Valamuli 19:10 - Tshwa Bible

¹⁰ Kanilezi a wanuna i lo ala kuxwa lego wusiku; i lo suka a famba a ya chikela kusuhani ni Jebusi (ku nga Jerusalema); i wa hi ni timbongola timbiri ti nga gabhatselwe. I wa hi ni mundlukulu wakwe.

Valamuli 19:10 Mawu Ofanana

2 Samueli 5:6

A hosi yi loya ni vanhu va yona Jerusalema va yalwa ni vajebusi, a vaaki va tiko. Kanilezi vona va te ngalo ka Davida: Cima u nga ta zi kota ku enghena lomu, hakuva hambu zikhumu ni zilema zi ta ku hlongola. Lezo va wa alakanya lezaku Davida a nga ta enghena tikweni lego. Jox. 15:63; Vala. 1:21

Joxua 15:63

Kasike a vajebusi, a vanhu va le Jerusalema, a vanana va ka Juda a va zi kotangi ku va hlongola, hikwalaho a maJebusi va lo aka ni vanana va ka Juda kala inyamutlha le Jerusalema. Vala. 1:21; 2 Sam. 5:6

Joxua 15:8

Zonake wu kanziha hi le nkoveni wa le Ben-Hinome, kala kureleleni ka xitsunga xa vajebusi hi le Dzongeni, laho ku nga ni Jerusalema; zonake wu kanziha le hehla ka xitsunga lexi xi cuwukeneko ni nkova wa Hinome, hi le Muhlwa-gambo, a magumeso ya libala la le Refaime, hi le Nwalungu.

Joxua 18:28

ni Zela, ni Elefa, ni Jebusi (ku nga kona Jerusalema), ni Gibea, ni Kiriati; 14 wa miti ni zimitana za yona. Leyi hi tshomba ya vanana va ka Benjamini hi mingango yabye.

Valamuli 1:8

A vanana va ka Juda va lo vukela Jerusalema. Va lo enghena va gi khozisa hi wutlha ga supado, va hisa muti wa kona.

Valamuli 19:9

Laha a wanuna a nga suka kasi ku famba, ni sati wakwe, ni nanza gakwe, a raru wakwe aku: E, a gambo gi pelile; etlela. Hi nga wona, wusiku makunu; xwana u tsakisa a mbilu ya wena. Manziko u ta vukela ku khoma ndlela u famba kaya.