Valamuli 18:7 - Tshwa Bible

⁷ Zonake a vavanuna lavo va ntlhanu va lo suka va famba, va ya chikela le Laixa, va ya wona a vanhu va kona na va tshamekile khwatsi maSidoni, na va tangele va nga chavi nchumu. Ku wa nga hi na munhu tikweni lego wa ku va fumela hi titsheku; va wa hi kule ni vaSidoni, va wa nga hi na mhaka ni vanwani vanhu.

Valamuli 18:7 Mawu Ofanana

1 Tihosi 1:6

A raru wakwe a nga na nga mu kawuka, aku: Hi yini u maha lezo ke? Kanilezi yenawu kambe i wa sasekile nguvu mirini wakwe, na hi nzisana ka Absalome.

1 Tihosi 16:31

A nga kolwangi hi ku maha a zionho lezi zi mahilweko hi Jeroboamu nʼwana Nebate. I lo engeta kambe hi ku teka Jezebeli wa Etebali, a hosi ya vaSidoni, a ya khozela Baali a mu khizamela.

1 Kronekele 4:40

Va lo ya kuma a wuriselo go nona ga byanyi gi nene, ni tiko ga hombe gi anamileko matlhelo wontihe, a tiko go rula, hakuva a vaaki va gona vo ranga va wa hi va lixaka la ka Hamu.

Jeremia 49:31

Sukani, muya tikweni legi gi nga kuruleni, gi tshamekileko, ku wula Jehova; a tiko gi nga hiko na tinyangwa hambu zikwinyaro, gi tshamileko gi hi gocb.

Va le Roma 13:3

Hakuva a vafumeli a va chabyiwi hi munhu loyi a mahako kusaseka, sine loyi a mahako kubiha. Xana wa ranza a kuva u nga chavi mufumo ke? Maha lezi zo saseka, na wena u ta dzunziwa ha wona. 2 Sam. 23:3; Tis. 94:20; 1 Ped. 3:13

Joxua 19:47

A mbhingano wa vanana va ka Dani wu lo huma lahandle ka vona vontlhe va ka kabye, hakuva a vanana va ka Dani va lo huma va ya hlasela le Lexema, va wu khozisa, va wu hlasela hi matlhari, zonake wu maha wabye, va aka lomo; kala va ku chula vito ga Lexema ka Dani, hi vito ga Dani a raru wabye. Vala. 1:34; 18:27

1 Pedro 2:14

kutani vamwamangulu lava va rumilweko hi yena, kasi ku tsayisa lava va mahako kubiha, ni ku dzunza lava va mahako zinene. Rom. 13:3, 4

Kuvululelwa 18:7

Mu nyikeni kuxaniseka ni hlomulo, ku ringana ni lezi a nga ti dumisa ni ku ti tsakisa hi za nyama; hakuva mbilwini yakwe i ngalo: Nzi muzinza, a nzi noni; cima nzi nga ta wona hlomulo. Ekso. 28:2; Isa. 47:7, 8

Valamuli 18:29

Va lo vuxa muti va aka ka wona va wu chula vito ga Dani a raru wabye, loyi wo belekwa hi Israeli. Kanilezi a vito ga wona ga kale ku wa hi Laixa.

Valamuli 18:6

A mupristi aku kabye: Fambani hi kurula; a ndlela leyi mu fambako ha yona yi le mahlweni ka Jehova.

Valamuli 18:8

Va lo tlhela vaya ka vamakabye vabye lava na nga hi le Zora ni le Extaoli. A vamakabye vabye vaku: Mu yini ke?

1 Samueli 3:13

Hakuva nzi mu byelile lezaku nzi ta lamula a yindlu yakwe kala kupinzuka, hi kota ya zionho lezi yena a zi tivako. Hakuva o vana vakwe va ti lavele a nzhukano; kanilezi yena a nga va layangi.