Valamuli 18:10 - Tshwa Bible

¹⁰ Loku mu chikela kona, mu ta ya kuma a vanhu lava va nga chaviko nchumu, ni tiko ga hombe; hakuva Nungungulu i gi nyikele ka nwina, a tiko gi nga vumaliko nchumu wa zilo za misava.

Valamuli 18:10 Mawu Ofanana

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Deuteronome 2:29

kota a vanana va ka Esau lava va akileko le Seire, ni va ka Moabi lava va akileko le Ara, va nzi vumeleko kala nzi tlhatuka Jordani nzi enghena ka tiko legi Jehova Nungungulu wa hina a hi nyikileko gona.

Deuteronome 4:1

Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

Joxua 2:23

Zonake a vavanuna lavo vambiri va lo famba, va relela hi le xitsungeni, va tlhatuka Jordani, va lo ya chikela ka Joxua, nʼwana Nuni, va mu hlawutela tontlhe timhaka leti ti nga va humelela.

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 6:16

Zonake hi khati ga wu 7, na vapristi na vaba mipunzu, Joxua aku ngalo ka vanhu: Kanyulukani! hakuva Jehova i mu nyikile muti.

Valamuli 18:11

Zonake ku lo suka 600 wa vavanuna va ka Dani, va sukela le Zora ni le Extaoli na va hlomile;

Valamuli 18:27

Vona va lo teka lezi zi nga mahilwe hi Mika, zinwe ni mupristi wakwe, vaya le Laixa ka vanhu vo rula, va tshamekileko, va ya va hlasela hi wutlha ga supado, va hisa muti wabye.

Valamuli 18:7

Zonake a vavanuna lavo va ntlhanu va lo suka va famba, va ya chikela le Laixa, va ya wona a vanhu va kona na va tshamekile khwatsi maSidoni, na va tangele va nga chavi nchumu. Ku wa nga hi na munhu tikweni lego wa ku va fumela hi titsheku; va wa hi kule ni vaSidoni, va wa nga hi na mhaka ni vanwani vanhu.

Valamuli 18:9

Vona vaku: Sukani hi famba hi ya va hlasela, hakuva hi wonile a tiko lego go saseka nguvu. Mu miyelela yini? Mu nga lolohi ku famba, hi ya khozisa a tiko lego go saseka.