a mbongola yakwe, na hi ni malanza yakwe ya mambiri.

Mateu 1:19

Kanilezi Josefa, a nuna wakwe, kota lezi a nga hi munhu a lulamileko, i wa nga ranzi a ku mu wisa tingana, i lo alakanya ku mu tsika xihundleni. Deut. 24:1

Johani 8:11

Yena aku ngalo: A nga kona, Hosi. Jesu aku ngalo: Na minawu, a nzi ku koni. Ti fambele, u nga ha onhi kambe. Lu. 9:56; 12:14; Xip. 5:14

Va le Galatia 6:1

Vamakabye, loku a munhu a kumiwa xionhweni xo kari, nwina lava mu nga va moya, lulekani a wa kunghaho hi moya wa kuolova; zonake wenawu u ti tlharihela lezaku u nga ringiwi na wena. 1 Kor. 2:15; 7:5; 2 Tes. 3:15

Valamuli 15:1

Kanilezi anzhako ka xikhati, na va kari va hula mavele, Samsoni i lo enzela sati wakwe na hi ni ximhutana; i te: Nza haya ka sati wa mina lomu ndlwini. Kanilezi a raru wakwe a nga mu vumelangi ku enghena.

Valamuli 19:2

A mundlukulu loyi wakwe i lo bomba hi wuoswi, a suka aya ka raru wakwe le Betlehema-Juda, a ya tshama leyo Xipimo xa mune wa tihweti.

Valamuli 19:26

Zonake i lota wasati loye laha gi cako, a tawa laha nyangweni ya yindlu leyo ku nga hi ni nwinyi wakwe, a tshama kona kala gi huma gambo.

Valamuli 19:4

A raru wakwe wo pswala sati i lo mu thindekisa, a tshama laho masiku manharu, vaga, vanwa, va etlela leyo.